Ezai 21:1 - Labib An Kreol Seselwa

¹ En mesaz lo en Dezer Maritim! I pe vini parey en divan vyolan ki travers dezer Negev. I sorti dan dezer dan en pei terib.

Ezai 21:1 ပူးပေါင်းရင်းမြစ်များ

Liv Zob 37:9

Tanpet i sorti dan Sid; divan fre i soufle sorti dan Nor.

Ezai 13:1

La mesaz ki Ezai, garson Amoz, ti gannyen dan en vizyon:

Ezai 13:13

Alor, mon pou fer lesyel tranble. Later pou ganny sekwe lo son fondasyon devan lakoler SENYER liniver, dan sa zour terib.

Ezai 14:1

Me SENYER pou pran konpasyon pour Zakob e swazir Izrael ankor; i pou fer li viv anpe lo son prop later. Bann etranze ava zwenn avek li pour form parti desandan Zakob.

Ezai 14:14

Mon pou mont lo latet nyaz; mon pou vin parey Bondye Treo.

Ezai 14:23

La sa ki SENYER liniver i deklare: Mon pou fer sa lavil vin en lanmar en landrwa pour tang reste. Mon pou detri li avek en balye destriksyon.

Ezai 17:1

Mesaz konsernan Damas. Damas pou nepli en lavil; i pou vin zis en ta debri.

Ezai 47:1

Babilonn, lavil vyerz! Desann lo ou tronn rwayal e vin asiz dan lapousyer. Fiy Babilonn! Vin asiz ater, san ou tronn. Ou pou nepli ganny apele Babilonn sansib e delika.

Ezai 5:28

Zot bann dart i byen pwent, zot in byen ris zot fles. Sabo zot bann seval i dir koman ros e larou zot bann kales i vire parey tourbiyon.

Zeremi 51:1

La sa ki SENYER i deklare: Mon pou anvoy en divan ki pou detri Babilonn e kont bann zabitan Leb-Kamai.

Zeremi 51:42

Lanmer in anvai Babilonn; gro laroul in vin kouver Babilonn.

Zeremi 51:51

Nou pa fyer pour antann sa bann lensilt. Nou santi nou san okenn sekour, akoz bann etranze in penetre dan ou tanp, SENYER.

Ezekyel 1:4

Kan mon ti gete, en rafal divan ti soufle sorti dan Nor e anmenn avek li en gro nyaz; en rebor lalimyer ti ilimin lesyel otour li. Laflanm dife ti sorti dan son milye; i ti klate parey bronz ki pe fonn dan dife.

Ezekyel 30:11

Bann zans pli brit ki egziste, pou vin avek son pep. Zot pou detri sa pei, fer lager kont son pep e ranpli sa pei avek kadav.

Ezekyel 31:12

Bann nasyon etranze pli vyolan ki tou lezot nasyon, in koup li e kit li ater. Son bann brans in tonm partou lo bann montanny e dan bann vale. Son bann brans i ranpli bann sours delo dan pei; e tou bann pep lo later in kit son lonbraz e abandonn li.

Ezekyel 38:9

Ou, avek tou ou bann alye ki avek ou, monte e atak zot. Ou ava desann lo zot koman en tanpet. Parey en gro nyaz, ou ava kouver pei avek ou bann troup.

Danyel 11:40

Kan letan lafen pou arive, lerwa Sid pou atak li. Me, lerwa Nor pou atak li avek kales lager, bann kavalye e avek bokou bato. I pou penetre dan bokou pei e travers zot frontyer parey en lavalas.

Zakari 9:14

Apre sa, SENYER pou aparet par lao zot e son fles pou sorti parey zekler. Senyer BONDYE pou soufle tronpet. I pou avanse dan tanpet sorti dan Sid.