Ezai 13:18 - Labib An Kreol Seselwa

¹⁸ Zot pou zet ater bann zennzan avek zot dart; zot pou san pitye anver bann ti baba; zot pou kriyel anver bann zanfan.

Ezai 13:18 ပူးပေါင်းရင်းမြစ်များ

2 Rwa 8:12

Azael ti demande, “Akoz mon senyer pe plere?” I ti reponn, “Akoz mon konn tou sa bann move keksoz ki ou pou fer pep Izrael. Ou pou bril zot bann lavil fortifye, ou pou masakre zot bann zennzan, ou pou kraz zot bann zanfan e ouver vant bann fanm ansent.”

2 Kronik 36:17

Alor, SENYER ti livre zot dan lanmen lerwa Babilonyen ki ti atak zot pei. I ti masakre bann zennzan dan sanktyer, san okenn pitye pour personn: Ni zennzan, ni zenn fiy, ni adilt, ni vyeyar. I ti livre zot dan lanmen lerwa Babilonn.

Psonm 127:3

Zanfan i en trezor ki SENYER i donnen; en rekonpans pour en manman.

Ezai 13:16

Zot bann zanfan pou ganny kraze devan zot, zot lakaz pou ganny sakaze e zot bann fanm pou ganny vyole.

Ezai 47:9

Sa de keksoz pou tonm lo ou en sel kou dan en sel zour: Ou pou perdi zanfan ek vin vev. Sa pou tap ou avek tou son lafors. Tou ou sorsye ek tou ou mazisyen pa pou anpes sa arive.

Ezai 5:28

Zot bann dart i byen pwent, zot in byen ris zot fles. Sabo zot bann seval i dir koman ros e larou zot bann kales i vire parey tourbiyon.

Zeremi 18:21

Alor, les zot bann zanfan mor lafen; fer zot ganny touye dan lager. Pa les zot bann fanm ganny ankor zanfan e ki zot vin vev. Fer ki zot mari i mor avek en lepidemi; e bann zennzan i ganny touye dan lager.

Zeremi 5:16

Son bann fles i senm lanmor; i annan bann gerye profesyonnel.

Zeremi 50:30

Sa zour la, son bann zennzan pou ganny touye dan lavil, e tou son bann zenn konbatan pou perdi lavi, SENYER i deklare.

Zeremi 50:42

Zot lev bann fles ek bann lans; zot kriyel e san pitye. Tapaz ki zot fer lo zot seval e parey en lanmer dan move tan. Zot in pare pour atak ou, Babilonn ki zoli.

Zeremi 51:22

Avek ou, mon'n touy zonm ek fanm, vye koman zenn, garson koman fiy.

Zeremi 6:23

Son bann gerye i arme avek fles ek lans; zot kriyel e san pitye. Tapaz ki zot fer lo zot seval i parey en lanmer dan move tan. Zot in pare pour atak Zerizalenm.

Ezekyel 9:10

Mwan, mon pa pou montre okenn konpasyon, ni pitye pour personn, me mon pou fer zot siport konsekans zot bann aksyon.”

Danyel 7:5

Apre, ti annan en dezyenm bebet. I ti parey en lours. I ti kabann lo en kote; i ti annan trwa kot dan son lagel, ant son bann ledan. I ti ganny dir: Leve, devor bokou laser!

Oze 13:16

Samari pou pey konsekans son krim, akoz in revolte kont Bondye. Zot pou ganny masakre; pti baba pou ganny kraze; fanm ansent pou ganny ouver vant.

Nahoum 2:1

Pep Niniv! En larme pe monte pour atake. Met bann solda lo miray defans. Vey bann semen. Rasanble tou ou lafors.

Nahoum 3:10

Malgre sa, zabitan Teb ti ganny anvoye annegzil. Son bann zanfan ti ganny kraze an pti morso dan tou bann kwen semen. Zot ti tir osor pour bann dimoun enportan; bann sef ti ganny ansennen.