Ezai 16:1 - Labib An Kreol Seselwa

¹ Anvoy mouton kot dirizan sa pei depi Sela, an pasan par dezer, ver montanny Siyon.

Ezai 16:1 ပူးပေါင်းရင်းမြစ်များ

2 Samyel 8:2

I ti bat osi bann zabitan Moab ki i ti fer dormi ater, e mezir zot avek en bout lakord. I ti fer touy sak de premye mezir, e les viv trwazyenm. Bann Moabit ti vin anba dominasyon David, e zot ti forse pey taks.

2 Rwa 14:7

Amazya ti touy 10,000 Edomit dan Vale Disel. Dan lager, i ti pran lavil Sela, ki i ti apel Yokteel, non ki'n reste ziska ozordi.

2 Rwa 3:4

Mesa, lerwa Moab, ti fer elvaz mouton. I ti bezwen pey lerwa Izrael en taks 100,000 zenn mouton mal e 100,000 mouton adilt avek zot lalenn.

Esdras 7:17

Alor, avek sa larzan, ou ava aste toro, mouton mal ek zenn mouton; ou ava osi aste tou lofrann vezetal ek lofrann labwason ki al avek. Ou ava ofer tousala lo lotel tanp ou Bondye ki Zerizalenm.

Ezai 10:32

Sa menm zour, lennmi pou aret dan lavil Nob i lev koudpwen anler kont montanny Siyon, kont kolin Zerizalenm.

Ezai 42:11

Dezer ek bann lavil! Lev zot lavwa. Bann vilaz osi kot Kedar i reste. Bann zabitan Sela! Sant zot lazwa. Kriye depi lo latet bann montanny!

Ezekyel 45:16

Pep antye dan pei devre zwenn ansanm pour kontribye dan lofrann pour sa prens ki gouvern Izrael.

Mise 4:8

Ou, Tour ki vey lo troupo, kolin fiy Siyon! Ou pou retrouv ou lotorite ki ou ti annan avan. Zerizalenm pou vin lavil kapital.