Ezai 17:5 - Labib An Kreol Seselwa

⁵ Izrael pou parey apre rekolt ler bann zepi dible in ganny met an ta, ler tou rekolt i ganny ranmase dan Vale Refaim.

Ezai 17:5 ပူးပေါင်းရင်းမြစ်များ

2 Samyel 5:18

Bann Filisten ti arive e pran zot pozisyon dan vale Refaim.

2 Samyel 5:22

Bann Filisten ti mont ankor pour atake e pran pozisyon dan vale Refaim.

Proverb 27:25

Kan zerb in ganny koupe, verdir i aparet, e zerb lo montanny i ganny ranmase.

Ezai 17:11

Sa menm zour ki ou ti plant zot, ou ti war zot pouse, e son lannmen bomaten, i ti fleri. Ou pa pou ganny okenn rekolt, akoz napa okenn remed pour son maladi.

Zeremi 51:33

Annefe, la sa ki SENYER liniver, Bondye Izrael i deklare: Byento Babilonn pou ganny kraze parey en ta dible ki pe al ganny pile. Letan pour rekolte in arive.

Zeremi 9:22

La sa ki SENYER i deklare: Bann kadav in fannen partou, parey ta fimyen dan en plantasyon. Zot parey bann zepi ki'n ganny koupe e ki pa'n ganny rekolte. Napa personn pour ranmase.

Oze 6:11

Pour ou osi Zida, byento mon pe prepar en rekolt, mon pou retabli destinen mon pep.

Zoel 3:13

Lans zot fosi, rekolt in mir. Vini, vin pile, akoz moulen rezen in plen; bann basen pe deborde. Zot mesanste in depas limit.

Matye 13:30

Les zot pous ansanm ziska rekolt. Letan rekolt, mon ava dir avek bann ki fer rekolt: Konmans par aras bann move zerb, fer bann pake e bril zot. Apre, rekolte dible e met dan mon langar rezerv.”

Zozye 15:8

Frontyer ti mont par vale garson Hinonm, lo kote lapant Sid bann Zebizit, setadir Zerizalenm. Apre, frontyer ti mont ziska latet montanny ki devan vale Hinonm dan Was, e lo bordir Nor avek vale bann Refait.

Zozye 18:16

Depi la, frontyer ti desann obor lipye montanny ki domin vale Hinonm, Nor avek laplenn bann Refait; i ti answit desann dan vale Hinonm, lo lapant Sid avek montanny bann Zebizit, e desann ziska Enn-Rogel.