Ezai 18:6 - Labib An Kreol Seselwa

⁶ Zot tou pou ganny abandonnen avek bann zwazo rapas ki dan montanny ek bann zannimo sovaz ki lo later. Bann zwazo rapas ava manz zot pandan lete, bann zannimo sovaz ava ganny manze pandan liver.

Ezai 18:6 ပူးပေါင်းရင်းမြစ်များ

Ezai 14:19

Me ou, ou'n ganny zete deor ou latonm. Ou parey en zanfan ki'n mor an nesan. Ou parey bann lekor mor ki'n ganny perse avek lepe e ki'n ganny zete lo ros dan trou, parey en kadav ki'n ganny kraze anba lipye.

Ezai 23:13

Get pei bann Kaldeen: Sa pep nepli egziste! Bann Asiriyen ti'n fer li vin en pei zannimo sovaz. Zot ti konstri bann tour pour sirveyans. Zot ti detri son bann pale. Zot in fer li vin en ta debri.

Ezai 46:11

Mon apel en zwazo rapas ki dan Les. En zonm ki sorti dan en pei lwenten, pour egzekit mon bann proze. Sa ki mon prozete, mon pou fer li.

Ezai 56:9

Zot tou bann zannimo sovaz, bann zannimo sovaz ki dan lafore! Vin devore.

Zeremi 15:3

La sa ki SENYER i deklare: Mon'n deside azir kont zot par kat maler: Touye dan lager; desire par bann lisyen; devore par zwazo ek zannimo sovaz.

Zeremi 16:4

Zot pou mor avek en bann maladi grav. Personn pa pou pler zot lanmor, ni anter zot. Zot kadav pou ganny met an ta parey fimyen. Zot pou ganny masakre, oubyen zot pou mor lafen. Zwazo ek zannimo sovaz pou manz zot kadav.”

Zeremi 7:33

Zwazo ek zannimo sovaz ava manz kadav sa pep, akoz pou napa personn pour deranz zot.

Ezekyel 31:13

Toudsort zwazo in vin reste lo son siko, e bann zannimo sovaz in vin abrit parmi son bann brans sek.