Ezai 11:9 - Labib An Kreol Seselwa

⁹ Pou nepli annan nanryen ki fer dimal lo mon montanny sen; parey delo sale i ranpli losean, konnesans SENYER pou ranpli later.

Ezai 11:9 ပူးပေါင်းရင်းမြစ်များ

Liv Zob 5:23

Pa pou annan okenn ros dan ou plantasyon. Zannimo sovaz pa pou zanmen atak ou.

Psonm 72:19

Beni son non glorye pour touzour! Son laglwar i ranpli later! Amenn! Amenn!

Psonm 78:54

I ti anmenn zot dan son pei sen, kot sa montanny ki i ti pran avek son lanmen drwat.

Ezai 11:13

Efraim pou nepli zalou, bann lennmi Zida pou ganny detri. Efraim pou nepli zalou Zida e Zida pou nepli lennmi Izrael.

Ezai 11:8

Pti baba pou zwe obor trou serpan. Pti zanfan pou met son lanmen dan trou viper.

Ezai 2:4

I pou rann zizman ant bann nasyon e donn konsey en kantite pep. Zot ava fer avek zot lepe zouti ki kiltiv later, servi zot lans koman en sekater pour tay brans. Nasyon pa pou pran zarm kont en lot; zot pou nepli aprann fer lager.

Ezai 30:26

Sa zour SENYER pou met pansman lo blesir son pep, e geri son boubou. Lalin pou briye parey soley e lalimyer soley pou set fwa pli for, konmsi lalimyer pour set zour.

Ezai 32:16

Alor, ladrwatir pou reste dan dezer e lazistis pou enstal li dan plantasyon fri.

Ezai 33:6

Ou lavenir, pou dan sekirite. Li menm ou delivrans, ou konnesans, ou lasazes. Respe pour SENYER, sanmenm trezor Siyon.

Ezai 35:9

Okenn lyon pa pou vin la; ni okenn lot zannimo sovaz. Zis dimoun ki SENYER in libere ki pou kapab pran sa semen.

Ezai 45:6

pour ki, depi kot soley i leve, ziska kot i kouse, tou dimoun ava konnen ki apard mwan, napa en lot. Zis mwan ki SENYER e napa en lot.

Ezai 49:6

I ti deklare: Mon'n swazir ou koman mon serviter zis pour relev bann tribi Zakob e ranmenn leres Izrael ver mwan. Mon pou fer ou vin en lalimyer bann nasyon, pour ki tou zabitan later antye ava ganny sove par mwan.

Ezai 52:10

SENYER in montre lafors son lebra devan tou bann nasyon; e later antye pou war ki mannyer nou Bondye i sov son pep.

Ezai 54:5

akoz ou mari, li menm ou Kreater; son non i SENYER liniver. Sa enn ki Sen dan Izrael, li menm ki ou Sover, i apel Bondye later antye.

Ezai 56:7

mon pou anmenn zot lo mon montanny sakre, donn zot lazwa dan mon tanp. Mon pou aksepte zot bann sakrifis konplet e zot bann don lo mon lotel, akoz mon tanp pou ganny apele en landrwa lapriyer pour tou dimoun.

Ezai 59:19

Alor, depi dan Was, dimoun pou respekte non SENYER, depi dan Les, son laglwar; akoz i pou vini parey en larivyer deborde, pouse par souf SENYER.

Ezai 65:25

Loulou ek mouton pou manz ansanm; lyon pou manz zerb parey bef; me serpan pou manz lapousyer! Pou napa okenn mal, ni destriksyon partou lo mon montanny sakre, SENYER ki deklare.

Ezai 66:18

Mon konn sa ki zot fer e sa ki zot mazinen. Mon pe vin rasanble tou bann nasyon e tou bann pep. Zot pou vini e zot pou war mon laglwar.

Ezai 66:20

La sa ki SENYER i deklare: Zot pou retournen e anmenn avek zot, tou zot frer ki sorti parmi sa bann nasyon, koman en lofrann pour SENYER, lo seval, dan bann kales e lo treno, lo bourik e lo samo. Zot pou vin Zerizalenm, lo mon montanny sakre, parey bann Izraelit i anmenn lofrann vezetal dan en bol pirifye kot tanp SENYER.

Zeremi 31:23

La sa ki SENYER liniver, Bondye Izrael i deklare: Kan mon ava'n fini retabli lepep koman i ti ete avan dan pei Zida e dan son bann lavil, zot pou rekonmans dir sa bann parol: Kolin sakre kot lazistis i reste! SENYER ava beni ou.

Zeremi 31:34

Personn pa pou bezwen enstri son prosen oubyen son frer, SENYER i deklare, akoz zot tou, depi pli pti ziska pli gran, pou konn mwan. Mon pou pardonn zot fot, e oubliy zot pese, SENYER i deklare.

Ezekyel 34:25

Mon pou fer en lalyans lape avek zot e fer disparet tou zannimo feros dan sa pei. Konmsa zot ava kapab viv anpe dan dezer e dormi dan bwa an sekirite.

Ezekyel 47:5

I ti mezir ankor 500 met; i ti'n vin en larivyer, mon pa ti kapab traverse akoz delo ti'n monte. I ti tro kre, ti fodre naze pour traverse.

Danyel 11:45

I pou enstal son bann latant rwayal ant lanmer ek sa zoli montanny, montanny sen. I pou trouv son lafen san ki personn i vin sekour li.

Danyel 12:4

Me ou, Danyel, gard sekre sa bann parol e kaste sa liv ziska letan lafen. Dan sa lepok, bokou pou esey konpran e zot konnesans pou ogmante.

Oze 2:18

Alor, sa zour mon pou fer en lalyans avek tou bann zannimo sovaz, bann zwazo dan lezer, e avek tou bann pti bebet lo later. Mon pou detri tou bann fles, lepe ek tou zarm lager. Mon pou fer zot disparet dan pei e permet bann zabitan dormi an sekirite.

Zoel 3:17

Alor, zot ava konnen ki mwan SENYER, zot Bondye. Mon reste dan Siyon, mon montanny sakre. Zerizalenm pou vin en landrwa sakre, kot okenn etranze pou nepli kapab antre.

Habakouk 2:14

Me, parey delo i ranpli lanmer, later antye pou konn grander SENYER.

Zakari 14:9

Alor, SENYER ava vin lerwa partou lo later. Sa zour, zis SENYER ki pou ganny adore koman Bondye.

Zakari 8:3

La sa ki SENYER i deklare: Mon pou retourn Siyon. Mon pou reste ankor dan milye Zerizalenm. Zerizalenm pou ganny apele Lavil Fidelite. Montanny SENYER liniver pou ganny apele Montanny Sakre.

1 Tesalonisyen 5:15

Fer atansyon ki personn pa rann mal pour mal, me dan tou lokazyon, esey touzour fer dibyen kanmarad, ensi ki tou lezot dimoun.

Revelasyon 21:27

Okenn lenpirte pa pou antre dan lavil, ni personn ki pratik bann akt degoutan ek mansonz. Zis bann ki zot non in ganny enskri dan liv lavi Zenn Mouton ki pou kapab antre.