Ezai 16:4 - Labib An Kreol Seselwa

⁴ Les bann refizye ki sorti Moab vin reste kot ou! Donn zot labri kot ou. Protez zot kont sa destrikter. Zour bann devastasyon ava'n arete, e ki bann destriksyon ava'n fini, bann diktater ava'n disparet dan pei.

Ezai 16:4 ပူးပေါင်းရင်းမြစ်များ

Ezai 14:4

ou ava sant sa sanson lo lerwa Babilonn: Ki'n arive avek sa diktater? Son larogans in disparet? I nepli kapab ensilte?

Ezai 15:6

Delo Nimrim in sek, zerb in brile, gazon nepli pouse, nepli annan okenn verdir.

Ezai 25:10

Lanmen SENYER pou reste lo sa montanny. Bann Moabit pou ganny kraze lanmenm an plas parey lapay ki ganny pil anba lipye dan en trou fimyen.

Ezai 33:1

Maler lo ou ki detri tou me ki pa'n ganny detri! Ki trai lezot me ki pa'n ganny trai! Ler ou ava'n fini detri, ou osi, ou pou ganny detri. Ler ou ava'n fini trai, ou pou ganny trai.

Ezai 49:26

Mon pou fors bann ki kraz ou, manz zot prop laser e bwar zot prop disan konmsi diven. Alor, tou et vivan ava konnen ki mwan menm zot SENYER, zot Sover e zot Redanmter, Bondye pwisan dan Zakob.

Ezai 51:13

Ou'n oubliy SENYER, ou Kreater, ki'n tal lesyel e met fondasyon later. Ou kontinyen per tou lazournen devan lakoler bann diktater ki mazin zis detri ou. Me kote lakoler sa diktater in ale?

Ezai 54:14

Ou ava ganny gide par lazistis; personn pa pou kraz ou, akoz ou pou nepli per; personn pa pou teroriz ou, akoz lafreyer pa pou apros ou.

Ezai 58:7

Se kan ou partaz ou dipen avek sa enn ki lafen, abrit kot ou sa enn ki napa lakaz, kouver sa enn ki napa lenz pour met lo li, pa tourn ledo avek ou prop frer ki dan bezwen.

Ezai 9:4

Akoz ou'n tir sa fardo ki ti peze lo ledo ou pep, baton bann diktater ki ti pe bles zot zepol, sa mayos ki zot ti pe ganny bise avek, ozordi, ou'n kas tousala, parey zour ou ti bat bann Madyanit.

Zeremi 21:12

Zot ki sorti dan lafanmir David, la sa ki SENYER i deklare: Pratik vre lazistis tou le bomaten. Delivre bann ki pe ganny kraze anba lanmen bann ki pli for. Sankwa, akoz zot bann move aksyon, mon lakoler pou eklate parey en dife, ki personn pa kapab tennyen.

Zeremi 40:11

Kan bann zabitan Zida ki ti Moab, kot bann Amonit, dan pei Edonm ek lezot pei, ti aprann ki lerwa Babilonn ti'n permet en restan dimoun reste dan Zida e ki i ti'n nonm Gedalya, garson Ahikanm, garson Safann gouverner,

Zeremi 48:18

Zabitan Dibonn! Desann depi zot pyedestal, vin asiz dan lapousyer. Lennmi ki'n vin pour detri Moab pe vin atak ou; in detri ou bann miray fortifikasyon.

Zeremi 48:8

Sa enn ki detri tou pou antre dan bann lavil; okenn lavil pou sape. Ni vale, ni plato pa pou ganny eparnyen, parey SENYER in anonse.

Abdyas 1:14

Ou pa ti devre debout dan krwaze semen pour atak bann sirvivan ki ti pe sove. Ou pa ti devre livre bann sirvivan zour detres.

Zakari 10:5

Ansanm, zot pou parey bann konbatan dan lager. Lo semen, zot pou kraz lennmi dan labou; zot pou konbat, akoz SENYER pou avek zot e zot pou imilye bann kavalye.

Zakari 9:8

Mon pou kanp a kote mon lakaz koman en gardyen, pour ki personn pa ale vini. Okenn opreser pa pou pas kot li akoz aprezan, mon pe vey avek mon prop lizye.

Malasi 4:3

Zot pou kraz bann ki pratik lemal, akoz sa zour ki mon pou pran aksyon, zot pou vin lasann anba plak lipye.

Levanzil dapre Lik 21:24

Zot pou ganny masakre, e ganny anmennen koman prizonnyen parmi tou bann nasyon. Zerizalenm pou ganny kraze anba lipye bann etranze, ziska letan ki'n ganny determinen ava'n akonpli.”

Romen 16:20

Bondye, ki donn lape, ava byento kraz Satan anba zot lipye. Lagras nou Senyer Zezi ava avek zot tou.

Deterononm 24:14

Ou pa pou gard lapey en travayer pov e ki dan bezwen, ki swa Izraelit oubyen etranze ki pe reste dan ou pei, oubyen dan enn ou bann lavil.

Revelasyon 11:2

Me pa mezir lakour eksteryer Tanp, akoz i'n ganny abandonnen avek bann nasyon ki pou kraz lavil sen pandan 42 mwan.