Ezai 13:7 - Labib An Kreol Seselwa

⁷ Pour sa rezon, tou lebra pou tonbe, tou dimoun pou tonm dan dekourazman.

Ezai 13:7 ပူးပေါင်းရင်းမြစ်များ

Psonm 58:7

Fer zot disparet parey delo ki koule! Parey zerb, zot ava ganny kraze anba lipye e fletri.

Egzod 15:15

Bann sef Edonm i boulverse. Bann dirizan Moab i tranble. Tou zabitan Kanaan in perdi kouraz.

Ezai 19:1

En mesaz konsernan Lezip: Gete! SENYER in mont lo en nyaz rapid. I pe vin Lezip. Bann zidol dan Lezip pou tranble devan li; bann Ezipsyen pou paralize e zot pou perdi kouraz.

Ezai 37:27

Tandis ki zot bann zabitan nepli annan lafors; zot per e zot dan konfizyon. Zot in vin koman bann plant dan laplenn e frazil koman zerb koman gazon lo twa lakaz ki ganny brile avan i pouse.

Ezai 51:20

Ou bann zanfan in tonm feb; zot in tale dan tou kwen semen parey en antilop ki'n ganny pri dan en latrap; lakoler SENYER in menas zot. Bondye in rezet zot.

Zeremi 50:43

Bann lerwa Babilonn ti'n antann nouvel. Zot ti perdi kouraz, zot lagorz ti sere; Zot ti soufer parey en fanm ki pe akouse.

Zeremi 51:30

Bann gerye Babilonyen in arete konbat. Zot in reste dan zot kan. Zot nepli annan kouraz, zot in vin parey bann kapon. Zot bann lakaz pe brile, baro lavil in ganny kraze.

Ezekyel 21:12

Ou ki en imen, kriye e plennyen! Sa lepe i kont mon pep e kont tou bann prens ki gouvern Izrael. Zot pou ganny masakre ansanm avek leres mon pep. Tap zot pwatrin avek dezespwar.

Ezekyel 21:7

Kan zot demann ou akoz ou pe plennyen, dir zot: Akoz mon'n ganny move nouvel. Bann leker pou brize, lebra pou tonbe avek dekourazman; pou nepli annan lafors dan zenou. Ler in arive pour sa realize, Senyer BONDYE i deklare.

Ezekyel 7:17

Tou lebra pou tonbe; tou zenou pou tranble.

Nahoum 1:6

Lekel ki kapab reziste dan son lakoler? Lekel ki kapab siport lasaler son lakoler? Son rankin i propaze parey dife. Bann ros i fann devan li.

Nahoum 2:10

Tou in ganny vole; tou in kase; tou in ganny kraze! Bann leker in perdi kouraz, zenou i tranble, lafors in afebli, bann figir in vin pal!

Nahoum 2:11

Ki'n arive avek Niniv sa landrwa kot bann lyon ti reste? Ki'n arive avek sa kavern bann zenn lyon, kot lyon, femel lyon ek piti lyon ti pronmnen, san ki zot ganny deranze?

Zozye 2:11

De ki nou ti aprann sa nouvel, nou ti perdi kouraz, nou lebra ti tonbe akoz zot. Annefe, SENYER, zot Bondye i sa Bondye lao dan lesyel, e anba lo later.