Ezai 15:6 - Labib An Kreol Seselwa

⁶ Delo Nimrim in sek, zerb in brile, gazon nepli pouse, nepli annan okenn verdir.

Ezai 15:6 ပူးပေါင်းရင်းမြစ်များ

Zeremi 14:5

Menm en manman serf i abandonn son piti ki'n fek ne, akoz nepli annan zerb.

Zeremi 48:34

Hesbonn in kriy telman for ki zot lavwa i ganny tande dan Eleale, e menm ziska Yaas, depi Soar ziska Horonaim e Eglat-Selisya. Menm bann sours delo ki Nimrim in vin sek.

Zoel 2:3

Par devan, konmsi en dife ki devor tou. Par deryer, laflanm i detri tou. Oparavan, later ti parey zarden Edenn, me in vin sek, parey en dezer. Napa nanryen ki sap li.

Nonm 32:3

Atarot, Dibonn, Yazer, Nimra, Hesbonn, Eleale, Sebanm, Nebo, Beonn, rezyon ki SENYER in donn nou,

Nonm 32:36

Bet-Nimra, Bet-Harann, bann lavil fortifye ek lanklo pour bann mouton.

Zozye 13:27

e dan vale, Bet-Haranm, Bet-Nimra, Soukot, ek Safonn, restan rwayonm Sihonn, lerwa Hesbonn, avek bor larivyer Zourden, ziska dan bout lanmer Zenezaret ki Les avek larivyer Zourden.

Revelasyon 8:7

Premye lanz ti soufle dan son tronpet. Lagrel ek dife melanze avek disan ti devers lo later. En tyer later, en tyer bann pye dibwa ek tou zerb ver ti ganny brile.