Ezai 14:1 - Labib An Kreol Seselwa

¹ Me SENYER pou pran konpasyon pour Zakob e swazir Izrael ankor; i pou fer li viv anpe lo son prop later. Bann etranze ava zwenn avek li pour form parti desandan Zakob.

Ezai 14:1 ပူးပေါင်းရင်းမြစ်များ

Ester 8:17

Dan sak provens e dan sak lavil, partou kot lord ek lalwa lerwa ti arive, bann Zwif ti dan lazwa; ti en zour lafet. Bokou parmi lepep dan pei ti deklar zot Zwif, akoz zot ti'n per bann Zwif.

Psonm 102:13

Ou pou leve, e ou pou pran pitye pour Zerizalenm, akoz in ler pour ou konsol li. Son ler in vreman arive.

Psonm 102:14

Ou bann serviter i kontan son bann ros. Zot pran pitye pour son lapousyer.

Psonm 143:12

Dan ou fidelite, ekstermin mon bann lennmi, detri mon bann ladverser akoz mon ou serviter.

Psonm 98:3

I rapel son fidelite ek son lanmour anver pep Izrael. Tou bann nasyon lo later in war bann laviktwar nou Bondye.

Ezai 19:18

Sa zour, pou annan senk lavil dan pei Lezip ki pou konn koz langaz Kanaan e fer serman lo non SENYER liniver. Enn sa bann lavil pou ganny apele Lavil Soley.

Ezai 21:1

En mesaz lo en Dezer Maritim! I pe vini parey en divan vyolan ki travers dezer Negev. I sorti dan dezer dan en pei terib.

Ezai 27:6

Dan bann zour ki pe vini, Zakob pou pous rasin. Izrael ava donn bann bourzon, fleri e ranpli later antye avek son bann fri.

Ezai 41:8

Me ou, Izrael, mon serviter, Zakob ki mon'n swazir; desandans Abrahanm, mon zanmi;

Ezai 41:9

mon'n ranmenn ou depi dan bout later mon'n apel ou depi bann kwen pli elwannyen. Avek ou ki mon ti dir: Ou menm mon serviter! Mon'n swazir ou e mon pa'n rezet ou!

Ezai 44:1

Aprezan, ekout mwan, Zakob mon serviter, Izrael ki mon'n swazir!

Ezai 45:14

La sa ki SENYER i deklare: Mendev Lezip, komers bann Nibyen e bann Sabeen, sa bann zean pou pas dan ou lanmen e pou vin ou propriyete. Zot pou swiv ou atase avek lasenn e zot ava prostern devan ou. Zot ava sipliy ou: Bondye i avek ou e napa okenn lot.

Ezai 47:1

Babilonn, lavil vyerz! Desann lo ou tronn rwayal e vin asiz dan lapousyer. Fiy Babilonn! Vin asiz ater, san ou tronn. Ou pou nepli ganny apele Babilonn sansib e delika.

Ezai 49:10

Zot pou nepli lafen, zot pou nepli swaf; ni divan so ni soley pa pou fer zot soufer, akoz zot gid pou sa enn ki annan konpasyon pour zot e ki pou kondwir zot kot i annan sours delo.

Ezai 49:13

Lesyel! Sant ou lazwa. Later! Rezoui ou. Bann montanny! Fer tande zot bann sanson. SENYER in konsol son pep; in pran konpasyon pour sa bann ki pe soufer.

Ezai 49:15

Eski en fanm i kapab oubliy son pti baba ki i pe donn tete? Pa i annan konpasyon pour sa zanfan ki i'n donn nesans? Menm si i oubliy li, mwan mon pa pou oubliy ou.

Ezai 49:25

La sa ki SENYER i deklare: Menm prizonnyen en diktater pou ganny libere, pou ganny arase avek en tiran. Annefe, mon pou atak bann ki atak ou e mon pou sov ou bann zanfan.

Ezai 49:7

La sa ki SENYER i deklare, Sover Izrael, son Bondye ki Sen, avek sa enn ki ganny meprize, deteste par bann nasyon, lesklav bann dirizan: Ler bann lerwa ava war ou, zot ava debout e bann sef ava prosternen lafas ater. Sa pou arive akoz SENYER i fidel e Sen Izrael, in swazir ou.

Ezai 54:3

Annefe, ou pou grandi dan tou direksyon: Adrwat, agos e ou bann desandan pou pran posesyon teritwar bann nasyon vwazen e zot ava peple bann lavil abandonnen.

Ezai 55:7

Bann move dimoun devre sanz zot mannyer viv. Bann ki mazin fer sa ki mal devre abandonn zot move lespri e retourn ver SENYER ki ava pran konpasyon pour zot, ver nou Bondye, akoz i pardonn tou avek zenerozite.

Ezai 56:3

Pa les sa etranze ki'n atas li avek SENYER dir: SENYER pou sirman separ mwan avek son pep. Pa les en enik dir: Mon'n vin en pye dibwa sek.

Ezai 60:10

Bann etranze pou refer ou bann miray; zot bann lerwa pou servi ou, akoz dan mon lakoler mon'n pini ou. Me dan mon labonte, mon'n pran pitye pour ou.

Ezai 60:14

Desandan bann ki kraz ou pou vin kot ou, latet bese; tou sa bann ki ti mepriz ou pou prostern devan ou. Zot pou apel ou Lavil SENYER, Siyon, lavil Bondye Sen Izrael.

Ezai 66:20

La sa ki SENYER i deklare: Zot pou retournen e anmenn avek zot, tou zot frer ki sorti parmi sa bann nasyon, koman en lofrann pour SENYER, lo seval, dan bann kales e lo treno, lo bourik e lo samo. Zot pou vin Zerizalenm, lo mon montanny sakre, parey bann Izraelit i anmenn lofrann vezetal dan en bol pirifye kot tanp SENYER.

Zeremi 16:15

Mon promet lo non SENYER ki vivan, ki'n fer pep Izrael sorti dan pei Nor e dan lezot pei kot in dispers zot. Wi, mwan, mon pou fer zot retourn lo later ki mon ti'n donn zot zanset.

Zeremi 29:14

Mon pou les ou trouv mwan, e mon pour fer ou retourn dan ou pei, SENYER i deklare. Mon pou rasanble ou depi dan tou bann nasyon e partou kot mon ti'n sas ou. Mon pou fer ou retourn isi kot mon ti tir ou pour al annegzil, SENYER ki deklare.

Zeremi 30:8

La sa ki SENYER liniver i deklare: Sa zour pe arive, kan mon pou kas sa bar dibwa ki i pe fer peze lo zot likou e mon pou kas bann lasenn ki gard zot lesklav. Konmsa, zot pou nepli servi bann etranze.

Zeremi 31:4

Izrael ki zoli! Mon pou rekonstri ou! Ou pou ganny remet lo ou de lipye. De nouvo, ou pou fer sorti ou bann tanbouren, e selebre dan lazwa avek bann danser.

Zeremi 50:33

La sa ki SENYER liniver i deklare: Pep Izrael ek pep Zida i viktim zot lennmi ki'n gard zot e anpes zot sove.

Zeremi 51:51

Nou pa fyer pour antann sa bann lensilt. Nou santi nou san okenn sekour, akoz bann etranze in penetre dan ou tanp, SENYER.

Ezekyel 16:60

Me mwan, mon pou rapel mon lalyans ki mon ti fer avek ou, kan ou ti ankor zenn. Mon pou etabli mon lalyans avek ou pour touzour.

Ezekyel 47:22

Zot ava pran koman zot posesyon e pour bann etranze ki viv parmi zot e ki'n ganny zanfan dan pei. Zot ava konsider zot koman Izraelit. Zot ava ganny en par later parmi bann tribi Izrael.

Zakari 1:17

Anons ankor sa mesaz: La sa ki SENYER liniver i deklare: Mon bann lavil pou ranpli ankor en fwa avek en kantite larises. Ankor en fwa, SENYER pou rekonfort Siyon e swazir Zerizalenm.

Malasi 1:11

Depi soley leve ziska soley kouse, partou dan lemonn, dimoun i onor mwan. Partou, zot bril lansan e prezant en lofrann pir, akoz mon non i gran parmi bann nasyon, SENYER liniver ki deklare.

Levanzil dapre Lik 1:54

I'n vin ed pep Izrael, son serviter. I pa'n oubliy montre son bonte,

Levanzil dapre Lik 2:32

en lalimyer pour ekler bann nasyon e laglwar ou pep, Izrael.