Ezai 20:4 - Labib An Kreol Seselwa

⁴ lerwa Asiri pou pran bann Ezipsyen prizonnyen e deport bann Nibyen, zenn ek vye, san sandal, touni, zot deryer deor. Sa pou en laont pour Lezip.

Ezai 20:4 ပူးပေါင်းရင်းမြစ်များ

2 Samyel 10:4

Alor, Hanoun ti fer aret delegasyon David. I ti fer raz lanmwatye zot labarb, koup zot lenz lanmwatye longer lo nivo zot deryer e fer zot ale.

1 Kronik 19:4

Alor, Hanoun ti pran bann serviter David e fer raz zot, fann zot lenz dan milye kot leren, e fer zot retournen.

Ezai 19:4

La sa ki Senyer BONDYE, SENYER liniver i deklare: Mon pou livre bann Ezipsyen dan lanmen en met kriyel, en lerwa feros ki pou renny lo zot.

Ezai 3:17

SENYER pou kouver latet bann fiy Zerizalenm avek lagal e met zot fron deor.

Ezai 31:2

Pourtan, li i saz e i kapab anmenn maler. I pa sanz son parol; sa ki i dir sanmenm. I leve kont move dimoun e kont sa bann ki konplis dan lemal.

Ezai 31:3

Bann Ezipsyen i bann imen, zot pa Bondye; zot bann seval i annan laser, zot pa en lespri. Ler SENYER i lev son lanmen, sa enn ki port sekour pou kilbite, sa enn ki ganny sekour pou tonbe e tou le de pou mor ansanm.

Ezai 47:2

Pran en ros, kraz lagrenn, prepar lafarin. Tir ou vwal, lev ou rob, montre ou lazanm pour ou travers bann larivyer.

Ezai 47:3

Dimoun ava war ou touni e zot ava war sa ki fer ou laont. Mon pou revanze e mon pa pou eparny personn.

Zeremi 13:22

Si ou demann ou lekor: Akoz tousala in arive ou? Akoz sa kantite fot ki ou'n fer kan ou rob ti ganny desire e ou ti ganny vyole.

Zeremi 13:26

Mwan osi, mon pou lev ou rob lo ou figir e tou dimoun ava war ou touni.

Zeremi 46:19

Pep Ezipsyen! Anmas ou pake; prepar ou pour al annegzil. Lavil Menmfis pour vin parey en dezer; en ta debri san okenn zabitan.

Zeremi 46:26

Mon pou livre zot avek sa bann dimoun ki oule zot lanmor: Naboukodonozor lerwa Babilonn ek son bann gerye. Me plitar, Lezip pou ganny repeple, parey i ti ete dan letan pase, SENYER i deklare.

Ezekyel 30:18

Kan mon pou detri pwisans Lezip e aret son lorgey, Tapanes pou reste dan fernwanr, en nyaz pou kouver li; son bann zabitan pou ganny deporte.

Amos 9:7

La sa ki SENYER i deklare: Zabitan Izrael! Pa zot vo otan pour mwan ki bann Etyopyen? Pa mwan ki ti fer Izrael sorti Lezip, bann Filisten sorti Kaftor, ek bann Arameen sorti Kir?

Mise 1:11

Zabitan Safir! Ale. Pran semen legzil touni e dan laont! Zabitan Saanann pa oze sorti. Dan Bet-Esel i annan lamantasyon; i nepli donn son sipor.

Nahoum 3:10

Malgre sa, zabitan Teb ti ganny anvoye annegzil. Son bann zanfan ti ganny kraze an pti morso dan tou bann kwen semen. Zot ti tir osor pour bann dimoun enportan; bann sef ti ganny ansennen.

Sofoni 2:12

Zot osi, bann Etyopyen! Zot pou ganny masakre.

Revelasyon 3:18

Pour sa rezon, mon konsey ou: Vin aste avek mwan lor ki'n ganny teste dan dife, e ou ava vin ris. Vin aste lenz blan kot mwan, pour ou abiye e kasyet laont ou touni. Vin aste osi en remed pour ou pas lo ou lizye pour ou kapab war kler.