Ezai 2:9 - Labib An Kreol Seselwa

⁹ Pour sa rezon, dimoun i ganny imilye; zot tou, zot ganny abese. Pa pardonn zot.

Ezai 2:9 ပူးပေါင်းရင်းမြစ်များ

Nehemi 4:5

Pa kasyet zot fot e pa efas zot pese devan ou; zot in ensilte nou devan bann konstrikter.

Psonm 49:2

Dimoun senp koman dimoun enportan; ris koman pov.

Psonm 59:5

Ou SENYER, Bondye liniver, ou menm Bondye Izrael! Leve pour pini tou bann nasyon. Pa pran pitye pour okenn sa bann tret.

Psonm 62:9

Bann et imen i parey en souf respirasyon; bann zabitan later, zot manter. Si zot mont lo en balans, zot pa pou pez plis ki en souf.

Ezai 27:11

Ler bann brans i sek, zot ganny kase; bann fanm i vin met dife. Sa pep i san konpran. Pour sa rezon ki sa enn ki'n fer li, pou san pitye pour li; sa enn ki'n form li pa pou fer li okenn faver.

Ezai 5:15

Zonm i mars latet anba, e zot pou ganny imilye; regar bann orgeye i ganny abese.

Ezai 5:16

Me, SENYER liniver pou ganny glorifye akoz i zis; Bondye sen ava montre ki i sen par lazistis.

Ezai 57:9

Zot in prezant zot devan bondye Molek avek delwil e en kantite parfen. Zot in anvoy zot bann mesaze tre lwen e menm anvoy zot ziska dan lemonn lanmor.

Zeremi 18:23

SENYER! Ou konn byen tou zot bann konplo pour touy mwan. Pa oubliy zot krim; pa pardonn zot pese. Fer zot tonbe devan ou. Pa les zot sape devan ou lakoler.

Mark 3:29

Me si en dimoun i blasfenm kont Lespri Sen, i pa pou zanmen ganny pardonnen: I koupab pour en pese pour touzour.”

Romen 3:23

Annefe, tou dimoun in fer pese e in perdi mazeste Bondye.

Kolosyen 2:18

Pa les zot ganny kondannen par dimoun ki pran plezir dan bann fo pratik limilite, ek ladorasyon bann lanz e ki fer vantar dan fo vizyon. Par zot mannyer panse ki tro imen, sa bann dimoun i ranpli avek lorgey san okenn rezon.

Kolosyen 2:23

I vre ki sa bann regleman i kapab annan laparans lasazes: Devosyon personnel, limilite ek tretman strik anver son lekor. Me zot napa okenn vre valer. Tousala i zis pour satisfer bann dezir imen.

Zozye 24:19

Zozye ti dir lepep, “Zot pa pou kapab servi SENYER, akoz i en Bondye sen; en Bondye ki zalou avek pasyon; i pa pou pardonn zot, zot bann revolt e zot bann pese.