Ezai 15:2 - Labib An Kreol Seselwa

² Zabitan Bayit ek Dibonn in monte dan bann landrwa sakre pour plere. Zot pe lamante lo Nebo ek Medba. Moab pe plennyen. Zot tou, zot in raz zot latet; zot tou, zot in koup zot labarb.

Ezai 15:2 ပူးပေါင်းရင်းမြစ်များ

2 Samyel 10:4

Alor, Hanoun ti fer aret delegasyon David. I ti fer raz lanmwatye zot labarb, koup zot lenz lanmwatye longer lo nivo zot deryer e fer zot ale.

1 Kronik 19:4

Alor, Hanoun ti pran bann serviter David e fer raz zot, fann zot lenz dan milye kot leren, e fer zot retournen.

Liv Zob 1:20

Alor Zob ti leve. I ti desir son lenz e raz son latet. I ti tonm ater e prosternen.

Ezai 14:31

Bann laport lavil! Plere! Bann lavil! Kriye! Tou bann Filisten i fonn avek lafreyer, akoz en gro lafimen pe monte sorti dan Nor; personn pa pe sove parmi bann konbatan.

Ezai 15:3

Zot lo semen dan lenz dey. Lo twa bann lakaz e dan bann plas piblik, tou dimoun i an larm, pe plere.

Ezai 16:12

Lepep Moab pe fatig li ler i al lo montanny sakre, ler i antre dan son sanktyer pour priye. Tousala pa pou servi nanryen.

Ezai 16:7

Aprezan, zabitan Moab i kapab lamante; zot tou, zot kapab plere. Kriye, lamante, pour bann pake rezen sorti Kir-Hareset.

Ezai 22:12

Sa zour, Senyer BONDYE liniver ti demann zot pour plere e lamante; pour raz zot latet e met lenz dey.

Ezai 3:24

Loder pouritir pou ranplas loder lesans; en lakord pou ranplas en sang. Latet kler pou ranplas bann lanmod pennyen avek ekstravagans; lenz dey pou ranplas bann lenz lafet; laont dan plas labote.

Zeremi 3:21

Tapaz ki sorti lao dan kolin, i lavwa bann zanfan Izrael ki pe plere e ki pe sipliye. Zot in oubliy mwan, SENYER zot Bondye e zot in pran en move semen.

Zeremi 47:2

La sa ki SENYER i deklare: Gete! Bann lennmi pe rasanble dan Nor, parey en larivyer ki pe grosi. Zot parey en gran linondasyon ki pou kouver later bann Filisten e tou bann zabitan pei pou kriy osekour.

Zeremi 47:5

En gran latristes in anvai lepep ki reste Gaza. Zabitan Askelonn nepli oze koze. Ziska kan zot pou sizle zot lekor?

Zeremi 48:1

La sa ki SENYER liniver, Bondye Izrael i deklare konsernan Moab: Maler pour Nebo! In ganny detri. Kiryataim in ganny imilye, in ganny kaptire; son bann miray in ganny kraze.

Zeremi 48:18

Zabitan Dibonn! Desann depi zot pyedestal, vin asiz dan lapousyer. Lennmi ki'n vin pour detri Moab pe vin atak ou; in detri ou bann miray fortifikasyon.

Zeremi 48:31

Alor, mon plere pour Moab; mon apel osekour pour lepep antye; mon pou vers en kantite larm pour bann zabitan Kir-Heres.

Zeremi 48:35

Mon pou fer disparet dan Moab, bann dimoun ki bril lansan dan bann landrwa sakre, e ofer bann sakrifis en loner zot bann bondye, SENYER i deklare.

Zeremi 49:3

Zabitan Hesbonn! Kriye! Ai ki'n ganny devaste. Bann fiy Raba! Kriye. Met zot lenz dey e plere, taye tou dilon miray, akoz Milkonm, pou ganny deporte avek tou son bann pret ek bann sef.

Zeremi 7:29

La sa ki SENYER i deklare: Pep Zerizalenm! Koup zot seve long ki mark zot konsekrasyon. Zet li lo bann kolin; sant bann kantik dey, akoz SENYER, in rezet sa pep ki'n provok son lakoler.

Ezekyel 27:31

Akoz ou, zot pou raz zot latet e met lenz dey. Zot pou kriye e lamante akoz ou.

Ezekyel 30:2

Ou ki en imen, pronons sa kondannasyon: La sa ki Senyer BONDYE i deklare: Lamante! Zour maler pe vini.

Ezekyel 7:18

Zot pou anvlop zot dan lenz dey, zot pou konny ansanm avek lafreyer. Zot figir pou kouver avek laont; zot tou, zot pou bezwen raz zot latet telman zot onte.

Levitik 13:40

Si en zonm i perdi son seve, i vin sov, me i pir.

Levitik 21:5

Bann pret pa pou raz zot latet, ni raz zot labarb lo latanp, ni sizle zot lapo.

Amos 8:10

Mon pour sanz zot lafet an dey, e zot bann sanson an lamantasyon. Mon pou met zot lenz dey e raz zot latet, konmsi lanmor zot sel garson. Sa zour pou en zour tris.

Nonm 21:28

Dife ti sorti dan lavil Hesbonn, en laflanm dan lavil Sihonn. I'n detri Ar dan Moab ek bann sef lo oter Arnon.

Nonm 21:30

Nou'n masakre zot depi Hesbonn ziska Dibonn; nou'n devaste tou ziska Nofa, ki tous avek Medba.

Nonm 32:3

Atarot, Dibonn, Yazer, Nimra, Hesbonn, Eleale, Sebanm, Nebo, Beonn, rezyon ki SENYER in donn nou,

Nonm 32:38

Nebo e Baal-Meonn e Sibma. Zot ti donn nouvo non bann lavil ki zot ti konstri.

Deterononm 14:1

Zot en bann zanfan ki pour SENYER, zot Bondye. Alor, si zot an dey, zot pa pou sizle zot lapo, ni raz seve devan zot latet.

Deterononm 34:1

Moiz ti kit laplenn Moab e mont lo montanny Nebo, lo latet montanny Pisga ki anfas avek Zeriko. La, SENYER ti montre li pei antye: Depi Galaad ziska Dann,