Ezai 16:2 - Labib An Kreol Seselwa

² Bann fiy Moab pe espere lo bor larivyer Arnon kot i sek. Zot parey bann zwazo ki pe anvole partou akoz zot in ganny pouse dan zot nik.

Ezai 16:2 ပူးပေါင်းရင်းမြစ်များ

2 Rwa 3:4

Mesa, lerwa Moab, ti fer elvaz mouton. I ti bezwen pey lerwa Izrael en taks 100,000 zenn mouton mal e 100,000 mouton adilt avek zot lalenn.

Proverb 26:2

Parey zwazo ki pase, parey zirondel ki anvole, malediksyon san rezon pa pran lo personn.

Proverb 27:8

En eran lwen avek son pei, i parey en zwazo ki pe anvole lwen avek son nik.

Ezai 13:14

Alor, parey en gazel ki pe ganny pourswiv, oubyen, parey troupo mouton san personn pour rasanble zot, zot pou retourn kot zot prop pep; sakenn pou sov dan son pei.

Zeremi 48:20

Zot pou reponn: Plere, kriye, akoz Moab in ganny devaste; in ganny kouver avek laont. Al anons sa nouvel obor larivyer Arnon: Moab in ganny detri.

Zeremi 48:46

Maler lo ou Moab! Bann zabitan Kemos in disparet. Ou bann garson ek ou bann fiy in ganny deporte koman prizonnyen.

Zeremi 48:9

Donn Moab lezel pour li sove; son destriksyon pe vini. Son bann lavil pou ganny detri, son bann zabitan pou disparet.

Nonm 21:29

Maler lo ou, Moab! Pei Kemos in ganny detri. I ti les son bann zonm ganny egzile; son bann fiy in ganny kaptire par Sihonn, lerwa bann Amorit.

Deterononm 2:36

Depi Aroer ki lo bor larivyer Arnon, ansanm avek sa lavil ki lo sa larivyer li menm, ziska Galaad, pa ti annan okenn sitadel tro o pour nou. SENYER, nou Bondye ti donn nou tou.

Deterononm 3:12

Nou ti alor pran posesyon sa pei depi Aroer ziska larivyer Arnon. Mon ti donn tribi Riben ek tribi Gad teritwar lo Nor avek Aroer, lo larivyer Arnon ek lanmwatye rezyon montanny Galaad avek son bann lavil.

Deterononm 3:8

Ensi, dan sa letan, nou ti'n pran avek de lerwa bann Amorit, pei ki lot kote larivyer Zourden, depi larivyer Arnon ziska montanny Hermon.

Zozye 13:16

Zot teritwar ti pran depi Aroer ki lo bor larivyer Arnon, ek lavil ki dan milye sa menm larivyer, tou laplenn ziska Medba;

Ziz 11:18

Apre, Izrael ti kontinyen mars dan dezer; i ti kontourn pei Edonm ek pei Moab, e zot ti ariv lo kote Les pei Moab. Zot ki kanp lo lot kote larivyer Arnon, san antre dan teritwar Moab. Annefe, larivyer Arnon i lo frontyer avek Moab.