Ezai 2:8 - Labib An Kreol Seselwa

⁸ Zot pei i ranpli avek fo bondye. Zonm i prosternen devan zidol ki zot in fabrike avek zot lanmen, sa ki zot in fer avek zot prop ledwa.

Ezai 2:8 ပူးပေါင်းရင်းမြစ်များ

1 Rwa 16:7

Parol SENYER ti ganny adrese par lentermedyer Yehou, garson profet Hanani, pour Baasa ek son fanmir, akoz bann keksoz ki i'n fer pour depler SENYER e provok son lakoler. I ti'n azir parey lafanmir Zeroboanm; osi akoz i ti'n detri lafanmir Zeroboanm.

2 Rwa 17:10

Zot ti etabli bann ros sakre lo latet tou bann kolin e anba tou bann pye dibwa avek feyaz.

2 Rwa 17:16

Zot ti'n abandonn tou bann komannman SENYER, zot Bondye. Zot ti'n fabrik de pti toro an metal; zot ti fer bann poto sakre, dor bann zetwal dan lesyel; zot ti osi ador Baal.

2 Kronik 27:2

Son bann aksyon ti fer plezir SENYER, egzakteman parey son papa, Ozyas. Selman, i pa ti antre dan tanp SENYER. Me lepep ti kontinyen dan son bann koripsyon.

Ezai 17:8

Zot pou nepli pran kont bann lotel ki travay zot prop lanmen; ni sa ki zot in fabrike avek zot ledwa. Zot pou nepli annan lentere pour bann poto sakre Asera ni bann lotel lansan.

Ezai 26:13

SENYER nou Bondye! Apard ou, bokou sef in domin nou; me nou rekonnet zis ou koman SENYER.

Ezai 37:19

Zot in bril zot bann bondye. An realite zot pa ti bann bondye, me travay fer par lanmen zonm avek dibwa ek ros. Alor, zot in ganny detri.

Ezai 40:19

En zidol? En artizan ki donn li en laform, en lorfev ti kouver li avek lor e moul bann kolye annarzan pour met li.

Ezai 41:29

Zot tou, zot en bann nanryen ditou; zot travay pa vo nanryen; zot bann zidol i vid, zot en nanryen ditou.

Ezai 57:5

Zot brile anndan avek move dezir anba bann pye dibwa sakre, anba tou pye dibwa avek feyaz ver. Zot ofer an sakrifis zot zanfan dan bann vale, obor larivyer, dan lafant ros.

Zeremi 1:16

Konmsa ki mon pou pini bann zabitan sa pei, pour tou zot mesanste. Zot in abandonn mwan; zot in ofer sakrifis devan lezot bondye; zot in fabrik bann fo bondye ki zot in adore.

Zeremi 11:13

Dan Zida, sak lavil i annan son prop bondye; bann zabitan Zerizalenm in konstri dan sak semen dan lavil en lotel kot zot ofer sakrifis an loner Baal.

Zeremi 2:28

Me oli ou bann bondye ki ou'n fabrike pour ou menm? Izrael! Ou ki annan otan bondye ki i annan lavil dan Zida, kan ou dan maler, dir zot vin sov ou si zot kapab.

Oze 12:11

Galaad in komet pese e i pou disparet. Dan Gilgal, zot ofer sakrifis toro, me son bann lotel i zis en ta ros dan transe plantasyon.

Oze 13:2

Aprezan i kontinyen fer pese e fer stati an metal, avek zot larzan; avek zot lar, zot ti fabrik bann zidol. Zot ti dir: Ofer sakrifis devan zot! Bann imen ti pe anbras bann zenn toro.

Oze 14:3

Asiri pa kapab sov nou, nou pa pou mont seval; nou pa pou koz ankor; nou pa pou dir ankor avek travay ki nou lanmen in fer: Ou nou Bondye. Ou ki pran pitye pour bann orfelen.

Oze 8:6

Sa zenn bef i sorti kot Izrael, en artizan ki'n fer li. I pa Bondye. Sa zenn bef Samari, pou ganny kas an morso.

Mise 5:12

Mon pou detri tou sorsye kot ou; pou nepli annan deviner, kot ou.

Akt de Zapot 17:16

Pandan ki Pol ti pe esper Silas ek Timote dan lavil Atenn, i ti dekonserte pou war ziska ki pwen sa lavil ti ranpli avek zidol.

Deterononm 4:28

Laba, zot ava servi bann bondye ki zonm in fer, bann lobze an bwa e an ros ki pa ni war kler, ni tande, ni manze, ni santi.

Revelasyon 9:20

Lezot zonm ki pa ti ganny touye par bann fleo, pa ti abandonn sa ki zot ti'n fer. Zot pa ti aret ador bann demon ek bann zidol annor, annarzan, an bronz, an pyer e an bwa ki pa kapab ni war, ni tande, ni marse.