Ezai 17:1 - Labib An Kreol Seselwa

¹ Mesaz konsernan Damas. Damas pou nepli en lavil; i pou vin zis en ta debri.

Ezai 17:1 ပူးပေါင်းရင်းမြစ်များ

Zenez 14:15

Abranm ti diviz son bann serviter an plizyer group e atak zot aswar. I ti bat zot e pourswiv zot ziska Hoba, dan Nor avek Damas.

Zenez 15:2

Abranm ti reponn, “Senyer BONDYE, ki ou pou donn mwan? Mon napa zanfan e mon zeritye se Eliezer ki sorti Damas.

1 Rwa 11:24

I ti'n rasanble en group zonm avek li, e vin sef en group, apre ki David ti'n masakre bann troup son met. Zot ti al Damas kot zot ti reste e fer li lerwa Damas.

2 Rwa 16:9

Lerwa Asiri ti ekout li, e i ti al atak Damas ki i ti pran. I ti deport son bann zabitan Kir, koman prizonnyen, e fer touy Rezin.

1 Kronik 18:5

Kan bann Siriyen ki ti Damas ti sorti pour ed Hadadezer, lerwa Zoba, David ti touy 22,000 zonm parmi bann solda Siriyen.

2 Kronik 28:23

I ti ofer sakrifis bann bondye Damas ki ti'n fer li perdi lager. La sa ki i ti mazinen: Si bann bondye lerwa Siri in ed zot, li osi i ava ofer sakrifis pour zot ed li. Me sa ti pour son maler e maler Izrael antye.

2 Kronik 28:5

Alor, SENYER son Bondye ti livre li dan lanmen lerwa Siri. Bann Siriyen ti bat li e pran en kantite prizonnyen ki ti ganny anmennen Damas. Akaz ti tonm osi dan lanmen lerwa Izrael ki ti donn li en bon bate.

Ezai 10:9

Eski Kalno pa in pas parey Karkemis? Hamat parey Arpad e Samari parey Damas?

Ezai 13:1

La mesaz ki Ezai, garson Amoz, ti gannyen dan en vizyon:

Ezai 15:1

La mesaz lo Moab: Dan en lannwit, Ar-Moab ti ganny detri; i ti ganny plonze dan silans. Dan en lannwit, Kir-Moab ti ganny detri; i ti ganny plonze dan silans.

Ezai 19:1

En mesaz konsernan Lezip: Gete! SENYER in mont lo en nyaz rapid. I pe vin Lezip. Bann zidol dan Lezip pou tranble devan li; bann Ezipsyen pou paralize e zot pou perdi kouraz.

Ezai 25:2

Ou fer lavil vin en ta debri. Son bann fortifikasyon i anrin. Pale bann lennmi nepli; i pa pou zanmen ganny rekonstri.

Ezai 37:26

Eski ou pa ti konnen ki mon'n fer tousala depi lontan? Depi lontan, mon'n fer plan sa ki mon pe realize aprezan pour fer ou kraz bann lavil fortifye e fer zot vin en ta debri.

Ezai 7:16

Avan menm ki sa zanfan i konn rezet sa ki mal e swazir sa ki byen, pei sa de lerwa ki fer ou per, ava'n vin en dezer.

Ezai 7:8

Annefe, Damas i kapital Lasiri, Resin i sef Damas. Dan 65 an, Efraim pou ganny kraze, i pou nepli egziste koman en pep.

Ezai 8:4

akoz avan ki sa zanfan pou konn dir papa oubyen manman, tou larises Damas e tou byen ki Samari ti vole pou'n ganny pran par lerwa Asiri.

Zeremi 49:2

Pour sa rezon, sa zour pe sirman vini, SENYER i deklare, kan tapaz lager pou rezonnen dan Raba, lavil bann Amonit. Sa lavil pou vin en ta debri; son bann vilaz pou ganny brile. Alor, Izrael ava kapab repran son posesyon avek sa bann ki ti'n pran li.

Mise 1:6

Alor, mon pou fer laplenn Samari vin en ta debri, kot i bon zis pour plant rezen. Mon pou fer deboule son bann ros dan vale. Tou son fondasyon pou paret.

Mise 3:12

Alor, akoz ou, fose pou ganny fouye dan Siyon, Zerizalenm pou vin en ta debri. Montanny kot tanp i ete pou ganny kouver avek brousay.

Zakari 9:1

En mesaz sorti kot Senyer: Parol SENYER kont rezyon Hadrak pou reste lo Damas. Annefe, parey bann tribi Izrael, limanite i pour SENYER.

Akt de Zapot 9:2

e demann li bann let lentrodiksyon pour bann sinagog Damas. Konmsa, si i trouv okenn dimoun, zonm oubyen fanm, ki pe swiv Semen Senyer, i ava kapab aret zot e anmenn zot Zerizalenm.

Deterononm 13:16

Ou ava rasanble tou bann piyaz lager lo laplas piblik sa lavil. Apre, ou ava met dife e bril sa lavil avek son bann piyaz lager, koman en sakrifis brile pour SENYER, ou Bondye. Sa lavil ava reste en ta debri pour touzour, e zanmen i ava ganny rekonstri.