Ezai 13:8 - Labib An Kreol Seselwa

⁸ Dimoun pou per. Soufrans atros pou anvai zot. Zot pou ganny douler parey en fanm dan lakousman. Efare, zot pou get kanmarad avek etonnman. Zot figir pou vin rouz.

Ezai 13:8 ပူးပေါင်းရင်းမြစ်များ

2 Rwa 19:26

Tandis ki zot bann zabitan nepli annan lafors, zot per e zot dan konfizyon, zot in vin koman bann plant dan laplenn e frazil koman zerb, koman gazon lo twa lakaz, ki ganny brile avan i pouse.

Psonm 48:7

parey ler en divan sorti dan Les, i kraz bann gro bato sorti Tarsis.

Ezai 26:17

SENYER! Nou ti prezan devan ou parey en fanm ki kriye dan douler lakousman.

Zeremi 13:21

I annan dimoun ki ou'n fer zanmi avek. Ki ou pou dir kan zot ava azir kont ou e domin ou? Douler pou pran ou parey en fanm ki dan douler lanfantman.

Zeremi 30:6

Al pran lenformasyon si en zonm i kapab ganny zanfan! Pourtan, mon ti war bann zonm ti'n met zot lanmen lo leren, parey en fanm ki dan douler lakousman! Akoz figir tou dimoun in vin pal?

Zeremi 4:31

Annefe, mon'n antann kriye konmsi en manman ti pe ganny son premye baba. Sa ti Zerizalenm ki ti pe kriye pour esey pran respirasyon. Lanmen anler, i pe kriye: Maler i lo mwan! Zot pe vin touy mwan!

Zeremi 46:5

Akoz mon war zot dan lafreyer? Zot pe rekile? Zot bann gerye in ganny bate; zot in sove osi vit ki zot kapab. Zot pa get deryer zot. Laterer in antour zot, SENYER i deklare.

Zeremi 48:41

Bann lavil pou ganny kaptire; bann plas byen proteze pou ganny kaptire. Sa zour, bann gerye Moab pou per parey en fanm ki dan douler lanfantman.

Zeremi 49:22

Lennmi pour atak Bosra parey en leg ki desann avek son lezel gran ouver. Sa zour la, bann meyer gerye Moab pou per parey en fanm ki dan douler lanfantman.

Zeremi 49:24

Zabitan Damas in perdi kouraz e zot in sove dan lafreyer. Zot dan langwas ek douler, parey en fanm ki dan douler lanfantman.

Zeremi 50:43

Bann lerwa Babilonn ti'n antann nouvel. Zot ti perdi kouraz, zot lagorz ti sere; Zot ti soufer parey en fanm ki pe akouse.

Zeremi 51:30

Bann gerye Babilonyen in arete konbat. Zot in reste dan zot kan. Zot nepli annan kouraz, zot in vin parey bann kapon. Zot bann lakaz pe brile, baro lavil in ganny kraze.

Ezekyel 20:47

Dir lafore Negev: Ekout parol SENYER, la sa ki Senyer BONDYE i deklare: Mon pou alim en dife ki pou bril tou pye dibwa dan ou lafore, bann ki ver oubyen bann sek. Personn pa pou kapab tenny li. Depi Nor ziska Sid, tou pou ganny brile par lasaler son laflanm.

Oze 13:13

Douler pour son nesans i arive, me i sitan bet ki i refize sorti dan vant son manman.

Zoel 2:6

Lepep i tranble kan zot war sa; zot vin pal avek lafreyer.

Nahoum 2:10

Tou in ganny vole; tou in kase; tou in ganny kraze! Bann leker in perdi kouraz, zenou i tranble, lafors in afebli, bann figir in vin pal!

Levanzil dapre Zan 16:21

Kan en fanm pe al akouse, i enkyet akoz son ler in arive. Me kan son baba in fini ne, i oubliy son douler, akoz i dan lazwa pour sa zanfan ki i'n met omonn.

1 Tesalonisyen 5:3

Kan dimoun ava pe dir: Tou i anpe e an sekirite, alor en sel kou, destriksyon pou tonm lo zot, parey douler lakousman ki sezi en fanm ansent, e personn pa pou sape.