Ezai 18:1 - Labib An Kreol Seselwa

¹ Maler lo sa pei! Pei ki annan bato de lavwal, ki tou dilon larivyer Kous

Ezai 18:1 ပူးပေါင်းရင်းမြစ်များ

2 Rwa 19:9

Kan lerwa ti antann ki Tiraka, lerwa Letyopi: I pe prepar son larme pour vin lager kont ou. I ti anvoy bann mesaze kot lerwa Ezekyas, pou dir li:

Psonm 17:8

Gard mwan koman kannet ou lizye. Kasyet mwan anba lonbraz ou lezel,

Psonm 36:7

SENYER! Ou fidelite i tre presye. Tou imen i vin abrit dan lonbraz ou lezel.

Psonm 57:1

Pran pitye pour mwan, mon Bondye! Pran pitye pour mwan. Ou mon protekter. Mon vin rod proteksyon anba ou lezel, ziska ki bann dezas i pase.

Psonm 61:4

Mon ti ava anvi reste dan ou sanktyer pour tou mon lavi e ganny en labri anba ou lezel.

Psonm 63:7

akoz ou'n vin sekour mwan. Mon dan lazwa dan lonbraz ou lezel.

Psonm 91:4

I ava kouver ou anba son lezel; ou ava ganny labri anba son bann plim. Son fidelite ava en boukliye e en zarm protekter pour ou.

Ezai 31:1

Maler pour sa bann ki desann Lezip pour rod led! Zot kont lo bann seval; zot met zot konfyans dan bann kales lager akoz i annan en kantite e dan bann kavalye, akoz zot tre for. Me zot pa lev lizye ver Bondye Sen Izrael ni konsilte SENYER!

Ezai 37:9

Alor, lerwa ti antann ki Tiraka, lerwa Letyopi: I pe prepar son larme pour vin lager kont ou. I ti anvoy bann mesaze kot lerwa Ezekyas pour dir li:

Ezai 45:14

La sa ki SENYER i deklare: Mendev Lezip, komers bann Nibyen e bann Sabeen, sa bann zean pou pas dan ou lanmen e pou vin ou propriyete. Zot pou swiv ou atase avek lasenn e zot ava prostern devan ou. Zot ava sipliy ou: Bondye i avek ou e napa okenn lot.

Ezekyel 30:9

Sa zour, mon pou anvoy mesaze sorti kot mwan par bato. Zot pou fer tranble Letyopi ki krwar i an sekirite. En zour maler kan bann zabitan pou tranble avek lafreyer i pros.

Sofoni 2:12

Zot osi, bann Etyopyen! Zot pou ganny masakre.

Sofoni 3:10

Depi lot kote bann larivyer Letyopi, mon bann adorater, bann ki mon'n disperse, pou anmenn zot lofrann kot mwan.

Matye 23:37

“Zerizalenm! Zerizalenm! Ou ki touy bann profet e saboul a koudros bann ki Bondye in anvoy kot ou! Konbyen fwa mon'n oule rasanble ou bann zanfan parey en mer poul i rasanble son bann piti anba son lezel, me ou pa'n oule!

Rit 2:12

SENYER ava rekonpans ou pour tou sa ki ou fer. Ou'n vin plas ou anba proteksyon SENYER, Bondye Izrael. I pou rekonpans ou plennman.”