Ezai 12:5 - Labib An Kreol Seselwa

⁵ Sante devan SENYER akoz in fer gran mervey. Anons tousala lo later antye.

Ezai 12:5 ပူးပေါင်းရင်းမြစ်များ

Psonm 105:2

Sant pour li! Loue li avek lanmizik! Rakont son bann mervey!

Psonm 72:19

Beni son non glorye pour touzour! Son laglwar i ranpli later! Amenn! Amenn!

Psonm 98:1

Sant en kantik nouvo an loner SENYER, akoz in fer en kantite mervey; akoz son lanmen drwat ek son lebra sen in ranport laviktwar.

Egzod 15:1

Alor, Moiz avek pep Izrael ti sante an loner SENYER: Mon pou sant pour SENYER; in montre son grander dan en tre gran laviktwar. I'n zet seval ek son kavalye dan lanmer.

Egzod 15:21

Mirianm ti sant avek zot: Sant pour SENYER akoz in ganny laviktwar: Seval ek kavalye in ganny zete dan lanmer.

Ezai 24:14

Me zot, zot lev lavwa; zot sant avek lazwa; zot kriye avek lazwa. Dan Was, zot sant laglwar SENYER.

Ezai 40:9

Siyon! Ou ki anmenn bon nouvel, mont lo latet en gran montanny. Zerizalenm! Ou ki anmenn bon nouvel, kriy avek tou ou lafors. Fer tande ou lavwa! Pa bezwen per! Al dir ek bann lavil dan Zida: Ou Bondye i la!

Ezai 42:10

Sant en nouvo kantik an loner SENYER! Sant son louanz depi dan bout later! Loue li! Zot ki vwayaz lo lanmer e zot zabitan bann zil!

Ezai 42:11

Dezer ek bann lavil! Lev zot lavwa. Bann vilaz osi kot Kedar i reste. Bann zabitan Sela! Sant zot lazwa. Kriye depi lo latet bann montanny!

Ezai 44:23

Lesyel sant bann kantik lazwa akoz SENYER in azir. Profonder later! Fer monte ou lazwa. Bann montanny! Fer tande zot selebrasyon; lafore osi avek tou ou bann pye dibwa: SENYER in sov Zakob; i'n montre son laglwar dan Izrael. Akoz SENYER i'n sov Zakob e in manifeste son laglwar dan Izrael.

Habakouk 2:14

Me, parey delo i ranpli lanmer, later antye pou konn grander SENYER.

Malasi 1:11

Depi soley leve ziska soley kouse, partou dan lemonn, dimoun i onor mwan. Partou, zot bril lansan e prezant en lofrann pir, akoz mon non i gran parmi bann nasyon, SENYER liniver ki deklare.

Revelasyon 15:3

Zot ti pe sant kantik Moiz, serviter Bondye, ek kantik Zenn Mouton: Senyer Bondye Toupwisan! Ou travay i gran e merveye. Lerwa bann nasyon! Tou ou bann plan i zis e vre.