Ezai 16:12 - Labib An Kreol Seselwa

¹² Lepep Moab pe fatig li ler i al lo montanny sakre, ler i antre dan son sanktyer pour priye. Tousala pa pou servi nanryen.

Ezai 16:12 ပူးပေါင်းရင်းမြစ်များ

1 Rwa 11:7

Alor Salomon ti konstri en landrwa sakre pour Kemok, bondye degoutan bann Amonit, lo montanny, anfas avek Zerizalenm.

1 Rwa 18:29

Midi ti'n pase, zot ti konmans profetize ziska ler lofrann sakrifis apremidi. Me ti napa ni lavwa, ni repons, ni okenn siny latansyon.

2 Rwa 19:12

Eski bann bondye bann nasyon in delivre zot, sa bann nasyon ki lezot lerwa in detri: Gozann, Harann, Resef ek pep Edenn, ki ti dan Telasar?

2 Rwa 3:27

Alor, i ti pran son lene garson ki ti devre vin lerwa dan son plas e ofer li koman sakrifis konplet lo miray lavil. Sa ti fer lev en gran lafreyer parmi bann Izraelit; zot ti abandonn bann Moabit e retourn dan zot pei.

Proverb 1:28

Alor, zot ava apel mwan, me mon pa pou reponn; zot pou rod mwan, me zot pa pou trouv mwan.

Ezai 15:2

Zabitan Bayit ek Dibonn in monte dan bann landrwa sakre pour plere. Zot pe lamante lo Nebo ek Medba. Moab pe plennyen. Zot tou, zot in raz zot latet; zot tou, zot in koup zot labarb.

Ezai 16:13

Sa i parol ki SENYER ti deklare konsernan Moab depi lontan.

Ezai 26:16

SENYER! Zot ti rod ou ler zot ti dan detres. Zot ti priye ler ou ti pe pini zot.

Ezai 37:38

En zour, letan i ti pe priye dan tanp son bondye Nisrok, son de garson, Adramelek ek Sareser ti touy li avek lepe e sov dan pei Ararat. Son garson Asaradon ti renny dan son plas.

Ezai 47:13

Ou'n fatig ou afors demann konsey. Les dimoun ki etidye lesyel vin sov ou; les sa bann ki lir dan bann zetwal, ki sak nouvellin i anons zot sa ki pou arive, les zot vin sov ou.

Zeremi 10:5

Sa bann zidol, i parey sa ki zot met dan en plantasyon kokonm pour fer per zwazo. Zot pa kapab koze. Fodre anmenn zot akoz zot pa kapab marse. Napa rezon pour per zot akoz zot pa kapab fer ou dimal, ni okenn dibyen.

Zeremi 48:13

Alor, parey pep Izrael ti kanmi akoz Betel, ki zot ti fer konfyans, bann zabitan Moab pou kanmi zot bondye Kemos.

Zeremi 48:35

Mon pou fer disparet dan Moab, bann dimoun ki bril lansan dan bann landrwa sakre, e ofer bann sakrifis en loner zot bann bondye, SENYER i deklare.

Zeremi 48:46

Maler lo ou Moab! Bann zabitan Kemos in disparet. Ou bann garson ek ou bann fiy in ganny deporte koman prizonnyen.

Zeremi 48:7

Moab! Akoz ou ti met ou konfyans dan ou prop lafors e dan ou larises, ou osi, ou pou pri. Kemos pou al annegzil avek son bann pret ek son bann sef.

Nonm 21:28

Dife ti sorti dan lavil Hesbonn, en laflanm dan lavil Sihonn. I'n detri Ar dan Moab ek bann sef lo oter Arnon.

Nonm 22:39

Alor, Balaanm ti al avek Balak e zot ti ariv Kiryat-Housot.

Nonm 22:41

Lannmen bomaten, Balak ti pran Balaanm e mont avek li ziska Bamot-Baal kot i ti war selman en parti pep Izrael.

Nonm 23:14

I ti anmenn li dan laplenn Zofim lo latet montanny Pisga. La osi, i ti fer set lotel e ofer sakrifis en toro ek en mouton mal lo sak lotel.

Nonm 23:28

Balak ti anmenn Balaanm lo latet montanny Peor ki vir lo dezer.

Nonm 24:17

Mon war dan lavenir, mon gete, me ankor dan lwen. En zetwal pou sorti dan Zakob, en lerwa pou leve sorti dan Izrael. I pou tap Moab dan son latanp, e kraz latet bann desandan Set.