Ezai 19:3 - Labib An Kreol Seselwa

³ Bann Ezipsyen pou perdi lespri e dekouraze. Mon pou met dezord dan zot plan. Zot pou konsilte bann zidol, bann mazisyen, bann sorsye ek bann deviner.

Ezai 19:3 ပူးပေါင်းရင်းမြစ်များ

2 Samyel 15:31

Zot ti raport avek David, “Ahitofel i osi avek Absalon parmi bann ki ti fer konplo.” David ti priye, “SENYER tourn bann konsey Ahitofel an ridikil.”

2 Samyel 17:14

Absalon ek tou Izraelit ki ti la, ti dir, “Konsey Housai i pli bon ki pour Ahitofel.” SENYER ti'n deside pour fer tonbe tou bon konsey Ahitofel, e konmsa anmenn maler lo Absalon.

2 Samyel 17:23

Ler Ahitofel ti war ki zot pa ti'n aksepte son konsey, i ti sel son bourik, e al se li dan son lavil. I ti donn lord son fanmir, e al pann son lekor. Zot ti anter li dan latonm son papa.

2 Rwa 1:2

Akazya ti'n tonm par lafnet lasanm letaz dan Samari e i ti'n ganny blese. Alor, i ti anvoy son bann mesaze dir zot, “Al konsilte Baal-Zeboub, bondye Ekronn, pour konnen si mon pou byen.”

1 Kronik 10:13

Sail ti mor akoz i pa ti fidel anver SENYER; i pa ti obei komannman SENYER. I ti'n osi al konsilte lespri bann mor.

Psonm 107:27

Zot ti war tou keksoz tournen; zot ti drive parey en zonm sou; tou zot leksperyans pa ti servi.

Psonm 33:10

SENYER i kas plan bann nasyon; i anpes zot realiz zot bann proze.

Psonm 76:12

I abes lorgey bann sef, i met lafreyer dan bann lerwa lo later.

Proverb 21:30

Napa okenn lasazes imen, okenn rezonnman, okenn konsey imen, ki kapab tenir devan SENYER.

Ezai 14:27

SENYER liniver ki'n form sa proze. Lekel ki kapab fer li sanz sa? In lev son lanmen. Lekel ki kapab sanz sa?

Ezai 15:2

Zabitan Bayit ek Dibonn in monte dan bann landrwa sakre pour plere. Zot pe lamante lo Nebo ek Medba. Moab pe plennyen. Zot tou, zot in raz zot latet; zot tou, zot in koup zot labarb.

Ezai 19:1

En mesaz konsernan Lezip: Gete! SENYER in mont lo en nyaz rapid. I pe vin Lezip. Bann zidol dan Lezip pou tranble devan li; bann Ezipsyen pou paralize e zot pou perdi kouraz.

Ezai 44:25

Mon defet siny bann ki vantar e fer bann deviner derezonnen e rann zot konnesans bet.

Ezai 47:12

Kontinyen avek ou bann sorsye ek mazisyen ki ou'n pratike avek depi ou lazenes. Petet ou ava kapab reisi; petet ou ava kapab fer dimoun per.

Ezai 57:16

Mon pa pou touzour akize, mon pa pou touzour ankoler, pour ki ni bann lespri ni souf bann kreatir ki mon'n kree ava afebli devan mwan.

Ezai 8:19

Si i annan dimoun ki dir ou: Al konsilte bann dimoun mor ek bann lespri ki predir lavenir e rabase, eski i normal pour en pep konsilte son bann bondye ek dimoun mor an faver bann vivan?

Zeremi 46:15

Akoz Apis in sove? Akoz eski in degrengole kan SENYER in bouskil li?

Ezekyel 21:7

Kan zot demann ou akoz ou pe plennyen, dir zot: Akoz mon'n ganny move nouvel. Bann leker pou brize, lebra pou tonbe avek dekourazman; pou nepli annan lafors dan zenou. Ler in arive pour sa realize, Senyer BONDYE i deklare.

Ezekyel 22:14

Eski zot pou annan ase kouraz ek lafors pour sa zour ki mon pou pran aksyon kont zot? Mwan SENYER ki deklare, mon pou fer li.

Danyel 1:20

Dan tou kestyon ki konsern lasazes ek disernman ki lerwa ti demande, zot ti ganny trouve dis fwa pli siperyer ki tou bann mazisyen ek savan dan son rwayonm antye.

Danyel 2:2

Alor, i ti fer apel bann mazisyen, bann savan, ek bann sorsye pour revel li sa ki i'n reve. Zot ti vin devan lerwa.

Danyel 5:7

Lerwa ti kriye avek tou son lafors, pour apel bann savan, bann mazisyen, bann deviner. I ti dir avek bann savan Babilonn: Sa enn ki kapab lir sa ki'n ganny ekri e dir mwan son lenterpretasyon, pou ganny met en rob rwayal rouz, en kolye annor otour son likou, e i ava ganny trwazyenm plas dan gouvernman mon rwayonm.

1 Samyel 25:37

Lannmen, ler Nabal ti'n desoule, son fanm ti rakont li tou sa ki ti'n pase. Nabal ti ganny en sok, e i ti ganny en latak leker.