Ezai 19:4 - Labib An Kreol Seselwa

⁴ La sa ki Senyer BONDYE, SENYER liniver i deklare: Mon pou livre bann Ezipsyen dan lanmen en met kriyel, en lerwa feros ki pou renny lo zot.

Ezai 19:4 ပူးပေါင်းရင်းမြစ်များ

Psonm 31:8

Ou pa'n livre mwan dan lanmen mon lennmi. Ou'n rann mwan lib.

Ezai 19:2

Mon pou fer bann Ezipsyen lager antre zot, vwazen kont vwazen, lavil kont lavil, rwayonm kont rwayonm.

Ezai 20:3

Apre sa, SENYER ti dir: Parey mon serviter Ezai ti mars pandan 3 an touni e san sandal, koman en siny e en lavertisman pour Lezip ek Letyopi,

Ezai 20:4

lerwa Asiri pou pran bann Ezipsyen prizonnyen e deport bann Nibyen, zenn ek vye, san sandal, touni, zot deryer deor. Sa pou en laont pour Lezip.

Zeremi 46:26

Mon pou livre zot avek sa bann dimoun ki oule zot lanmor: Naboukodonozor lerwa Babilonn ek son bann gerye. Me plitar, Lezip pou ganny repeple, parey i ti ete dan letan pase, SENYER i deklare.

Ezekyel 29:19

Alor, la sa ki Senyer BONDYE i dir: Mon pou donn Naboukodonozor, lerwa Babilonn, Lezip. I pou depouy li konpletman e detri li. I pou servi tou son larises pour pey bann gerye.

Ezekyel 30:12

Mon pou fer sek bann brans larivyer Nil e vann pei avek bann malfeter. Mon pou servi bann nasyon etranze pour detri sa pei ek tou sa ki ladan. Mwan SENYER mon'n koze.

Nahoum 3:10

Malgre sa, zabitan Teb ti ganny anvoye annegzil. Son bann zanfan ti ganny kraze an pti morso dan tou bann kwen semen. Zot ti tir osor pour bann dimoun enportan; bann sef ti ganny ansennen.

1 Samyel 23:7

Ler Sail ti aprann ki David ti'n ariv Keila, i ti dir, “Bondye in livre David dan mon lanmen, akoz i'n fer li pri dan en lavil ki annan baro ek verou.”