Ezai 11:14 - Labib An Kreol Seselwa

¹⁴ Ansanm, zot pou atak bann Filisten dan Was. Ansanm, zot pou depouy bann zabitan dan Les. Edonm ek Moab pou tonm dan zot lanmen e bann Amonit pou anba zot dominasyon.

Ezai 11:14 ပူးပေါင်းရင်းမြစ်များ

Ezai 14:29

Bann Filisten pa bezwen rezoui, akoz sa baton ki pe tap lo zot in ganny kase. Annefe, en viper pou sorti dan kadav en serpan, dan sa viper pou sorti en dragon volan.

Ezai 15:1

La mesaz lo Moab: Dan en lannwit, Ar-Moab ti ganny detri; i ti ganny plonze dan silans. Dan en lannwit, Kir-Moab ti ganny detri; i ti ganny plonze dan silans.

Ezai 16:14

Me aprezan, SENYER i deklare: Dan 3 an, parey letan ki en travayer i ganny anploye, laglwar Moab pou diminyen malgre son gran popilasyon. Leres bann sirvivan pou vin nanryen ditou e san okenn lenportans.

Ezai 25:10

Lanmen SENYER pou reste lo sa montanny. Bann Moabit pou ganny kraze lanmenm an plas parey lapay ki ganny pil anba lipye dan en trou fimyen.

Ezai 33:1

Maler lo ou ki detri tou me ki pa'n ganny detri! Ki trai lezot me ki pa'n ganny trai! Ler ou ava'n fini detri, ou osi, ou pou ganny detri. Ler ou ava'n fini trai, ou pou ganny trai.

Ezai 59:19

Alor, depi dan Was, dimoun pou respekte non SENYER, depi dan Les, son laglwar; akoz i pou vini parey en larivyer deborde, pouse par souf SENYER.

Ezai 60:14

Desandan bann ki kraz ou pou vin kot ou, latet bese; tou sa bann ki ti mepriz ou pou prostern devan ou. Zot pou apel ou Lavil SENYER, Siyon, lavil Bondye Sen Izrael.

Ezai 63:1

Lekel sa enn ki pe vini sorti Edonm, sa enn ki sorti lavil Bosra, abiye dan lenz avek tas disan lo la? Lekel sa enn ki'n abiye dan zoli lenz, ki pe aprose avek lafyerte, avek lasirans dan son lafors? Se mwan menm sa enn ki rann lazistis, ki sov avek pwisans.

Ezai 9:12

Bann Arameen lo kote Les, bann Filisten lo kote Was, zot in devor Izrael avek lapeti. Malgre sa, lakoler SENYER pa'n kalme; son lanmen in reste touzour menasan.

Zeremi 40:11

Kan bann zabitan Zida ki ti Moab, kot bann Amonit, dan pei Edonm ek lezot pei, ti aprann ki lerwa Babilonn ti'n permet en restan dimoun reste dan Zida e ki i ti'n nonm Gedalya, garson Ahikanm, garson Safann gouverner,

Zeremi 48:40

La sa ki SENYER i deklare: Gete! Lennmi i parey en leg ki pe plannen avek son lezel gran ouver par lao Moab.

Zeremi 49:2

Pour sa rezon, sa zour pe sirman vini, SENYER i deklare, kan tapaz lager pou rezonnen dan Raba, lavil bann Amonit. Sa lavil pou vin en ta debri; son bann vilaz pou ganny brile. Alor, Izrael ava kapab repran son posesyon avek sa bann ki ti'n pran li.

Zeremi 49:22

Lennmi pour atak Bosra parey en leg ki desann avek son lezel gran ouver. Sa zour la, bann meyer gerye Moab pou per parey en fanm ki dan douler lanfantman.

Zeremi 49:28

La sa ki SENYER i deklare lo size tribi Kedar e bann rezyon kontrole par Hazor ki Naboukodonozor, lerwa Babilonn ti gannyen dan lager: Atak pep Kedar e detri sa tribi ki sorti dan Les.

Ezekyel 25:14

Mon pou les mon pep Izrael tir vanzans kont Edonm. Izrael pou tret zot dapre mon gran lakoler e zot ava rekonnet mon vanzans, Senyer BONDYE i deklare.

Danyel 11:41

I pou antre dan sa pli zoli pei; i pou fer bokou viktim. Me Edonm, Moab ek bann sef Amonit pou reisi sape.

Zoel 3:19

Lezip pou ganny detri; Edonm pou vin en dezer, akoz vyolans ki zot ti fer anver bann zabitan Zida. Zot in fer koule disan bann inosan dan sa pei.

Amos 9:12

Alor, pep Izrael ava kapab repran posesyon restan rwayonm Edonm ek tou bann nasyon ki ti ador mwan. SENYER i deklare, ki i pou fer sa.

Habakouk 1:8

Zot bann seval i pli rapid ki bann leopar, pli feros ki bann loulou aswar. Zot bann kavalye i atake. Zot bann kales lager i sorti lwen. Zot anvole koman leg kan i atake pour li devore.

Sofoni 2:5

Maler pour bann zabitan obor lanmer, bann Keretit! SENYER in pronons en zizman kont zot: Kanaan, pei Filisten! Mon pou detri ou. Mon pou fer disparet tou ou bann zabitan.

Sofoni 2:7

Leres sirvivan pep Zida ki pou okip sa rezyon, kot zot pou sonny zot bann zannimo. Aswar, zot pou al dormi dan bann lakaz Askelonn. SENYER, zot Bondye, pou azir dan zot faver. I pou retabli zot sityasyon.

Sofoni 2:9

Alor, la sa ki SENYER liniver, Bondye Izrael, i deklare: Osi vre ki mon vivan, Moab pou vin parey Sodonm; bann Amonit parey lavil Gomor. Sa pei pou vin en landrwa kouver avek move zerb, bann basen disel, en pei detri pour touzour. Leres sirvivan parmi mon pep pou depouy li. Restan mon pep pou pran posesyon zot patrimwann.

Nonm 24:17

Mon war dan lavenir, mon gete, me ankor dan lwen. En zetwal pou sorti dan Zakob, en lerwa pou leve sorti dan Izrael. I pou tap Moab dan son latanp, e kraz latet bann desandan Set.

Matye 8:11

Mon dir zot ki bokou dimoun pou sorti dan Les e dan Was, pou pran plas dan repa avek Abrahanm, Izaak ek Zakob, dan Rwayonm lesyel.

Ziz 6:3

Ler bann Izraelit ti senm zot bann legren, bann Madyanit, bann Amalesit ek bann pep sorti dan Les, ti monte pour atak zot.