Ezai 2:19 - Labib An Kreol Seselwa

¹⁹ Al dan bann kavern ros e dan bann trou anba later, lwen avek lakoler SENYER, e laglwar son mazeste, ler i pou leve pour sekwe later.

Ezai 2:19 ပူးပေါင်းရင်းမြစ်များ

2 Samyel 22:46

Bann etranze i perdi kouraz. Zot sorti an tranblan dan zot landrwa kasyet.

Liv Zob 9:6

I fer later tranble lo son fondasyon. I fer li balanse lo son bann pilye.

Psonm 7:6

Dan ou lakoler, leve SENYER! Debout kont lakoler mon bann lennmi! Sov mwan, ou ki rann lazistis!

Ezai 13:13

Alor, mon pou fer lesyel tranble. Later pou ganny sekwe lo son fondasyon devan lakoler SENYER liniver, dan sa zour terib.

Ezai 2:10

Al dan bann kap ros e kasyet zot anba later, lwen avek lafreyer SENYER, lwen avek laglwar son pwisans.

Ezai 2:21

Zot pou antre dan bann kavern ros e dan bann trou dan later pour zot sove devan lakoler SENYER e laglwar son mazeste, ler i pou leve pour sekwe later.

Ezai 24:1

SENYER pe al devaste later e kit li san zabitan. I pou boulvers later e fer fannen bann zabitan.

Ezai 24:18

Sa enn ki esey sov laterer pou tonm dan lafos. Sa enn ki sorti dan lafos pou tonm dan latrap. Bann lafnet baraz lesyel in ouver e bann fondasyon later i tranble.

Ezai 24:19

Later pe ouver partou; later pe fann, later i tranble avek vyolans.

Ezai 30:32

Sak kou ki SENYER pou donnen pou ganny akonpannyen par lanmizik pti tanbour avek laarp; i pou konbat kont zot.

Ezai 33:10

SENYER i deklare: Aprezan mon pou azir, aprezan mon pou leve, mon pou montre mon grander.

Ezai 7:19

Zot pou vin apoz dan bann presipis, dan lafant ros, lo bann zarbis e dan laplenn zerb.

Zeremi 16:16

La sa ki SENYER i deklare: Mon pe anvoy en kantite peser ki pou lepidemi zot. Apre sa, mon pou anvoy en kantite saser ki pou debiste zot dan montanny, dan kolin e dan bann kap ros.

Zeremi 4:29

Devan tapaz ki bann kavalye ek bann tirer fles pe fer, bann zabitan pou kit lavil e sove an tayan. En bann pou al kasyet dan lafore, lezot pou al kasyet dan kavern ros. Tou bann lavil pou ganny abandonnen, personn pa pou vin reste la ankor.

Zeremi 48:28

Zabitan Moab! Kit bann lavil, al reste dan bann kap ros. Fer parey bann pizon ki fer zot nik dan lantre presipis.

Ezekyel 33:27

Dir zot: La sa ki Senyer BONDYE i deklare: Osi vre ki mon vivan, bann ki reste dan bann lavil devaste pou ganny masakre. Sa bann ki dan lakanpanny pou ganny devore par zannimo sovaz. Bann ki pe kasyet dan montanny e dan bann kavern pou mor par lepidemi.

Oze 10:8

Bann landrwa sakre Aven, la kot Izrael in fer pese, pou ganny detri. Rons ek pikan pou pous lo zot bann lotel. Zot pou dir avek montanny: Kouver nou! Avek kolin: Tonm lo nou!

Mise 7:17

Zot pou manz lapousyer parey serpan, ek lezot reptil. An tranblan, zot pou sorti dan zot fortres pour al ver SENYER, nou Bondye. Zot pou dan lafreyer, zot pou per ou.

Nahoum 3:11

Ou osi, ou pou sou e ou pou drive. Ou pou rod en landrwa kasyet kont lennmi.

Agze 2:6

La sa ki SENYER liniver i deklare: Dan ankor en pti pe letan, mon pou fer tranble lesyel ek later, lanmer ek later ferm.

Agze 2:7

Mon pou boulvers tou bann nasyon; mon pou fer zot anmenn isi zot gran kantite larises; mon pou ranpli sa tanp avek laglwar, SENYER liniver ki deklare.

Levanzil dapre Lik 23:30

Alor, dimoun pou dir avek montanny: Tonm lo nou! E avek kolin: Kouver nou!

2 Tesalonisyen 1:9

Zot pou sibir destriksyon eternel koman pinisyon, lwen avek prezans Senyer e avek laglwar son pwisans.

Ebre 11:38

Lemonn ti napa okenn valer pour zot. Zot ti eran dan dezer e dan montanny. Zot ti viv dan kavern ros, e bann trou dan later.

Ebre 12:26

Otrefwa, son lavwa ti fer tranble later; me aprezan, i'n promet nou: Mon pou fer tranble ankor en fwa, non selman later, me osi lesyel.

Revelasyon 11:13

Pandan sa menm moman, ti annan en gran tranblemandter, e en dizyenm parti lavil ti tonbe. 7,000 dimoun ti mor. Bann sirvivan ti ranpli avek lafreyer e zot ti rann glwar Bondye ki dan lesyel.

Revelasyon 11:19

Alor, Tanp Bondye dan lesyel ti ouver, e Kof Lalyans ti aparet dan son Tanp. Ti annan zekler, tapaz en bann lavwa, en seri loraz, tranblemandter ek gro lagrel.

Revelasyon 16:18

Ti annan zekler, tapaz en bann lavwa, loraz ek en gran tranblemandter. Zonm pa ti'n zanmen war en tel gran tranblemandter depi ki i lo later.

Revelasyon 20:11

Apre, mon ti war en gran tronn blan e sa enn ki ti pe asiz lo la. Later ek lesyel ti disparet devan li; ti napa plas ankor pour zot.

Revelasyon 9:6

Pandan sa senk mwan, dimoun pou rod lanmor, me zot pa pou trouv li. Zot pou anvi mor, me lanmor pou sov lwen avek zot.

1 Samyel 13:6

Kan Bann zonm Izrael ti war ki zot ti dan difikilte akoz lepep ti'n ganny kwense, zot ti al kasyet dan bann kavern, dan bann trou, anba ros, dan souteren e dan bann sitern.

1 Samyel 14:11

Alor, tou le de ti prezant zot devan post bann Filisten. Bann Filisten ti dir, “Gete! La bann Ebre pe sorti dan bann trou kot zot ti pe kasyet.”