Ezai 2:18 - Labib An Kreol Seselwa

¹⁸ Tou bann zidol pou disparet.

Ezai 2:18 ပူးပေါင်းရင်းမြစ်များ

Ezai 2:17

Dimoun orgeye pou ganny imilye; bann ki vantar pou ganny abese. Sa zour, zis SENYER ki pou ganny rekonnet pour son grander.

Ezai 21:9

Gete! La zot vini, de par de, lo seval! I ti reponn: Babilonn in tonbe! Babilonn in tonbe! Tou son bann zidol ki zot adore in fannen ater.

Ezai 27:9

Konmsa ki pese Zakob pou ganny efase. La rezilta pardon son pese: Tou bann ros ki ti servi pour fer bann lotel avek pou ganny kraze e vin koman lapousyer. Tou bann poto sakre, oubyen bann lotel lansan, pou disparet.

Ezai 46:1

Bel in tonm azenou; Nebo in kourbe. Zot bann zidol in ganny met lo ledo zannimo e lo ledo bef. Avan, zot ti fer gran seremoni. Aprezan, zot saroy li lo ledo zannimo ki fatige.

Zeremi 10:11

La sa ki ou ava dir sa bann nasyon: Sa bann bondye ki pa'n kre ni lesyel ni later pou ganny detri lo later e zot pou disparet anba lesyel.

Zeremi 51:18

Zot napa okenn valer, zot ridikil. Zour rann kont, zot pou ganny detri.

Ezekyel 30:13

La sa ki Senyer BONDYE i deklare: Mon pou detri tou zot bann zidol; mon pou fer disparet bann stati dan Menmfis. Dan Lezip, pou nepli annan personn pour gouvernen. Alor, mon pou ranpli li avek lafreyer.

Ezekyel 36:25

Mon pou asperz zot avek delo pir e fer zot vin pir. Mon pou pirifye zot avek tou zot bann aksyon ek tou zot bann zidol ki'n rann zot enpir.

Ezekyel 37:23

Zot pou nepli rann zot enpir ankor par zot bann zidol e par zot bann aksyon degoutan, ni par tou lezot pese. Me mon pou delivre zot dan tou bann landrwa kot zot in fer pese kont mwan. Mon pou pirifye zot; zot ava vin mon pep e mon ava vin zot Bondye.

Ezekyel 6:6

Partou kot zot ete, zot bann lavil pou ganny devaste, landrwa sakre detri, lotel, zidol ek bann brazye lansan kas an morso e tou sa ki zot in fer pou disparet.

Oze 14:8

Efraim! Ki i annan ant mwan ek ou bann zidol? Se mwan ki reponn e pran swen avek ou. Parey en pye dibwa byen ver, mon ava kouver ou anba mon feyaz. Mwan ki fer ou donn fri.

Mise 1:7

Tou son bann stati pou ganny kas an morso. Kado ki zot in resevwar pou ganny zete dan dife. Mon pou detri tou son bann zidol. Zot bann gen prostitisyon pou reganny servi dan prostitisyon.

Mise 5:13

Mon pou detri tou stati ek poto sakre kot ou; ou pou arete prostern devan sa ki'n ganny fabrike par ou lanmen.

Sofoni 1:3

Mon pou fer disparet tou et imen ek tou zannimo, bann zwazo dan lesyel ek bann pwason dan lanmer. Mon pou fer tonbe bann malfeter ek bann ki pous zot pour mal azir. Mon pou fer disparet tou bann et imen lo later, SENYER ki deklare.

Sofoni 2:11

SENYER pou azir dan en fason terib kont zot. I pou detri tou bann bondye lo later. Bann nasyon dan bann zil lwenten, pou prosternen devan li.

Zakari 13:2

La sa ki SENYER liniver i deklare: Mon pou debaras pei avek non bann zidol e personn pa pou mazin zot ankor. Mon pou osi debaras pei avek bann profet ek zot lanvi enpir.