Ezai 13:14 - Labib An Kreol Seselwa

¹⁴ Alor, parey en gazel ki pe ganny pourswiv, oubyen, parey troupo mouton san personn pour rasanble zot, zot pou retourn kot zot prop pep; sakenn pou sov dan son pei.

Ezai 13:14 ပူးပေါင်းရင်းမြစ်များ

1 Rwa 22:17

Mise ti reponn, “Mon'n war pep Izrael antye disperse lo bann montanny parey mouton san berze. SENYER in deklare: Sa bann zans napa met; sakenn, retourn se li anpe!”

1 Rwa 22:36

Ver soley kouse, en lavwa ti kriye atraver kan, “Sakenn zot retourn dan son lavil, sakenn retourn dan son pei!”

Ezai 17:13

Bann nasyon i gronnyen parey bann gro laroul. Me SENYER pou rezet zot, e zot ava sov byen lwen. Zot ganny pouse parey lapay dan divan lo montanny, parey en tourbiyon lapousyer avan tanpet.

Ezai 21:15

Zot in sove devan lager, devan lepe ki'n tire dan son fouro, devan fles ki'n redi e devan presyon lager.

Ezai 47:15

La sa ki pou arive avek sa bann pour ki ou'n rente; sa bann avek ki ou'n trafike depi ou lazenes. Zot tou, zot in ale, sakenn dan son kote; napa personn pour sov ou.

Zeremi 25:12

Apre sa 70 an, mon pou pini zabitan Babilonn ek son bann lerwa pour zot pese, SENYER i deklare. Mon pou detri sa pei e les li an rin pour touzour.

Zeremi 50:16

Anpes sa enn ki senmen antre dan Babilonn; osi sa enn ki servi fosi pandan larekolt. Devan lepe ki detri tou, tou bann etranze pou retourn kot zot pep, zot pou sov dan zot pei.

Zeremi 51:9

Nou'n esey swanny Babilonn, me i pa'n kapab ganny geri. Annou abandonn li, annou kit sa pei e retourn kot nou. Son bann zizman in tous lesyel, i'n travers bann nyaz.

Nahoum 3:18

Lerwa Asiri! Ou bann sef pe dormi; ou bann gerye nepli bouze. Ou pep in ganny disperse lo bann montanny; napa personn pour rasanble zot.

Matye 9:36

Son leker ti ranpli avek konpasyon pour lafoul ki i ti war, akoz zot ti fatige e dekouraze. Zot ti parey bann mouton san berze.

Mark 6:34

Kan Zezi ti debarke, i ti war en gran lafoul. I ti pran pitye pour zot, akoz zot ti parey bann mouton san berze. I ti ansenny zot bokou keksoz.

1 Pyer 2:25

Annefe, zot ti koman bann mouton perdi; me aprezan, zot in retourn kot sa berze ki vey lo zot.