Ezai 16:3 - Labib An Kreol Seselwa

³ Annou diskit ansanm pour pran en desizyon. Fer midi vin lannwit; protez nou avek ou lonbraz. Kasyet bann refizye, pa denons sa ki pe sove.

Ezai 16:3 ပူးပေါင်းရင်းမြစ်များ

1 Rwa 18:4

Kan Zezabel ti masakre bann profet SENYER, Abdyas ti pran 100 profet e kasyet zot par group 50 dan en kavern kot i ti nouri zot avek dipen ek delo.

Ezai 1:17

Aprann fer sa ki byen, rod lazistis, sov sa enn ki ganny kraze; defann bann orfelen, pran ka avek bann vev.

Ezai 25:4

Ou en landrwa refiz dimoun pov; ou'n vin en refiz pour bann ki dan bezwen e dan maler; en labri kont gro lapli e en lonbraz kont lasaler. Lakoler bann lennmi kriyel i fwete kont miray, parey lapli dan movetan.

Ezai 32:2

Sakenn pou parey en labri kont divan, en refiz kont tanpet, parey bann sours delo dan landrwa sek, parey lonbraz en ros dan dezer.

Ezai 56:8

Senyer BONDYE ki rasanble bann ki'n ganny rezete dan Izrael i deklare: Mon pou rasanble lezot ankor avek sa bann ki'n ganny deza rasanble.

Ezai 58:7

Se kan ou partaz ou dipen avek sa enn ki lafen, abrit kot ou sa enn ki napa lakaz, kouver sa enn ki napa lenz pour met lo li, pa tourn ledo avek ou prop frer ki dan bezwen.

Ezai 9:6

En zanfan in ne pour nou; nou'n ganny en garson. Lotorite i repoz lo son zepol. Zot apel li: Konseye merveye, Bondye pwisan, Papa eternel, Prens Lape.

Zeremi 21:12

Zot ki sorti dan lafanmir David, la sa ki SENYER i deklare: Pratik vre lazistis tou le bomaten. Delivre bann ki pe ganny kraze anba lanmen bann ki pli for. Sankwa, akoz zot bann move aksyon, mon lakoler pou eklate parey en dife, ki personn pa kapab tennyen.

Zeremi 22:3

Pratik lazistis e fer tou dapre ladrwatir. Delivre malere ki pe ganny vole. Pa bezwen eksplwat bann etranze, bann orfelen oubyen bann vev; pa servi vyolans e pa touy dimoun inosan dan sa landrwa.

Danyel 4:27

Mazeste! Aksepte mon konsey: Ranplas ou bann pese par lazistis e ou bann fot par konpasyon anver bann pov. Petet sa ava prolonz ou trankilite.”

Zakari 7:9

La sa ki SENYER liniver i deklare: Rann bann vre zizman; pratik labonte ek konpasyon antre zot.

Matye 25:35

Mon ti lafen, zot ti donn mwan manze. Mon ti swaf, zot ti donn mwan delo. Mon ti en etranze, e zot ti resevwar mwan se zot.

Ebre 13:2

Pa oubliye pratik lospitalite. Annefe, serten san konnen, in resevwar lanz se zot.

Ziz 9:15

Bison ti reponn bann pye dibwa: Si zot senser ler zot oule donn mwan lonksyon, pour mwan vin zot lerwa, vini, vin maske zot anba mon lonbraz; sinon, mon demann en dife sorti dan bison pikan e devor bann pye sed Liban.