Ezai 2:2 - Labib An Kreol Seselwa

² Dan lavenir, montanny kot tanp SENYER ti ete, pou vin pli o parmi tou bann montanny; i pou pli o ki bann kolin. Tou bann nasyon pou al ver li.

Ezai 2:2 ပူးပေါင်းရင်းမြစ်များ

Zenez 49:1

Zakob ti apel son bann garson. I ti dir zot: Rasanble zot otour mwan pour mwan anons zot sa ki pou ariv zot dan lavenir:

Liv Zob 19:25

Mwan, mon konnen ki mon redanmter i vivan e ki anfen, i pou leve lo sa later.

Psonm 102:23

Letan mon ti ankor zenn, SENYER in diminyen mon lafors; in rakoursi mon lavi.

Psonm 2:8

Demann mwan, e mon ava donn ou tou nasyon e later antye ava vin ou propriyete.

Psonm 22:27

Later antye, ava mazin SENYER. Zabitan later ava retourn ver li. Tou bann fanmir bann pep ava ador li.

Psonm 22:28

Annefe, SENYER i lerwa; i renny lo tou bann nasyon.

Psonm 48:2

Montanny Siyon, lavil gran lerwa dan Nor, i en lavil elegan. I fer lazwa lo later antye.

Psonm 68:17

Bondye i sorti Sinai; i desann dan son sanktyer sakre avek bann kales lager par milye.

Psonm 72:8

I pou gouvern depi en bout lanmer ziska lot, depi larivyer Efrat ziska dan bout later.

Psonm 86:9

Tou bann nasyon ki ou'n kree pou prosternen devan ou, SENYER e zot ava rann glwar ou non.

Psonm 87:1

SENYER in konstri son lavil lo montanny sakre.

Psonm 87:2

SENYER i kontan lavil Siyon plis ki tou lezot lavil dan Izrael.

Ezai 11:10

Sa zour, desandan Zese pou debout koman en bannyer pour tou bann zabitan later; bann nasyon pou vin kot li e son demer pou ranpli avek son prezans.

Ezai 25:6

Lo sa montanny, SENYER liniver pou donn en festen; pou annan en kantite bon manze; en festen bon diven ki'n ganny laz; en festen kot pou annan bon manze avek lanmwel, avek bon vye diven.

Ezai 27:13

Sa zour, en gran tronpet pou ganny soufle. Alor, sa bann ki ti'n perdi dan pei Asiri e sa bann ki ti ganny anvoye annegzil Lezip pou retournen e ador SENYER lo montanny sen dan Zerizalenm.

Ezai 30:29

Zot pou selebre parey dan lafet sakre aswar. Zot leker pou kontan parey ler en dimoun i mars akonpannyen par lanmizik laflit, pour li al lo montanny SENYER, Ros Izrael.

Ezai 49:6

I ti deklare: Mon'n swazir ou koman mon serviter zis pour relev bann tribi Zakob e ranmenn leres Izrael ver mwan. Mon pou fer ou vin en lalimyer bann nasyon, pour ki tou zabitan later antye ava ganny sove par mwan.

Ezai 56:5

Mon pou donn zot, dan mon tanp, dan son bann miray, en moniman e en non ki meyer ki bann garson ek fiy. Mon pou donn zot en non ki reste pour touzour, ki pa pou zanmen ganny efase.

Ezai 56:7

mon pou anmenn zot lo mon montanny sakre, donn zot lazwa dan mon tanp. Mon pou aksepte zot bann sakrifis konplet e zot bann don lo mon lotel, akoz mon tanp pou ganny apele en landrwa lapriyer pour tou dimoun.

Ezai 60:3

Bann nasyon pou mars dan ou lalimyer e bann lerwa dan laklerte sa nouvo zour ki pe leve pour ou.

Ezai 65:11

Me sa bann ki ti abandonn SENYER, ki ti oubliy mon montanny sakre, ki ti dres en latab pour bondye lasans, e ti ofer bondye desten, lakoup en melanz diven,

Ezai 66:20

La sa ki SENYER i deklare: Zot pou retournen e anmenn avek zot, tou zot frer ki sorti parmi sa bann nasyon, koman en lofrann pour SENYER, lo seval, dan bann kales e lo treno, lo bourik e lo samo. Zot pou vin Zerizalenm, lo mon montanny sakre, parey bann Izraelit i anmenn lofrann vezetal dan en bol pirifye kot tanp SENYER.

Ezai 66:23

Tou dimoun pou vin ador mwan sak nouvellin, sak saba. SENYER ki deklare.

Zeremi 16:19

Ou menm, SENYER, ki mon lafors, mon refiz dan langwas. Par tou kote lo later, bann nasyon pou vin dir ou: Nou bann zanset in erit zis mansonz; bann fo bondye ki pa ti kapab fer nanryen.

Zeremi 23:20

Sa lakoler SENYER pa pou arete ziska ki SENYER in akonpli tou sa ki i ti annan lentansyon fer. Plitar, zot ava konpran tousala.

Zeremi 26:18

Kan Ezekyas ti lerwa Zida, Mise ki sorti Moreset, ti dir avek pep Zida: La sa ki SENYER liniver i deklare: Siyon pou ganny laboure parey en later; Zerizalenm pou vin en ta ros, e kolin kot tanp in ganny konstri, pour vin en oter kouver avek brousay.

Zeremi 3:17

Kan sa zour i arive, Zerizalenm pou ganny apele Tronn SENYER e tou bann pep pou rasanble la, pour rankontre mwan. Zot pou nepli swiv dezir zot move leker.

Zeremi 30:24

Sa lakoler vyolan ki sorti kot SENYER, pa pou arete tan ki tou sa ki i'n deside, pa ganny realize. Plitar, zot ava konpran sa.

Zeremi 31:12

Zot pou vin selebre lo kolin Siyon avek lazwa lo zot figir, kan zot ava war tou sa ki SENYER in donn zot: Dible, diven nouvo, delwil, mouton, kabri ek bef. Zot lavi pou parey en zarden byen aroze; zot pou annan tou sa ki zot bezwen.

Zeremi 48:47

Me dan lavenir, mon pou redonn Moab son larises SENYER i deklare. Sanmenm sa zizman ki ti ganny prononse lo Moab.

Zeremi 49:39

Me plitar, mon pou retabli Elanm dan son larises, SENYER i deklare.

Zeremi 51:44

Mon pour pini Bel, bondye Babilonn. Mon pou fer li rann tou sa ki i'n vole. Bann nasyon pa pou ador Bel ankor. Miray Babilonn in tonbe.

Ezekyel 38:16

Ou ava atak mon pep Izrael, parey en nyaz ki kouver later. La sa ki pou arive apre sa: Byen lontan apre, mon pou fer ou monte e atak mon pei, pour ki atraver ou, Gog, mon ava montre ki mon sen devan bann nasyon.

Ezekyel 40:2

Dan bann vizyon, Bondye ti transport mwan dan pei Izrael. I ti depoz mwan lo latet en montanny byen o. Lo son kote Sid, ti annan sa ki parey bann konstriksyon en lavil.

Danyel 10:14

Aprezan, mon'n vini pour fer ou konpran sa ki pou arive avek ou pep dan lavenir, akoz i annan ankor en vizyon pour sa bann zour.

Danyel 2:28

Me i annan en Bondye dan lesyel ki revel bann mister, e i'n montre lerwa Naboukodonozor sa ki pou arive dan lavenir. La ou rev ek bann vizyon ki ou'n gannyen dan ou sonmey:

Danyel 2:35

Alor, fer, later, bronz, larzan ek lor, ti ganny kraze e vin lapousyer. Zot ti anvole parey lapay, ler ou bat dible. Divan ti balye zot san kit okenn latras. Me sa ros ki ti tap sa stati ti vin en gran montanny ki ti ranpli later antye.

Danyel 2:45

Ou ti war sa ros sorti dan montanny, san lentervansyon okenn lanmen, e i ti kraz fer, bronz, later, larzan ek lor. Bondye ki gran in fer konnen lerwa sa ki pou arive dan lavenir. Sa rev i vre e son lenterpretasyon i bon.

Oze 3:5

Plitar, Izrael ava retourn ver SENYER, zot Bondye e David zot lerwa. An tranblan, zot ava tourn ver SENYER e ver son bonte dan lavenir.

Zakari 14:10

Pei antye pou vin en laplenn, depi Geba ziska Rimonn ki sitye dan Sid avek Zerizalenm. Me Zerizalenm pou reste kot i ete lo oter, depi Laport Benzamen kot vye laport ti ete, ziska laport Kwen, e depi Latour Hananeel, ziska bann basen lerwa kot i kraz rezen pour fer diven.

Zakari 14:9

Alor, SENYER ava vin lerwa partou lo later. Sa zour, zis SENYER ki pou ganny adore koman Bondye.

Zakari 8:22

En kantite pep ek en kantite nasyon pwisan pou vin rod SENYER liniver dan Zerizalenm; zot pou vin esey kalme SENYER.

Zakari 8:3

La sa ki SENYER i deklare: Mon pou retourn Siyon. Mon pou reste ankor dan milye Zerizalenm. Zerizalenm pou ganny apele Lavil Fidelite. Montanny SENYER liniver pou ganny apele Montanny Sakre.

Malasi 3:12

Alor, tou bann nasyon ava dir ki zot en pep ere, akoz zot ava pe viv dan en pei agreab, SENYER liniver ki deklare.

Nonm 24:14

Balaanm ti dir Balak, “Aprezan, mon pe ale. Vini, mon ava dir ou sa ki sa pep pou fer avek ou pep dan lavenir.”

Akt de Zapot 2:17

La sa ki Senyer i deklare: Dan sa bann dernyen zour, mon pou repann mon Lespri lo tou bann et imen. Zot bann garson ek zot bann fiy pour profetize. Zot bann zennzan pour ganny bann vizyon. Zot bann vyeyar pour ganny bann rev.

2 Timote 3:1

Rapel sa byen: Dan bann dernyen zour, pou annan letan difisil.

Ebre 1:2

Aprezan dan sa dernyen letan, in koz avek nou atraver son Garson. Par li, Bondye in kree liniver e i'n etabli li koman zeritye lo tou keksoz.

2 Pyer 3:3

Mon oule ki zot konnen avan tou, ki dan dernyen zour, pou annan bann dimoun ki pou viv an swivan zot prop dezir. Zot pour vin monk ou.

Revelasyon 11:15

Setyenm lanz ti soufle dan son tronpet. Dan lesyel, bann lavwa tre for ti rezonnen. Zot ti pe dir: Aprezan, rwayonm lemonn in vin pour nou Senyer, e pour son Kris. I pou rennyen pour touzour.

Revelasyon 20:4

Apre, mon ti war bann tronn. Sa bann ki ti pe asize lo tronn ti'n ganny pouvwar pou zize. Mon ti osi war bann ki ti'n ganny egzekite akoz temwannyaz Zezi ek Parol Bondye. Zot pa ti'n ador sa bebet ni son zimaz, e zot pa ti'n resevwar mark sa bebet lo zot fron, ni lo zot lanmen. Zot ti resisite e renny avek Kris pandan 1,000 an.