Ezai 2:12 - Labib An Kreol Seselwa

¹² Annefe, SENYER liniver in gard son zour pour li azir kont bann ki fyer e vantar, ler i pou abes sa bann ki krwar zot siperyer.

Ezai 2:12 ပူးပေါင်းရင်းမြစ်များ

2 Samyel 22:28

Ou delivre dimoun ki senp. Ou fer bann orgeye bes zot lizye.

Liv Zob 24:1

Akoz Bondye liniver pa'n pran en pe letan an rezerv? Akoz son bann fidel pa war son bann zour?

Psonm 131:1

SENYER! Dan mon leker napa lorgey, mon lizye napa pretansyon. Mon pa esey fer keksoz ki depas mwan.

Psonm 18:28

SENYER! Mon Bondye! Ou ki alim mon lalanp. Ou menm mon lalimyer kan mon dan fernwanr.

Psonm 37:13

Me sa i fer SENYER riye, akoz i war zour zot zizman vini.

Psonm 94:2

Ou ki ziz later! Leve. Pini bann orgeye dapre sa ki zot merite.

Proverb 16:5

SENYER i deteste dimoun arogan; sirman zot pou ganny pini.

Ezai 10:12

Ler SENYER ava fini tou son travay lo Montanny Siyon e lo Zerizalenm, i pou pini lerwa Asiri pour son larogans ek son lorgey.

Ezai 10:33

Senyer BONDYE liniver pou kas bann brans avek vyolans. I pou koup bann gran pye dibwa. Bann pli gran pye pou ganny zet ater.

Ezai 13:11

Mon pou pini lemonn pour son mesanste e bann move dimoun pour zot krim. Mon pou met en lafen avek dimoun ki arogan. Mon pou tenny lorgey bann diktater.

Ezai 13:6

Lamante! Akoz zour SENYER i pros. I pe vini parey en dezas ki'n ganny anvoye par Bondye pwisan.

Ezai 13:9

Sa zour SENYER pe vini, en zour terib, deborde avek gran lakoler. En zour ki i pou fer later vin en landrwa devaste e ekstermin tou sa bann ki fer pese.

Ezai 14:15

Me o kontrer, ou'n ganny zet anba dan lemonn lanmor, dan fon en gran lafos.

Ezai 23:9

SENYER liniver ki ti mont sa plan pour detri lorgey bann ki gran, pour fer kanmi tou bann sef ki lo sa later.

Ezai 24:21

Sa zour, lao dan lesyel, SENYER pou pini larme lesyel e lo later, bann lerwa later.

Ezai 24:4

Later pe sek e i pe tonm anrin; lemonn in delabre e pe tonm anrin; lesyel pe langir ansanm avek later.

Ezai 40:23

I abes bann sef e rann bann dirizan later koman nanryen ditou.

Ezai 42:15

Mon pou detri bann montanny ek bann kolin e fer sek tou sa ki pouse. Mon pou fer bann larivyer vin zil e fer sek bann lanmar.

Ezai 5:15

Zonm i mars latet anba, e zot pou ganny imilye; regar bann orgeye i ganny abese.

Ezai 61:2

pour proklanm lannen faver SENYER e zour vanzans pour nou Bondye, pour konsol tou sa bann ki dan sagren;

Zeremi 12:9

Sa pep ki mon'n swazir, i parey en zwazo ki pe ganny atake par tou kote. Rasanble tou bann zannimo sovaz! Dir zot vin pran par dan festen!

Zeremi 13:9

La sa ki SENYER i deklare: Mon pou detri larogans Zida e gran lorgey Zerizalenm.

Zeremi 30:7

Maler! En zour terib pe vini; en zour ki ou pa kapab konpare. I en letan detres pour Zakob! Me i pou ganny delivre.

Zeremi 46:10

Sa zour, i zour Senyer BONDYE liniver: Sa zour, i en zour revanz. Sa zour, i pou pini son bann lennmi. Lepe, parey en mons pe devor zot avek gran lapeti, e bwar zot disan ziska ler i sou. Ozordi, dan Nor, obor larivyer Efrat, sakrifis pe ganny ofer an loner Senyer BONDYE liniver.

Zeremi 50:31

Babilonn! Mon kont ou, akoz ou vantar. Letan in arive pour mwan, Senyer BONDYE liniver, pini ou.

Ezekyel 13:5

Ou pa'n esey bous bann trou dan miray ki'n degrengole pour protez Izrael par en baraz kont lager zour SENYER.

Danyel 4:37

Aprezan mwan, Naboukodonozor, mon loue e mon elev lerwa lesyel! Akoz tou son bann mervey i vre e son bann aksyon i zis. I annan pouvwar abes bann ki ranpli avek lorgey.

Amos 5:18

Maler pour zot ki pe esper avek lenpasyans sa zour SENYER! Pour ki rezon zot pe esper sa zour SENYER? I pou en zour teneb, non pa en zour lalimyer.

Mise 2:3

Pour sa rezon, SENYER i deklare: Mon pe prepar en maler kont sa bann zans. Zot pa pou kapab sape, ni kapab mars latet anler, akoz en letan maler pe vini.

Mise 5:11

Mon pou detri tou lavil dan ou pei e demoli ou bann fortres.

Sofoni 1:16

Sa zour, zot pou antann son tronpet, tapaz lager kont bann lavil fortifye, e kont bann fortres.

Sofoni 3:11

Sa zour, ou pou nepli onte akoz ou bann move aksyon ki ti fer ou revolte kont mwan. Mon pou fer disparet parmi zot, tou bann ki fyer e arogan. Ou ava arete montre ou lorgey lo mon montanny sen.

Malasi 4:1

SENYER liniver i deklare: La sa zour pe arive. I pou so parey en dife kot tou bann arogan ek bann malfeter pou brile parey lapay. Sa zour, zot pou bril tou konpletman, san les ni rasin ni brans.

Malasi 4:5

Gete: Mon pou anvoy zot profet Eli avan ki sa zour SENYER i vini, sa zour ki pou gran e terib.

Matye 23:12

Sa enn ki oule pas pour pli gran, pou ganny imilye, e sa enn ki imilye li, pou pas pour pli gran.”

Levanzil dapre Lik 14:11

Annefe, sa enn ki monte, pou bezwen desann, e sa enn ki abes li menm, ava monte.”

1 Korentyen 5:5

Alor, zot ava livre sa zonm avek Satan pour ki son lekor i ganny detri. Me ki son lespri i ganny sove zour Senyer.

1 Tesalonisyen 5:2

Zot konnen zot menm, ki zour Senyer pou ariv koman en voler dan lannwit.

Let Zak 4:6

Me lagras ki Bondye i donnen i siperyer. Annefe, Lekritir i deklare: Bondye i reziste bann ki orgeye, me i donn son lagras bann ki annan limilite.