Ezai 17:10 - Labib An Kreol Seselwa

¹⁰ Izrael! Ou'n oubliy Bondye ki sov ou. Ou'n oubliy ou Ros ki protez ou. Alor, ou'n plant bann zoli pye dibwa pour ou san dout ador en bondye etranze.

Ezai 17:10 ပူးပေါင်းရင်းမြစ်များ

1 Kronik 16:35

Dir osi: Sov nou, Bondye nou delivrans! Rasanble e sov nou parmi bann nasyon, pour ki nou selebre ou non sen, e ki nou pran plezir pour loue ou.

Psonm 106:13

Me zot ti vit oubliy sa ki i ti'n fer; zot pa ti esper son konsey.

Psonm 106:21

Zot ti'n oubliy Bondye zot Sover ki ti'n fer bann gran mervey Lezip,

Psonm 18:2

SENYER i mon Ros protekter, mon fortres e mon liberater. I mon Bondye, mon Ros protekter, kot mon an sekirite. I mon korn ki delivre mwan; i mon soutyen.

Psonm 31:2

Ekout mwan! Delivre mwan. Ou menm mon Ros protekter, mon fortres ki protez mwan.

Psonm 65:5

Mon Bondye, nou Sover! Ou bann gran mervey i delivrans pour nou. Ou menm lespwar bann zabitan later e atraver lanmer, ziska bann zil lwenten.

Psonm 79:9

Mon Bondye, nou sover! Vin sekour nou pour montre ou grander. Pour loner ou non, delivre nou e pardonn nou.

Psonm 85:4

Bondye nou Sover! Retabli nou. Renons ou lakoler kont nou.

Psonm 9:17

Bann malfeter pou al dan lemonn lanmor, parey tou bann nasyon ki oubliy Bondye.

Ezai 12:2

Bondye i mon sover. Mon pou fer li konfyans, mon pa pou per, akoz Senyer BONDYE i mon lafors e mon pwisans. Li menm ki sov mwan.

Ezai 17:9

Sa zour, son bann lavil fortifye pou ganny abandonnen, parey bann lavil bann Hivit ek bann Amorit ti ganny abandonnen otrefwa, ler bann Izraelit ti vini. Tou pou ganny devaste.

Ezai 18:5

Akoz avan letan rekolt, ler bann fler in fini fleri, ler fler in vin grap ki pe mir, i pou koup bann bourzon initil avek en zouti; i pou tay bann brans ki pe file partou.

Ezai 25:4

Ou en landrwa refiz dimoun pov; ou'n vin en refiz pour bann ki dan bezwen e dan maler; en labri kont gro lapli e en lonbraz kont lasaler. Lakoler bann lennmi kriyel i fwete kont miray, parey lapli dan movetan.

Ezai 26:4

Met ou konfyans dan SENYER pour touzour, akoz SENYER i sa Ros solid pour touzour.

Ezai 30:29

Zot pou selebre parey dan lafet sakre aswar. Zot leker pou kontan parey ler en dimoun i mars akonpannyen par lanmizik laflit, pour li al lo montanny SENYER, Ros Izrael.

Ezai 33:2

SENYER! Pran pitye pour nou! Nou'n met nou konfyans dan ou. Ou ki nou lafors tou le bomaten, nou sover dan letan maler.

Ezai 44:8

Pa per, pa tranble. Pa mon'n fer ou konnen e anons depi byen lontan? Zot mon temwen! Eski i annan en lot Bondye apard mwan? Mwan, ki zot ros; mon pa konn en lot.

Ezai 51:13

Ou'n oubliy SENYER, ou Kreater, ki'n tal lesyel e met fondasyon later. Ou kontinyen per tou lazournen devan lakoler bann diktater ki mazin zis detri ou. Me kote lakoler sa diktater in ale?

Ezai 61:10

Mon pou rezoui dan SENYER. Tou mon leker pou dan lazwa dan mon Bondye, akoz in abiy mwan dan lenz delivrans, in kouver mwan avek rob lazistis, parey en nouvo marye, parey en pret avek son zoli lornman, parey en nouvel marye dan tou son bann bizou.

Ezai 62:11

SENYER in proklanmen partou lo later: Al dir avek bann zabitan Siyon: Ou delivrans pe vini, ou lapey i avek li; ou rekonpans pe vini.

Zeremi 12:13

Mon pep in senm lagrenn dible, me zot in rekolte move zerb. Zot in travay dir, san okenn profi. Zot rekolt pa'n bon akoz gran lakoler SENYER.

Zeremi 17:13

SENYER! Izrael in met son lespwar dan ou. Tou sa bann ki abandonn ou pou onte. Tou sa bann ki pou pran zot distans avek mwan, ki sours lavi, pou disparet parey en non ki'n ganny ekri dan lapousyer.

Zeremi 2:32

Eski en zenn fiy i kapab oubliy son bann bizou? Eski en nouvel marye i kapab oubliy son rob maryaz? Alor! Akoz mon pep in oubliy mwan depi tou sa bann letan?

Zeremi 3:21

Tapaz ki sorti lao dan kolin, i lavwa bann zanfan Izrael ki pe plere e ki pe sipliye. Zot in oubliy mwan, SENYER zot Bondye e zot in pran en move semen.

Ezekyel 22:12

Kot ou, i annan ki aksepte larzan pour fer koule disan, ki pret larzan, egziz gro lentere e eksplwat zot prosen pour anrisi zot. Me mwan, zot in oubliy mwan, Senyer BONDYE ki deklare.

Ezekyel 23:35

Alor, la sa ki Senyer BONDYE i deklare: Akoz ou'n oubliy mwan e ou'n abandonn mwan, ou ava siport konsekans ou move lavi, ou prostitisyon.

Oze 4:6

Mon pep i ganny detri akoz zot mank konnesans. Akoz ou, ou'n rezet konnesans, mon pou rezet ou koman mon pret. Akoz ou'n oubliy lalwa ou Bondye, mon pou oubliy ou bann zanfan.

Oze 8:14

Izrael in oubliy son Kreater e i'n konstri bann pale. Zida li, i'n fortifye en kantite lavil. Me mon pou met dife dan son bann lavil, dife pou devor zot bann zoli pale.

Zoel 1:17

Bann lagrenn ki'n senmen pa'n zermen. Bann grennyen i vid; langar lagrenn in ganny demoli.

Levitik 26:16

la sa ki mon pou fer zot: Mon pou anvoy maler, maladi enkirab ek lafreyer lo zot. Zot pou vin aveg e zot pou deperi. Zot ava senm legren anven, akoz zot lennmi ki pou rekolte.

Levitik 26:20

Zot ava trimouse, me anven. Zot later pa pou donn okenn rekolt e bann pye dibwa pa pou prodwir okenn fri.

Amos 5:11

Zot in kraz dimoun pov, zot in pran pardfors en parti zot rekolt. Pour sa rezon, zot pa pou viv dan bann lakaz fer avek ros taye e ki zot in konstri. Zot pa pou bwar diven sorti dan zot bann plantasyon rezen.

Habakouk 3:18

Sepandan, mon pou dan lazwa akoz SENYER; mon pou zwaye akoz Bondye i mon sover.

Sofoni 1:13

Zot larises pou ganny pran. Zot lakaz pou ganny detri. Zot pou konstrir lakaz, me zot pa pou reste ladan. Zot pou plant rezen, me zot pa pou bwar son diven.

Deterononm 28:30

Ou ava marye avek en fanm, me en lot zonm ki pou dormi avek li. Ou ava konstri en lakaz, me ou pa pou reste ladan. Ou ava plant en plantasyon rezen me ou pa pou gout son fri.

Deterononm 32:15

Yesouroun ti vin gra e i ti rezenbe. Ou ti vin gra e boufi. I ti abandonn Bondye son kreater e mepriz Ros protekter son sover.

Deterononm 32:18

Ou ti oubliy sa Ros protekter ki ti met ou omonn. Ou ti oubliy sa Bondye ki ti donn ou lavi.

Deterononm 32:31

Me zot protekter pa parey nou Ros protekter; menm nou bann lennmi i rekonnet.

Deterononm 32:4

I en Ros protekter. Son bann aksyon i parfe e tou son bann semen i zis. I en Bondye fidel, zanmen enzis. I zis e drwat.

Deterononm 6:12

fer atansyon ou pa oubliy SENYER ki ti fer ou sorti dan pei Lezip kot ou ti dan lesklavaz.

Deterononm 8:11

Fer atansyon ou pa oubliy SENYER, ou Bondye e neglize obzerv son bann komannman, lalwa ek regleman ki mon pe ordonn ou ozordi.

Deterononm 8:14

Fer atansyon alor, ki ou pa oubliy SENYER, ou Bondye ki'n fer ou sorti Lezip kot ou ti lesklav.

Deterononm 8:19

Si ou oubliy SENYER, ou Bondye pour swiv lezot bondye, servi zot e ador zot, mon pe averti ou solannelman ozordi ki ou pou disparet.