Ezai 13:6 - Labib An Kreol Seselwa

⁶ Lamante! Akoz zour SENYER i pros. I pe vini parey en dezas ki'n ganny anvoye par Bondye pwisan.

Ezai 13:6 ပူးပေါင်းရင်းမြစ်များ

Liv Zob 31:23

Akoz mon ti per pinisyon Bondye, e mon pa ti pou kapab paret devan son mazeste.

Ezai 10:25

Akoz dan en pti pe letan, mon pou aret ankoler kont ou e mon pou detri zot.

Ezai 10:3

Ki ou pou fer zour pinisyon, kan maler i arive sorti lwen? Kot ou pou taye pou rod led e kote ou pou kit ou larises?

Ezai 13:9

Sa zour SENYER pe vini, en zour terib, deborde avek gran lakoler. En zour ki i pou fer later vin en landrwa devaste e ekstermin tou sa bann ki fer pese.

Ezai 14:23

La sa ki SENYER liniver i deklare: Mon pou fer sa lavil vin en lanmar en landrwa pour tang reste. Mon pou detri li avek en balye destriksyon.

Ezai 14:31

Bann laport lavil! Plere! Bann lavil! Kriye! Tou bann Filisten i fonn avek lafreyer, akoz en gro lafimen pe monte sorti dan Nor; personn pa pe sove parmi bann konbatan.

Ezai 2:12

Annefe, SENYER liniver in gard son zour pour li azir kont bann ki fyer e vantar, ler i pou abes sa bann ki krwar zot siperyer.

Ezai 23:1

En mesaz konsernan Tir. Bann navir Tarsis, irle! Zot por in ganny detri. Zot ti ganny sa nouvel ler zot ti retournen sorti Sip.

Ezai 34:2

SENYER i ankoler kont tou bann nasyon; i tre ankoler kont tou zot larme; in kondann zot pour ganny masakre.

Ezai 34:8

I en zour vanzans pour SENYER; en lannen regle kont dan faver Siyon.

Ezai 47:11

Me maler pou tonm lo ou san ki ou pou kapab eparny li. Dezas pou tonm lo ou e ou pa pou kapab evit li. Ou pou tonm dan larin en sel kou, san ki ou annan okenn lide.

Ezai 52:5

Ki mon pe fer la, SENYER i deklare, ler mon war mon pep pe ganny anmennen san rezon? Son bann sef pe kriye, SENYER i deklare e mon non i ganny ensilte tou lazournen.

Ezai 61:2

pour proklanm lannen faver SENYER e zour vanzans pour nou Bondye, pour konsol tou sa bann ki dan sagren;

Ezai 63:4

Sa zour, vanzans ti dan mon leker; lannen delivrans pour mon pep ti'n arive.

Ezai 65:14

Mon bann serviter pou sante avek lazwa dan zot leker; me zot, zot pou kriye avek douler dan zot leker; zot pou irle avek en lespri angwase.

Zeremi 25:34

Bann berze mon troupo! Kriy byen for. Plere! Roul zot dan lapousyer. Letan pour zot ganny masakre e pour zot kadav ganny disperse in arive. Zot pou ganny kase parey en po presye.

Zeremi 49:3

Zabitan Hesbonn! Kriye! Ai ki'n ganny devaste. Bann fiy Raba! Kriye. Met zot lenz dey e plere, taye tou dilon miray, akoz Milkonm, pou ganny deporte avek tou son bann pret ek bann sef.

Zeremi 51:8

En sel kou, Babilonn in tonbe e in ganny detri. Sant bann kantik dey lo li. Met en kataplas lo son boubou; kekfwa i ava kapab ganny geri!

Ezekyel 13:5

Ou pa'n esey bous bann trou dan miray ki'n degrengole pour protez Izrael par en baraz kont lager zour SENYER.

Ezekyel 21:12

Ou ki en imen, kriye e plennyen! Sa lepe i kont mon pep e kont tou bann prens ki gouvern Izrael. Zot pou ganny masakre ansanm avek leres mon pep. Tap zot pwatrin avek dezespwar.

Danyel 5:26

La son lenterpretasyon: MENE, savedir konte: Bondye in fer kont bann zour ou renny e i'n deside met en lafen avek ou renny.

Danyel 5:9

Sa ti fer lerwa Baltazar tourmante e son figir ti vin pal; e son bann konseye rwayal pa ti konnen ki pou fer.

Zoel 1:11

Kriye dan dezespwar, zot bann planter! Plere, zot bann travayer plantasyon rezen, akoz tou rekolt dible ek lorz in ganny detri.

Zoel 1:13

Zot bann pret! Met zot lenz dey! Lamante, zot ki servi lo lotel! Antre dan tanp e pas lannwit dan lenz dey. Lamante, zot bann serviter Bondye! I nepli annan lofrann vezetal ek lofrann diven dan tanp zot Bondye.

Zoel 1:15

Maler! Zour SENYER i pros. Zour destriksyon ki Bondye Toupwisan pou anvoye.

Zoel 1:5

Reveye, zot bann soular! Plere, zot bann bwarer diven! Rezen pour fer diven nouvo in ganny detri.

Zoel 2:1

Sonn tronpet lo montanny Siyon! Kriye lo mon montanny sakre! Tranble, zot bann zabitan pei Zida! Zour SENYER pe vini, i byen pros.

Zoel 2:11

SENYER i fer tande son lavwa devan son larme, son gran larme pwisan ki egzekit son lord. Zour SENYER i gran e vreman terib. Lekel ki pou kapab reziste?

Zoel 2:31

Avan sa zour SENYER i arive, soley pou vin sonm, lalin pou vin kouler disan. I pou en zour gran e terib.

Amos 5:18

Maler pour zot ki pe esper avek lenpasyans sa zour SENYER! Pour ki rezon zot pe esper sa zour SENYER? I pou en zour teneb, non pa en zour lalimyer.

Sofoni 1:14

Sa gran zour SENYER i pros; i tre pros, i pe arive byen vit. Menm bann gerye i kriy osekour.

Sofoni 1:7

Fer silans devan Senyer BONDYE! Akoz zour zizman SENYER i pros. SENYER in prepar en sakrifis; i'n konsakre son bann envite.

Zakari 14:1

Sa zour ki pour SENYER pe vini, kan bann depouy lager pou ganny partaze parmi zot.

Malasi 4:5

Gete: Mon pou anvoy zot profet Eli avan ki sa zour SENYER i vini, sa zour ki pou gran e terib.

Let Zak 5:1

Zot bann ris! Aprezan ekoute: Plere, kriye akoz bann maler ki pou tonm lo zot.

Revelasyon 18:10

Zot pou debout alekar, akoz zot pou per devan bann tourman. Zot pou dir: Maler! En gran maler! Babilonn, gran lavil, lavil pwisan! En erdtan in ase pour ou ganny zize!