Ezai 11:4 - Labib An Kreol Seselwa

⁴ I pou ziz bann pov dapre lazistis e desid avek ladrwatir, an faver bann ki san defans lo later. Lo son lord, zabitan later pou ganny pini. I pou detri bann move dimoun avek son souf.

Ezai 11:4 ပူးပေါင်းရင်းမြစ်များ

2 Samyel 8:15

Alor David ti etabli son renny lo pep Izrael antye; e i ti rann lazistis son preferans lo son pep antye.

Liv Zob 15:30

I pa pou sove dan sa fernwanr; dife pou fer sek son bann bourzon. Divan pou dispers son bann fler.

Liv Zob 4:9

Bondye i soufle lo zot e zot disparet. Zot ganny detri par divan son lakoler.

Psonm 110:2

Depi Siyon, SENYER pou agrandi ou dominasyon. I pou fer ou domin lo ou bann lennmi.

Psonm 18:8

Lafimen ti sorti dan son nennen, e labrez ek laflanm ti sorti dan son labous.

Psonm 2:9

Ou pou diriz zot avek en baton an fer; ou pou kas zot an morso parey en po later.

Psonm 76:10

Menm lakoler bann imen i rann ou glwar; ou antour ou avek leres ou lakoler.

Ezai 1:17

Aprann fer sa ki byen, rod lazistis, sov sa enn ki ganny kraze; defann bann orfelen, pran ka avek bann vev.

Ezai 13:11

Mon pou pini lemonn pour son mesanste e bann move dimoun pour zot krim. Mon pou met en lafen avek dimoun ki arogan. Mon pou tenny lorgey bann diktater.

Ezai 14:30

Lene zanfan ki sorti dan bann fanmir pov ava ganny dekwa manze; bann malere ava dormi anpe. Me ou lennmi pou fer ou mor lafen e mon pou touy sa bann ki ava ankor vivan.

Ezai 16:5

Alor, par ou fidelite, en tronn pou ganny etabli. Parmi desandan David, en dirizan pou leve ki pou gouvern avek lazistis e avek ladrwatir.

Ezai 2:4

I pou rann zizman ant bann nasyon e donn konsey en kantite pep. Zot ava fer avek zot lepe zouti ki kiltiv later, servi zot lans koman en sekater pour tay brans. Nasyon pa pou pran zarm kont en lot; zot pou nepli aprann fer lager.

Ezai 26:6

Bann pov, bann ki feb, pou kraz sa lavil anba zot lipye.

Ezai 29:19

Bann senp pou trouv en gran lazwa dan SENYER. Bann pov pou rezoui dan sa sel Bondye, sen dan Izrael,

Ezai 3:14

SENYER i pare pour ziz bann ansyen ek bann dirizan son pep: Zot ki'n devaste mon plantasyon rezen, zot lakaz i plen avek keksoz ki zot in vole avek bann pov.

Ezai 30:28

Son souf i parey en larivyer ki pe deborde e monte ziska kot likou. I pas bann nasyon atraver en gran destriksyon e met dan lanmaswar lepep en labrid ki anmenn zot kot zot pa anvi ale.

Ezai 30:31

Bann Asiriyen pou tranble avek lafreyer ler zot ava antann lavwa SENYER, ler i pou konny zot avek son baton.

Ezai 30:33

Sa dife in ganny prepare depi lontan; in ganny prepare pour lerwa. Dan en trou larz e profon, zot in met bokou dibwa an ron. Lalenn SENYER pou alim sa dife, konmsi souf ki pe brile.

Ezai 32:1

Alor, en lerwa pou rennyen dapre lazistis e bann sef pou gouvern dapre lalwa.

Ezai 32:7

Bann fourb i mazin zis fer dimal; zot prepar bann konplo pour tronp bann pov avek mansonz, menm si en malere i dan son drwa.

Ezai 33:22

SENYER i nou ziz; SENYER i nou sef; SENYER i nou lerwa; li menm ki pou sov nou.

Ezai 40:7

Zerb i sek e fler i fletri ler SENYER i soufle lo zot. Vreman, lepep i parey zerb.

Ezai 49:2

In fer mon labous parey en lepe ki byen fite; in kasyet mwan dan lonbraz son lanmen; in fer mwan vin parey en dart byen pwenti; in protez mwan dan son sak fles.

Ezai 61:1

Lespri Senyer BONDYE i repoz lo mwan, SENYER in konsakre mwan; in anvoy mwan anmenn bonn nouvel kot bann ki'n ganny imilye; geri bann leker brize, proklanm delivrans pour bann prizonnyen rann laliberte bann ki dan prizon,

Ezai 9:7

Son lotorite pou kontinyen grandi e lape pou rennyen pour touzour pour tronn David ek son rwayonm. I pou etabli son renny e rann li solid lo lalwa ek lazistis, apartir ozordi e pour touzour. SENYER liniver pou fer tousala akoz son gran lanmour.

Zeremi 33:15

Dan sa bann zour e dan sa letan, mon pou swazir en vre desandan pour David. I pou fer respekte lalwa ek lazistis partou dan pei.

Zeremi 5:28

Zot in vin gro e gra. Zot move mannyer fer napa limit: Zot fer sir ki drwa bann orfelen pa ganny zize korekteman. Zot pa tenir kont drwa bann pov.

Oze 6:5

Pour sa rezon, mon'n konbat zot par bann profet; mon'n pronons kondannasyon anmor kont ou. Mon zizman i aparet koman lalimyer.

Sofoni 2:3

Rod SENYER! Zot tou bann dimoun senp dan pei, bann ki azir avek drwatir. Rod lazistis ek limilite! Petet, zot ava ganny proteze, zour lakoler SENYER.

Malasi 4:6

I pou tourn leker bann papa ver zot bann zanfan, e leker bann zanfan ver zot papa, pour ki mon pa vin detri konpletman zot pei.

Matye 11:5

Bann aveg i war kler; bann paralize i marse; bann ki annan maladi parey lalep i geri; bann sourd i tande; bann mor i reganny lavi; bann pov i antann Bonn Nouvel.

Matye 5:5

Byennere bann ki dou, akoz zot pou posed later!

Akt de Zapot 9:1

Pandan sa letan, Sol, ti kontinyen menase pour touy bann disip Senyer. I ti al war Gran-Pret

2 Korentyen 10:1

Mwan Pol, mon ankouraz zot par ladouser ek labonte Kris, avek limilite ki zot dir mon annan kan mon parmi zot e avek lardyes kan mon lwen avek zot.

Galat 5:23

ladouser, kontrol lo son prop lekor. Lalwa pa kont bann keksoz parey.

2 Tesalonisyen 2:8

Alor, sa pwisans move pou aparet. Senyer Zezi pou touy li par souf sorti dan son labous. I pou detri li par manifestasyon son retour.

Let Pol pour bann Tit 3:2

Dir zot pa malparl personn, evit tou kerel e montre zot zanmi e poli avek tou dimoun.

Let Zak 3:13

Lekel parmi zot ki saz e annan disernman? I devre prouv li par son bon mannyer viv, par son bann bon aksyon fer avek douser ek lasazes.

Revelasyon 1:16

Dan son lanmen drwat ti annan set zetwal. En lepe ki koup de kote ti sorti dan son labous e son figir ti koman soley midi, ler i pe tap avek tou son larder.

Revelasyon 19:11

Answit, mon ti war lesyel ouver, e en seval blan ti aparet. Sa enn ki ti pe mont sa seval, ti apel Fidel e Vre. I zize e konbat avek lazistis.

Revelasyon 19:15

Dan son labous ti sorti en lepe byen koupe pour li detri bann nasyon. I pou renny lo zot avek en baton an fer. Avek son lipye, i pou pil diven gran lakoler Bondye Toupwisan dan preswar.

Revelasyon 2:16

Aprezan, abandonn ou pese. Sankwa, mon pou vin kot ou byento e mon pou konbat kont sa bann dimoun, avek lepe ki sorti dan mon labous.