Ezai 11:3 - Labib An Kreol Seselwa

³ I pou pran plezir pour respekte SENYER. I pa pou ziz dapre sa ki son lizye i war oubyen deside dapre sa ki son zorey i tande.

Ezai 11:3 ပူးပေါင်းရင်းမြစ်များ

2 Samyel 14:17

Annefe, mon ti dir: Mon krwar ki parol ki mon senyer lerwa ava dir, ava ede pour fer lape. Mon senyer lerwa i parey en mesaze Bondye ki fer diferans ant lebyen ek lemal. Mon swete ki SENYER ou Bondye i ava avek ou.”

2 Samyel 14:8

Lerwa ti dir sa fanm, “Retourn kot ou; mon ava donn lord lo ou size.”

1 Rwa 3:28

Pep Izrael antye ti antann sa zizman ki lerwa ti'n donnen; zot ti ranpli avek respe pour li. Zot ti rekonnet ki annefe, Bondye in donn li lasazes pour rann lazistis.

1 Rwa 3:9

Donn mwan, SENYER, disernman neseser pour gouvern ou pep, pour mwan disern sa ki bon ek sa ki move. Lekel ki kapab gouvern ou gran pep!”

Liv Zob 12:11

Pa nou dir ki zorey i ekout koze, parey pale i gout manze?

Liv Zob 34:3

Zorey i apresye parol, parey pale i apresye manze.

Proverb 2:5

alor, ou ava konpran ki savedir respe pour Bondye e ou ava reisi konn Bondye.

Proverb 2:9

Alor, ou ava konpran kisisa ladrwatir, lazistis ek lonnekte, tou bann semen ki kondwir ver boner.

Ezai 33:6

Ou lavenir, pou dan sekirite. Li menm ou delivrans, ou konnesans, ou lasazes. Respe pour SENYER, sanmenm trezor Siyon.

Ezekyel 45:8

Konmsa, Sa prens ki gouvern pei, ava ganny en propriyete dan Izrael. Zot ava arete profit lo mon pep; zot ava les pep Izrael zouir pei dapre zot tribi.

Mise 4:3

I ava rann zizman ant bann nasyon. I ava ziz bann nasyon pwisan ki menm lwen. Avek zot lepe, zot pou fabrik pyos e avek zot lans zot pou fer fosi. Pou nepli annan lager ant bann nasyon. Zot pou nepli aprann fer lager.

Levanzil dapre Lik 2:52

Zezi ti grandi fizikman. I ti progrese dan lasazes devan Bondye e devan zonm.

Levanzil dapre Zan 2:25

I pa ti bezwen personn pour fer li konn zot, akoz i ti konnen sa ki i annan dan leker imen.

Levanzil dapre Zan 7:24

Aret ziz lo laparans, me ziz dapre lazistis.”

Ebre 5:14

Me nouritir solid i pour bann adilt ki, avek leksperyans, zot konn disernen ant sa ki byen ek sa ki mal.

1 Samyel 16:7

Me SENYER ti dir Samyel, “Pa get son laparans ni son grander, akoz mon'n rezet li. SENYER pa war parey zonm i war. Zonm i get laparans eksteryer, me SENYER i get dan leker.”