Ezai 21:3 - Labib An Kreol Seselwa

³ Pour sa rezon ki mon leren i fer mal; douler in pran mwan parey douler lakousman. Mon tro dekouraze pour mwan tande. Mon tro per pour mwan gete.

Ezai 21:3 ပူးပေါင်းရင်းမြစ်များ

Psonm 48:6

Zot ti tranble parey en fanm dan douler lanfantman;

Ezai 13:8

Dimoun pou per. Soufrans atros pou anvai zot. Zot pou ganny douler parey en fanm dan lakousman. Efare, zot pou get kanmarad avek etonnman. Zot figir pou vin rouz.

Ezai 15:5

Mon leker pe lamante pour Moab. Son bann zabitan pe sove ziska Soar e ziska Eglat-Selisya. Dan monte Louit zot pe plere. Zot pous en kri dezespwar lo semen ki al Horonaim.

Ezai 16:11

Alor, konmsi en laarp anndan mwan pe plennyen lo Moab, mon leker i plere pour Kir Eres.

Ezai 16:9

Pour sa rezon, mon plere avek bann zabitan Yazer, pour plantasyon rezen Sibma. Hesbonn! Eleale! Mon larm i koule pour ou akoz nou nepli antann sante dan letan rekolt rezen e rekolt dible.

Ezai 26:17

SENYER! Nou ti prezan devan ou parey en fanm ki kriye dan douler lakousman.

Zeremi 4:19

Zot! Mon vant i fer mal. I vreman fer mal! Mon leker pe palpit anmor. Mon pa kapab reste trankil. Mon bezwen koze. Mon antann tronpet pe soufle ek bann tapaz lager.

Zeremi 48:41

Bann lavil pou ganny kaptire; bann plas byen proteze pou ganny kaptire. Sa zour, bann gerye Moab pou per parey en fanm ki dan douler lanfantman.

Zeremi 49:22

Lennmi pour atak Bosra parey en leg ki desann avek son lezel gran ouver. Sa zour la, bann meyer gerye Moab pou per parey en fanm ki dan douler lanfantman.

Zeremi 50:43

Bann lerwa Babilonn ti'n antann nouvel. Zot ti perdi kouraz, zot lagorz ti sere; Zot ti soufer parey en fanm ki pe akouse.

Zeremi 6:24

Bann zabitan Zerizalenm ti dir: Kan nou ti antann sa nouvel, nou ti perdi kouraz, nou lagorz ti sere. Nou ti soufer parey en fanm ki pe akouse.

Habakouk 3:16

Mon tande e mon tranble dan mwan menm; sa tapaz i fer mon lalev tranble; mon bann lezo pe pouri; mon lazanm i tranble. Dan silans, mon atann zour maler, pour fer fas avek sa pep ki vin atak nou.

Levanzil dapre Zan 16:21

Kan en fanm pe al akouse, i enkyet akoz son ler in arive. Me kan son baba in fini ne, i oubliy son douler, akoz i dan lazwa pour sa zanfan ki i'n met omonn.

Deterononm 28:67

Akoz sa lafreyer ki ou leker pou resanti e akoz sa ki ou lizye pou war, bomaten ou pou dir: Si selman aswar ti'n fer! Aswar ou pou dir: Si selman lizour ti'n fer!

1 Tesalonisyen 5:3

Kan dimoun ava pe dir: Tou i anpe e an sekirite, alor en sel kou, destriksyon pou tonm lo zot, parey douler lakousman ki sezi en fanm ansent, e personn pa pou sape.