Ezai 14:2 - Labib An Kreol Seselwa

² Lezot pep etranze ava akey Izrael, pour anmenn li dan son pei. La, lo later ki pou SENYER, pep Izrael pou fer zot vin son lesklav, zonm koman fanm. Izrael pou fer prizonnyen sa bann menm dimoun ki ti'n anmenn li an kaptivite; i pou domin sa bann ki ti kraz li.

Ezai 14:2 ပူးပေါင်းရင်းမြစ်များ

Esdras 2:65

san kont zot bann serviter ek servant. Sa ti fer an tou 7,337 dimoun. Parmi, ti annan 200 santer ek santez.

Psonm 68:18

SENYER Bondye! Ou'n mont lao. Ou'n anmenn bann prizonnyen avek ou. Bann pep in ofer ou kado, menm bann ki rebel kont ou.

Ezai 18:7

Alor, dan sa letan, SENYER liniver pou ganny bann kado sorti kot sa pep ki gran e ki zot lapo i listre; en pep ki tou bann nasyon i per; en nasyon pwisan ki ganny laviktwar lo son lennmi; ki viv dan en pei ki ganny separe par larivyer. I pou anmenn bann kado ziska Montanny Siyon, kot SENYER liniver i ete.

Ezai 31:8

Alor, bann Asiriyen pou tonbe anba kou lepe ki pa sorti kot zonm. Lepe ki pou detri zot pa'n ganny fer par zonm. Zot ava sove devan sa lepe e son bann zennzan pou ganny met anba travoforse.

Ezai 45:14

La sa ki SENYER i deklare: Mendev Lezip, komers bann Nibyen e bann Sabeen, sa bann zean pou pas dan ou lanmen e pou vin ou propriyete. Zot pou swiv ou atase avek lasenn e zot ava prostern devan ou. Zot ava sipliy ou: Bondye i avek ou e napa okenn lot.

Ezai 49:22

La sa ki Senyer BONDYE i deklare: Byento mon pou lev mon lanmen avek bann nasyon e fer en siny avek bann pep; zot ava anmenn ou bann garson dan zot lebra, e ou bann fiy lo zot zepol.

Ezai 49:23

Bann lerwa ki pou vin zot titer e bann prenses zot nouris. Zot pou prosternen devan lafas later e lis lapousyer lo ou lipye. Alor, ou ava konnen ki mwan menm SENYER. Sa bann ki met konfyans dan mwan pa pou kanmi.

Ezai 49:25

La sa ki SENYER i deklare: Menm prizonnyen en diktater pou ganny libere, pou ganny arase avek en tiran. Annefe, mon pou atak bann ki atak ou e mon pou sov ou bann zanfan.

Ezai 54:3

Annefe, ou pou grandi dan tou direksyon: Adrwat, agos e ou bann desandan pou pran posesyon teritwar bann nasyon vwazen e zot ava peple bann lavil abandonnen.

Ezai 60:14

Desandan bann ki kraz ou pou vin kot ou, latet bese; tou sa bann ki ti mepriz ou pou prostern devan ou. Zot pou apel ou Lavil SENYER, Siyon, lavil Bondye Sen Izrael.

Ezai 60:4

Lev ou lizye e get otour ou; zot tou, zot in rasanble; ansanm, zot pe vin kot ou; ou bann garson i arive, sorti lwen; ou bann fiy pou ganny anmennen dan lebra zot nouris.

Ezai 61:5

Bann etranze pou gard e pran swen ou troupo; zot pou kiltiv ou later e okip ou bann plantasyon rezen.

Ezai 66:12

Annefe, la sa ki SENYER i deklare: Mon pou fer son prosperite koule parey en gran larivyer e larises bann nasyon parey en larivyer ki deborde. Ou pou ganny gate e ganny pran dan lebra. Ou pou ganny dorlote lo son zenou.

Zeremi 30:16

Alor, sa bann ki devor ou pou ganny devore. Ou bann lennmi, san eksepsyon, pou ganny deporte. Sa bann ki vol ou pou ganny vole. Sa bann ki pran sa ki ou annan pou konn menm sor.

Zeremi 49:2

Pour sa rezon, sa zour pe sirman vini, SENYER i deklare, kan tapaz lager pou rezonnen dan Raba, lavil bann Amonit. Sa lavil pou vin en ta debri; son bann vilaz pou ganny brile. Alor, Izrael ava kapab repran son posesyon avek sa bann ki ti'n pran li.

Ezekyel 39:10

Zot pa pou bezwen al anmas dibwa dan lakanpanny, ni koup pye dibwa dan lafore, akoz zot bann zarm ava ase pour gard sa dife alimen. Zot pou pran avek bann ki'n vol zot. Zot pou depouy bann ki'n depouy zot. Senyer BONDYE ki deklare.

Danyel 7:18

Me bann sen ki devan Bondye Toupwisan pou resevwar sa rwayonm e zot pou posed rwayote pour touzour e touzour.

Zoel 3:8

Mon pou vann zot zennzan ek zot zenn fiy avek zabitan Zida, ki apre, pou vann zot avek bann Sabeen, en pep ki reste lwen avek zot. SENYER ki'n deklare.

Levitik 25:44

Zot ava aste lesklav zonm oubyen fanm kot bann nasyon ki antour zot.

Abdyas 1:17

Lo montanny Siyon bann sirvivan pou trouv en labri. Desandan Zakob pou repran posesyon zot pei.

Zakari 2:13

Gard silans devan SENYER, akoz in leve sorti dan son sanktyer sakre.

Zakari 2:9

Gete aprezan! Mon pou lev mon lanmen kont zot e zot prop lesklav pou depouy zot. Alor, zot ava konnen ki SENYER liniver ki'n anvoy mwan.

Levanzil dapre Lik 12:45

Me si sa serviter i dir dan li menm: Mon met i pran lontan pour li retournen; e si i konmans bat lezot serviter ek servant, manze e bwar ziska i sou,

Romen 15:27

Zot in deside fer sa par zot menm. Me an realite, se en det ki zot pe pey zot bann frer Zerizalenm. Annefe, bann non-Zwif in partisip dan benefis spirityel bann ki'n konverti. Aprezan, i zot devwar pour rann servis lo kote materyel.

2 Korentyen 10:5

Nou demoli tou miray lopozisyon kont konnesans Bondye. Nou fer prizonnyen tou panse pour fer zot obei Kris.

Galat 5:13

Mon bann frer ek ser! Zot in ganny apele pour viv lib. Me selman, pa fer sa liberte en preteks pour viv dapre dezir zot natir. O kontrer, les zot ganny gide par lanmour pour servi kanmarad.

Efezyen 4:8

Parey Lekritir i deklare: Kan i ti mont lao, i ti anmenn avek li bann prizonnyen. I ti ofer zonm kado lo later.

Revelasyon 3:9

La sa ki mon pou fer avek bann ki form lasanble Satan, sa bann manter ki pretann ki zot Zwif me ki pa Zwif: Mon pou fer zot vin azenou devan ou e zot ava rekonnet ki mon'n kontan ou.