Ezai 18:2 - Labib An Kreol Seselwa

² e ki anvoy bann anbasader par larivyer Nil, dan bann bato fer avek papiris. Ale! Zot bann mesaze rapid. Al kot en nasyon ki gran e ki annan lapo listre; kot en pep ki tou dimoun i per partou dan lemonn; kot en nasyon pwisan ki ganny laviktwar lo son lennmi; dan en pei ki ganny separe par larivyer.

Ezai 18:2 ပူးပေါင်းရင်းမြစ်များ

2 Kronik 14:9

Zera, sef larme Etyopyen, ti sorti dan en kanpanny kont Asa, avek en larme 1,000,000 gerye, 300 kales lager. I ti ariv ziska Maresa.

2 Kronik 16:8

Eski bann Etyopyen ek bann Libyen, pa ti annan en gran larme avek en gran kantite kales lager ek bann kavalye? Pourtan, SENYER, pa ti livre zot dan ou lanmen, zis akoz ou ti met ou konfyans dan li?

Liv Zob 9:26

I glise parey en pirog. I plonze parey en leg lo son prwa.

Egzod 2:3

Kan i ti nepli kapab kontinyen kasyet son pti baba, i ti pran en pannyen fer avek zon ki pous dan lanmar e kouver avek goudron. I ti met son pti baba ladan e depoz parmi bann fouzer zon obor larivyer Nil.

Ezai 18:7

Alor, dan sa letan, SENYER liniver pou ganny bann kado sorti kot sa pep ki gran e ki zot lapo i listre; en pep ki tou bann nasyon i per; en nasyon pwisan ki ganny laviktwar lo son lennmi; ki viv dan en pei ki ganny separe par larivyer. I pou anmenn bann kado ziska Montanny Siyon, kot SENYER liniver i ete.

Zeremi 49:14

Mon'n ganny en mesaz sorti kot SENYER. In anvoy en mesaze pour anons bann nasyon: Rasanble zot ansanm kont Edonm; leve pour fer lager!

Ezekyel 30:9

Sa zour, mon pou anvoy mesaze sorti kot mwan par bato. Zot pou fer tranble Letyopi ki krwar i an sekirite. En zour maler kan bann zabitan pou tranble avek lafreyer i pros.

Abdyas 1:1

Vizyon Abdyas. La sa ki Senyer BONDYE i dir lo size Edonm: Senyer BONDYE i anvoy son mesaze kot bann nasyon e nou'n antann son mesaz: Annou met nou pare! Annou al atak Edonm!

Habakouk 1:7

Zot en pep terib ki fer per. Zot enpoz zot prop lalwa ek zot lotorite.

Levanzil dapre Lik 10:19

Mon'n donn zot lotorite pour kraz serpan ek skorpyon e tou pouvwar lo lennmi. Nanryen pa pou kapab fer zot ditor.