Ezai 13:5 - Labib An Kreol Seselwa

⁵ Zot sorti dan en pei byen lwen, dan lot bout lesyel. SENYER ek bann zarm son lakoler ki pou detri later antye.

Ezai 13:5 ပူးပေါင်းရင်းမြစ်များ

2 Samyel 1:27

Akoz ou bann ero in tonbe? Bann zarm lager in ganny detri!

Ezai 10:5

Maler lo Asiri! I en roten mon lakoler. Sa baton dan zot lanmen ki montre mon lakoler.

Ezai 13:17

Mon pe eksit bann Med kont zot. Larzan napa valer pour zot e lor pa nanryen pour zot.

Ezai 24:1

SENYER pe al devaste later e kit li san zabitan. I pou boulvers later e fer fannen bann zabitan.

Ezai 26:20

Ale mon pep! Antre dan ou lakaz e ferm laport deryer ou; al kasyet pour en pti moman. Les lakoler SENYER pase.

Ezai 30:27

Gete! La SENYER pe vini. I sorti lwen. Son lakoler i en dife ki'n alimen; en gro lafimen ki monte. Son lalev i deborde avek lakoler e son lalang i parey en dife ki devor tou.

Ezai 34:2

SENYER i ankoler kont tou bann nasyon; i tre ankoler kont tou zot larme; in kondann zot pour ganny masakre.

Ezai 48:14

Rasanble e ekoute zot tou! Lekel parmi zot ki'n deza anons tousala? Sa enn ki SENYER i kontan pou realiz sa ki i'n deside kont Babilonn e son lebra pou leve kont bann Babilonyen.

Ezai 5:26

SENYER pou donn en sinyal bann nasyon ki reste tre lwen; i pou soufle avek en pep ki reste dan profonder later. La i pe vini avek lavites!

Ezai 66:14

Zot ava war sa, e zot ava rezoui; zot lezo pou reganny lavi parey gazon; SENYER pou manifeste son pwisans devan son bann serviter; me son lakoler i kont son bann lennmi.

Ezai 7:18

Sa zour, SENYER pou soufle lo ou pour fer vini bann mous sorti Lezip dan lanbousir larivyer Nil, ek mous dimyel sorti Asiri.

Zeremi 50:25

SENYER in ouver lasal zarm, e in tir zarm son lakoler, akoz li, Senyer BONDYE liniver, i annan en travay pour fer dan Babilonn.

Zeremi 50:3

En nasyon sorti dan Nor pe vin atak Babilonn e fer pei vin en landrwa devaste; personn pa pou reste la. Dimoun ek zannimo pou sove.

Zeremi 50:9

Mon pe soulev en group bann gran nasyon for sorti dan pei Nor. Mon pour anvoy zot atak Babilonn. Zot pou pran zot pozisyon pour latak e zot pou kaptir lavil. En konbatan adrwa ki viz byen, pa zanmen mank son mark. En konbatan adrwat ki viz byen pa zanmen mank son mark.

Zeremi 51:11

Fit zot bann fles! Ranpli zot sak! SENYER in revey bann lerwa Med pour egzekit son plan pour li detri Babilonn. Konmsa ki i pou revanze kont sa bann dimoun ki ti detri son tanp.

Zeremi 8:19

Ekoute! Partou dan pei, mon pep pe kriy osekour: Eski SENYER in abandonn Zerizalenm? Eski son lerwa in rezet li? SENYER zot lerwa i reponn: Zot in fabrik bann fo bondye e zot in ador bann bondye etranze. Sanmenm sa ki fer mwan ankoler. Akoz zot ti fer sa?

Ezekyel 22:31

Alor, mon'n devers mon lakoler kont zot. Mon'n bril zot avek dife mon lakoler. Mon'n fer zot pey konsekans zot move konportman. Senyer BONDYE ki deklare.

Matye 24:31

I pou anvoy son bann lanz avek en gran tronpet. Zot ava rasanble bann ki'n ganny swazir dan kat kwen later, depi en bout ziska lot.”