Ezai 12:2 - Labib An Kreol Seselwa

² Bondye i mon sover. Mon pou fer li konfyans, mon pa pou per, akoz Senyer BONDYE i mon lafors e mon pwisans. Li menm ki sov mwan.

Ezai 12:2 ပူးပေါင်းရင်းမြစ်များ

2 Samyel 7:24

Ou'n etabli Izrael, ou pep pour li vin ou pep pour touzour, e ou SENYER, ou'n vin son Bondye.

Liv Zob 13:16

Sa i kapab bon pour mwan, akoz en move dimoun pa pou oze prezant devan li.

Psonm 112:8

Son leker i trankil, i pa per. I annan lasirans ki i pou war lanmor son ladverser.

Psonm 118:14

SENYER i mon lafors e mon pwisans; li, ki'n sov mwan.

Psonm 118:21

Mon pou loue ou akoz ou'n reponn mwan, ou ki'n sov mwan.

Psonm 27:1

SENYER i mon lalimyer e mon sover. Lekel ki mon pou per? SENYER i mon protekter kont tou danze. Mon pa pou zanmen per.

Psonm 65:6

Par ou lafors, ou'n plas bann montanny. Ou ranpli avek pwisans.

Psonm 68:20

Nou Bondye i en Bondye sover. BONDYE i Senyer ki sov nou dan lanmor.

Psonm 68:21

Me Bondye pou kraz latet son bann lennmi ki, avek zot seve long, zot kontinyen viv en lavi koupab.

Psonm 83:18

Konmsa, zot ava konnen ki ou menm sel SENYER, Bondye Treo, lo later antye.

Egzod 15:2

SENYER i mon lafors ek mon pwisans. Li menm mon sover. Li menm mon Bondye, mon pou loue li. Li menm Bondye mon zanset; mon pou loue li.

Ezai 10:24

Alor, la sa ki Senyer BONDYE liniver i deklare: Mon pep ki viv dan Siyon! Pa bezwen per bann Asiriyen ki bat ou avek roten e lev zot baton kont ou parey bann Ezipsyen ti fer.

Ezai 17:10

Izrael! Ou'n oubliy Bondye ki sov ou. Ou'n oubliy ou Ros ki protez ou. Alor, ou'n plant bann zoli pye dibwa pour ou san dout ador en bondye etranze.

Ezai 27:5

amwen ki zot vin rod mon proteksyon, e fer lape avek mwan. Wi! Zot ava fer lape avek mwan.

Ezai 32:2

Sakenn pou parey en labri kont divan, en refiz kont tanpet, parey bann sours delo dan landrwa sek, parey lonbraz en ros dan dezer.

Ezai 33:22

SENYER i nou ziz; SENYER i nou sef; SENYER i nou lerwa; li menm ki pou sov nou.

Ezai 38:20

SENYER pou sov mwan. Nou pou sante avek lakonpannyman lanmizik tou le zour nou lavi, dan tanp SENYER!

Ezai 45:17

Me Izrael i ganny sove par SENYER; i sov li pour touzour. Zanmen i pou ganny kouver avek laont ni ganny ensilte.

Ezai 49:5

Aprezan, SENYER i dir ki i'n form mwan dan vant mon manman pour mwan vin son serviter e fer Zakob retourn kot li e pour rasanble Izrael otour li. SENYER in glorifye mwan devan li akoz mon Bondye ki ti mon lafors.

Ezai 50:10

Lekel parmi zot ki annan respe pour SENYER e ekout lavwa son serviter? Lekel ki mars dan fernwanr san okenn lalimyer, me ki kanmenm fer konfyans dan non SENYER e apiy lo son Bondye?

Ezai 51:12

La sa ki SENYER i deklare: Mwan menm ou konsolater. Alor, akoz ou per zonm ki parey ou en et imen ki mor parey zerb?

Ezai 61:10

Mon pou rezoui dan SENYER. Tou mon leker pou dan lazwa dan mon Bondye, akoz in abiy mwan dan lenz delivrans, in kouver mwan avek rob lazistis, parey en nouvo marye, parey en pret avek son zoli lornman, parey en nouvel marye dan tou son bann bizou.

Ezai 62:11

SENYER in proklanmen partou lo later: Al dir avek bann zabitan Siyon: Ou delivrans pe vini, ou lapey i avek li; ou rekonpans pe vini.

Ezai 65:18

Me rezoui e viv dan lazwa pour touzour dan sa ki mon pe kree: Mon pe al fer Zerizalenm vin lazwa e son bann zabitan, en plezir.

Ezai 7:14

Alor, SENYER li menm pou donn zot en siny: En zenn fiy i ansent e i pou met omonn en garson. I pou apel li Emanouel. Savedir: Bondye avek nou.

Zeremi 23:6

Pandan son renny, rwayonm Zida pou ganny libere e pep Izrael pou viv dan lape. I pou ganny apele: SENYER ki nou lazistis.

Zeremi 3:23

Annefe, tou sa ki sorti lao dan kolin, i zis pour tronp dimoun. Zis SENYER, nou Bondye ki kapab sov Izrael.

Danyel 3:28

Naboukodonozor ti dir, “Beni non Bondye Sadrak, Mesak ek Abed-Nego, ki'n anvoy son lanz pour sov son bann serviter akoz zot annan konfyans dan li. Zot in dezobei lord lerwa e riske zot lavi, plito ki servi e ador en lot bondye apar zot prop Bondye.

Oze 1:7

Me mon pou kontan pep Zida. Mwan SENYER zot Bondye, mon pou sov zot san servi fles, ni lepe, ni lager, ni bann seval oubyen kavalye.

Zoel 2:23

Zot bann zabitan Siyon! Rezoui dan SENYER, zot Bondye. In fer tonbe lapli apre lasesres; in fer tonbe lapli annabondans: Lapli pour sak sezon, parey avan.

Zonas 2:9

Me mwan, mon pou ofer ou sakrifis, e sant ou rekonesans. Mon pou gard mon bann promes. Zis SENYER ki Sover!

Habakouk 3:18

Sepandan, mon pou dan lazwa akoz SENYER; mon pou zwaye akoz Bondye i mon sover.

Romen 1:16

Mon pa onte pour anons Bonn Nouvel. Annefe, i en pwisans ki Bondye i servi pour sov tou dimoun ki krwar: Dabor bann Zwif, answit bann non-Zwif.

1 Timote 3:16

Sertennman, ki mister nou lafwa i gran: I'n paret dan laform imen. I'n ganny zistifye par Lespri. Bann lanz in war li. I'n ganny anonse parmi bann nasyon. Atraver lemonn bokou in krwar dan li, i'n ganny anleve dan laglwar Bondye.

Revelasyon 7:10

Zot ti kriye avek en lavwa for: Nou delivrans i sorti kot nou Bondye ki pe asiz lo tronn e kot Zenn Mouton!

1 Samyel 2:1

Ann ti priye. I ti dir: SENYER i ranpli mon leker avek lazwa, SENYER in fer mwan lev mon latet. Aprezan, mon kapab defye mon bann lennmi; mon dan lazwa, akoz SENYER in sov mwan.