Ezai 12:4 - Labib An Kreol Seselwa

⁴ Sa zour, ou pou dir: Loue SENYER, envok son non. Fer bann nasyon konnen tou bann mervey ki i'n fer.

Ezai 12:4 ပူးပေါင်းရင်းမြစ်များ

1 Kronik 16:8

Remersye SENYER, proklanm son non! Fer bann nasyon konn son bann mervey!

1 Kronik 29:11

Grander, pwisans, laglwar, laviktwar e mazeste i pour ou, SENYER. Tou sa ki egziste dan lesyel e lo later i pour ou. SENYER! Ou renny par lao tou.

Nehemi 9:5

Bann levit Zozye, Kadmyel, Hasabneya, Serebya, Odiya, Sebanya, ek Petahya, ti dir: Leve, remersye SENYER, zot Bondye! Remersye li depi touzour e pour touzour! Ou non glorye ki depas tou benediksyon e tou louanz i ganny beni!

Psonm 105:1

Remersye SENYER! Proklanm son non! Fer bann nasyon konn son bann mervey!

Psonm 107:22

Ofer bann sakrifis remersiman e sant avek lazwa, tou son bann mervey.

Psonm 113:5

Lekel ki parey SENYER nou Bondye? Son tronn i lao.

Psonm 148:13

Loue non SENYER akoz son non i pli gran ki tou. Son laglwar i depas later ek lesyel.

Psonm 18:46

SENYER i vivan! Mon rann glwar mon Ros protekter. Mon egzalte Bondye mon Sover.

Psonm 21:13

Leve avek ou pwisans SENYER! Nou pou sante, nou pou loue ou lafors par en psonm.

Psonm 22:31

Zot pou rakont avek zot desandans, tou bann mervey ki SENYER in fer.

Psonm 34:3

Vin proklanm avek mwan grander SENYER! Ansanm, annou sant son non!

Psonm 40:5

SENYER mon Bondye! Ou'n fer en kantite keksoz merveye pour nou; napa personn parey ou. Mon anvi fer konnen ou bann mervey. Me i annan tro bokou pou rakonte.

Psonm 46:10

Arete! Konnen ki mwan menm Bondye. Mon domin lo tou nasyon; mon domin lo later antye.

Psonm 57:5

Mon Bondye! Montre ou grander ki depas lesyel! Fer ou laglwar kouver later antye!

Psonm 68:5

Dan son sanktyer sakre, Bondye i en papa pour bann orfelen e i protez bann vev.

Psonm 73:28

Me pour mwan, kan mon apros avek Bondye, mon dan lazwa. Mon swazir Senyer BONDYE pour mon labri e mon pou rakont tou son bann byenfe.

Psonm 9:11

Sant pour SENYER ki renny dan Zerizalenm! Rakont son bann mervey parmi bann pep!

Psonm 96:3

Proklanm son grander parmi tou bann nasyon; rakont son bann mervey parmi tou bann pep.

Psonm 97:9

Annefe, ou menm SENYER, Bondye Treo, par lao later! Ou ganny eleve par lao tou bondye.

Egzod 15:2

SENYER i mon lafors ek mon pwisans. Li menm mon sover. Li menm mon Bondye, mon pou loue li. Li menm Bondye mon zanset; mon pou loue li.

Egzod 33:19

SENYER ti dir, “Mon pou pas devan ou. Mon pou montre ou tou bann byenfe e proklanm mon non devan ou: SENYER. Mon pou bon anver sa enn ki mon pou bon; mon pou montre konpasyon anver sa enn anver ki mon ava montre konpasyon.

Ezai 12:1

Sa zour, ou pou dir: Mon loue ou, SENYER! Menm si ou ti ankoler avek mwan. Ou ti ankoler avek mwan, me aprezan, ou lakoler in tonbe e ou konsol mwan.

Ezai 2:11

Lizye dimoun arogan pou ganny abese; bann orgeye pou ganny imilye. Sa zour, zis SENYER ki pou ganny egzalte.

Ezai 2:17

Dimoun orgeye pou ganny imilye; bann ki vantar pou ganny abese. Sa zour, zis SENYER ki pou ganny rekonnet pour son grander.

Ezai 24:15

Zabitan dan rezyon Les! Rann glwar SENYER. Zot ki reste dan bann zil! Loue non SENYER, Bondye Izrael.

Ezai 25:1

SENYER! Ou mon Bondye. Mon pou loue ou e selebre ou non, akoz ou'n fer en kantite mervey pour mwan. Bann plan ki ou'n formen depi lontan i reste solid, zot pa sanze.

Ezai 26:8

SENYER! Lo sa semen ki ou'n endike, nou met nou lespwar dan ou. Nou sel dezir, se loue ou non.

Ezai 33:5

SENYER i tre gran; son demer i lao dan lesyel. I ranpli Zerizalenm avek lazistis ek drwatir.

Ezai 42:12

Zot tou! Rann glwar SENYER. Bann zil! Sant son louanz.

Ezai 48:20

Sorti dan Babilonn! Sove! Kit bann Kaldeen. Kriye dan lazwa! Proklanmen! Fer tande ziska dan lot bout later. Dir: SENYER in sov son serviter Zakob.

Ezai 66:19

Mon pou met en siny parmi zot. Mon pou anvoy en pe bann sirvivan kot bann nasyon: Tarsis, Pout ek Loud, bann ki konn byen tir fles, Toubal ek Lagres; dan bann zil elwannyen ki pa'n antann mon non rezonnen ni war mon laglwar; zot pou anons mon laglwar parmi bann nasyon.

Zeremi 50:2

Anons sa nouvel parmi bann nasyon: Met en lafis pour fer konnen sa nouvel. Proklanmen! Pa kasyet nanryen: Lennmi in pran Babilonn. Bel in ganny kouver ek laont. Merodak i dan lafreyer. Son bann stati in ganny kouver avek laont; son bann fo bondye i dan lafreyer.

Malasi 1:11

Depi soley leve ziska soley kouse, partou dan lemonn, dimoun i onor mwan. Partou, zot bril lansan e prezant en lofrann pir, akoz mon non i gran parmi bann nasyon, SENYER liniver ki deklare.

Levanzil dapre Zan 17:26

Mon'n fer zot konn ou. Mon pou kontinyen fer li. Konmsa, sa lanmour avek lekel ou'n kontan mwan, ava dan zot, parey mwan menm mon dan zot.