Ezai 13:11 - Labib An Kreol Seselwa

¹¹ Mon pou pini lemonn pour son mesanste e bann move dimoun pour zot krim. Mon pou met en lafen avek dimoun ki arogan. Mon pou tenny lorgey bann diktater.

Ezai 13:11 ပူးပေါင်းရင်းမြစ်များ

Liv Zob 40:12

Avek en sel regar fer pliye sa bann ki vantar; kraz bann malfeter kot zot ete.

Proverb 11:31

Si sa enn ki zis i ganny rekonpanse lo later, malfeter ek peser pour osi ganny zot rekonpans.

Proverb 8:13

Ler ou annan respe anver SENYER, ou deteste sa ki mal. Mon deteste lorgey ek larogans, movez aksyon ek mansonz.

Ezai 11:4

I pou ziz bann pov dapre lazistis e desid avek ladrwatir, an faver bann ki san defans lo later. Lo son lord, zabitan later pou ganny pini. I pou detri bann move dimoun avek son souf.

Ezai 14:21

Prepar masak bann zanfan akoz krim zot papa. Zot pa pou lev ankor pour al anvai lemonn, oubyen konstri lavil partou lo later.

Ezai 14:5

SENYER in kas baton bann move dimoun. In kas baton pouvwar bann diktater

Ezai 2:11

Lizye dimoun arogan pou ganny abese; bann orgeye pou ganny imilye. Sa zour, zis SENYER ki pou ganny egzalte.

Ezai 2:12

Annefe, SENYER liniver in gard son zour pour li azir kont bann ki fyer e vantar, ler i pou abes sa bann ki krwar zot siperyer.

Ezai 2:17

Dimoun orgeye pou ganny imilye; bann ki vantar pou ganny abese. Sa zour, zis SENYER ki pou ganny rekonnet pour son grander.

Ezai 22:14

SENYER liniver in revel mwan: Zanmen sa pese pou ganny pardonnen ziska ou lanmor. La sa ki Senyer BONDYE liniver i deklare.

Ezai 23:9

SENYER liniver ki ti mont sa plan pour detri lorgey bann ki gran, pour fer kanmi tou bann sef ki lo sa later.

Ezai 24:21

Sa zour, lao dan lesyel, SENYER pou pini larme lesyel e lo later, bann lerwa later.

Ezai 25:3

Pour sa rezon, en pep pwisan pou glorifye ou; lavil bann nasyon kriyel pou annan respe pour ou.

Ezai 25:5

Parey lonbraz en nyaz i fer bese lasaler, ou ti fer bann etranze aret fer tapaz e bann vyolan aret sant laviktwar.

Ezai 26:21

La SENYER pe sorti kot i ete pour li pini bann zabitan later pour zot bann forfe. Later ava les war disan ki'n koule; i pou nepli kasyet son bann viktim.

Ezai 29:20

akoz bann diktater pou nepli egziste e bann dominer pou disparet. Tou bann ki pare pour fer sa ki mal pou ganny detri

Ezai 29:5

Me sa kantite lennmi ki ou annan, pou parey lapousyer fen; sa kantite tiran diktater pou parey bren lapay dan divan. Alor, en sel kou,

Ezai 3:11

Maler lo zot bann malfeter! Tou pou mal fini pour zot. Zot pou ganny trete dapre zot aksyon.

Ezai 5:15

Zonm i mars latet anba, e zot pou ganny imilye; regar bann orgeye i ganny abese.

Ezai 65:7

Zot pou peye pour zot pese anmenmtan, pour pese zot zanset, zot ki ti bril lansan lo bann montanny e ki ti provok mwan lo bann kolin. Mon pou fer zot rann kont avek tou mon leker e mon ava regle mon kont direkteman avek zot.

Zeremi 48:29

Tou dimoun in tande koman Moab i orgeye, koman i tre fyer, koman i vantar, koman i arogan, koman i pa krwar ki i ete!

Danyel 4:34

Plitar, apre ki sa set an ti'n pase, mwan, Naboukodonozor, mon ti lev mon lizye ver lesyel e mon ti reganny mon bon rezonnman. Mon ti remersye Bondye Toupwisan, e rann glwar ek loner sa enn ki viv eternelman. Son pouvwar rwayal i pour touzour, son rwayonm pou dire pour touzour, atraver tou zenerasyon.

Habakouk 2:4

I gonfle avek lorgey, i pa fer sa ki drwat. Me sa enn ki zis, pou viv par son lafwa.