Ezai 16:6 - Labib An Kreol Seselwa

⁶ Nou'n antann koz lo lorgey Moab, son lorgey ekstrenm, son larogans, son lorgey ek son lensolans; me tousala i vid.

Ezai 16:6 ပူးပေါင်းရင်းမြစ်များ

Proverb 21:24

Sa enn ki fyer e vantar, i ensolan; i azir avek bokou larogans.

Ezai 15:1

La mesaz lo Moab: Dan en lannwit, Ar-Moab ti ganny detri; i ti ganny plonze dan silans. Dan en lannwit, Kir-Moab ti ganny detri; i ti ganny plonze dan silans.

Ezai 2:11

Lizye dimoun arogan pou ganny abese; bann orgeye pou ganny imilye. Sa zour, zis SENYER ki pou ganny egzalte.

Ezai 25:10

Lanmen SENYER pou reste lo sa montanny. Bann Moabit pou ganny kraze lanmenm an plas parey lapay ki ganny pil anba lipye dan en trou fimyen.

Ezai 25:11

Menm si zot ava lev zot lanmen la kot zot ete, parey en nazer i anvoy lanmen ler i naze, zot lorgey pou ganny abese.

Ezai 28:15

Akoz zot in dir: Nou'n fer en lalyans avek lanmor; nou annan en lakor avek lemonn lanmor. Ler katastrof ava arive, i pa pou tonm lo nou; akoz nou'n fer mansonz vin nou labri e nou kasyet nou dan tou sa ki fo.

Ezai 28:18

Alor ou lalyans avek lanmor pou ganny annile e ou lakor avek bann ki dan lemonn lanmor pa pou tenir debout. Ler gran katastrof ava pase, i pou kraz ou.

Ezai 44:25

Mon defet siny bann ki vantar e fer bann deviner derezonnen e rann zot konnesans bet.

Zeremi 48:14

Zabitan Moab! Koman eski zot kapab dir ki zot bann ero e bann vayan gerye?

Zeremi 48:26

Moab ti krwar ki i pli gran ki mwan, SENYER i deklare. Fer li bwar ziska i sou, e les li debat dan son vomi. Konmsa, tou dimoun ava mepriz li.

Zeremi 48:42

Akoz i ti plas li par lao SENYER, Moab pou ganny detri. I pou nepli menm egziste koman en pep.

Zeremi 50:36

Mon deklar lager kont son bann fo profet ki pou ganny trete koman bann fou. Mon deklar lager kont son bann gerye pour ki zot ganny masakre.

Amos 2:1

La sa ki SENYER i deklare: Akoz sa kantite krim zabitan Moab, mon pa pour sanz mon desizyon: Akoz zot in bril bann lezo lerwa Edonm, ziska lasann,

1 Pyer 5:5

Demenm, zot bann zennzan! Obei bann ki pli aze ki zot. Montre bokou limilite dan zot relasyon avek kanmarad. Annefe, Lekritir i deklare: Bondye i kont bann orgeye, me i bon anver bann ki annan limilite.