Ezai 11:11 - Labib An Kreol Seselwa

¹¹ Sa zour, SENYER pou lev son lanmen ankor en fwa pour li liber restan son pep; bann ki ti Asiri, Lezip, Patros, Kous, bann ki dan Elanm, Sinear, Hamat e bann ki reste lo bann zil lanmer.

Ezai 11:11 ပူးပေါင်းရင်းမြစ်များ

Zenez 10:10

Bann premye lavil dan son rwayonm ti Babel, Erek ek Akad, dan pei Sinear.

Zenez 10:22

Bann garson Senm: Elanm, Asour, Arpaksad, Loud ek Aranm.

Zenez 11:2

Anmezir ki dimoun ti deplase sorti dan Les, zot ti etabli zot dan en gran laplenn dan Mezopotami.

Zenez 14:1

Dan sa lepok, Anmrafel, lerwa Sinear, Aryok, lerwa Elasar, Kedorlaomer, lerwa Elanm, ek Tidal, lerwa Goim

Zenez 2:13

Dezyenm larivyer ki apel Gihonn, ti koul otour pei Kous.

2 Rwa 17:24

Lerwa Asiri ti fer tou dimoun vini sorti Babilonn, Kouta, Ava, Amat ek Sefarvaim. I ti fer zot enstal zot dan bann lavil Samari, dan plas pep Izrael, e zot ti pran posesyon Samari e reste dan son bann lavil.

Ester 10:1

Lerwa Zerzes ti etabli en taks lo pei ek bann zil lanmer.

Psonm 68:22

SENYER i deklare: Mon pou fer zot retournen sorti Basann. Mon pou fer zot sorti dan profonder lanmer.

Ezai 1:9

Si SENYER liniver pa ti'n les detrwa sirvivan, nou ti ava'n pas parey lavil Sodonm, nou ti ava'n pas parey lavil Gomor.

Ezai 10:20

Sa zour, en restan Izrael ek bann sirvivan desandan Zakob pou depann lo sa enn ki pe bat zot; me zot ava kont lo SENYER, Bondye sen Izrael.

Ezai 10:9

Eski Kalno pa in pas parey Karkemis? Hamat parey Arpad e Samari parey Damas?

Ezai 11:16

Pou annan en larout sorti Asiri pour restan son pep ki pou ankor laba, parey ti annan enn pour Izrael ler i ti sorti Lezip.

Ezai 19:21

SENYER ava fer bann Ezipsyen konn li, e sa zour, zot ava konn SENYER. Zot ava ador li e ofer li bann sakrifis e bann sakrifis konplet; zot ava gard bann ve ki zot ava fer anver SENYER.

Ezai 19:22

SENYER pou pini Lezip. I pou pini li, me i pou geri li e bann Ezipsyen ava retourn ver SENYER ki ava ekout zot siplikasyon e geri zot.

Ezai 21:2

Mon'n ganny en vizyon terib: Tret i trai, destrikter i detri. Elanm! Monte e Med atake. Mon pe met en lafen avek tou bann soufrans.

Ezai 22:6

Solda ki sorti Elanm ti arme avek fles; bann kales lager ek kavalye pe avanse. Solda sorti Kir pe prepar zot boukliye.

Ezai 24:15

Zabitan dan rezyon Les! Rann glwar SENYER. Zot ki reste dan bann zil! Loue non SENYER, Bondye Izrael.

Ezai 37:31

Bann sirvivan dan lafanmir Zida, ava repran rasin anba e raport fri lao.

Ezai 42:10

Sant en nouvo kantik an loner SENYER! Sant son louanz depi dan bout later! Loue li! Zot ki vwayaz lo lanmer e zot zabitan bann zil!

Ezai 42:12

Zot tou! Rann glwar SENYER. Bann zil! Sant son louanz.

Ezai 42:4

I pa pou dekouraze ni abandonnen, ziska ki i etabli lazistis lo later; bann pei lwenten pe esper son lansennyman.

Ezai 45:14

La sa ki SENYER i deklare: Mendev Lezip, komers bann Nibyen e bann Sabeen, sa bann zean pou pas dan ou lanmen e pou vin ou propriyete. Zot pou swiv ou atase avek lasenn e zot ava prostern devan ou. Zot ava sipliy ou: Bondye i avek ou e napa okenn lot.

Ezai 49:12

La zot la; zot in arive sorti lwen, zot sorti, en bann dan Nor, en bann dan Was, lezot dan Sid, dan Lezip.

Ezai 66:19

Mon pou met en siny parmi zot. Mon pou anvoy en pe bann sirvivan kot bann nasyon: Tarsis, Pout ek Loud, bann ki konn byen tir fles, Toubal ek Lagres; dan bann zil elwannyen ki pa'n antann mon non rezonnen ni war mon laglwar; zot pou anons mon laglwar parmi bann nasyon.

Zeremi 25:25

tou bann lerwa Zimri, Elanm ek Med;

Zeremi 31:10

Tou bann nasyon! Ekout parol SENYER e al proklanm li dan bann zil elwannyen: SENYER ki ti dispers Izrael, pou aprezan rasanble li. I pou vey lo li parey en berze i gard son troupo.

Zeremi 44:1

La mesaz ki SENYER ti donn Zeremi konsernan tou bann Izraelit ki ti pe viv Lezip, dan bann lavil Migdol, Tafanes, Menmfis, e dan pei Patros:

Zeremi 49:23

Lo size Damas, la sa ki SENYER ti deklare: Zabitan bann lavil Hamat ek Arpad i onte. Zot dan traka akoz zot in antann en move nouvel. Zot trouble parey en lanmer demonte ki enposib kalme.

Ezekyel 27:6

Ou bann zaviron in ganny fabrike avek meyer dibwa sorti Basann. Ou pon in ganny konstri avek meyer dibwa, enkriste avek livwar, sorti zil Sip.

Ezekyel 29:14

Mon pou retabli sityasyon Lezip e les bann Ezipsyen retourn dan zot pei e les li form en pti rwayonm.

Ezekyel 30:14

Mon pou devaste Sid Lezip e met dife dan lavil Soann. Mon pou egzekit mon zizman kont lavil Teb.

Ezekyel 32:24

Lerwa Elanm i la, avek tou son larme otour son latonm. Zot tou, bann ensirkonsi, ki'n ganny masakre dan lager, zot ki ti ravaz later bann vivan, aprezan zot la, kouver avek laont, ansanm avek tou sa ki'n desann dan lemonn lanmor.

Ezekyel 38:8

Dan ankor en bon pe letan, ou pou ganny enstale dan ou plas. Plitar, mon pou donn ou lord pour atak pei avek en pep ki'n sape dan lager. Zot pou sorti parmi bann nasyon kot zot ti reste e rasanble lo bann montanny Izrael ki'n reste san zabitan depi lontan. Aprezan ki zot in sorti parmi sa bann nasyon, zot ava kapab viv an sekirite.

Danyel 1:2

SENYER ti livre Yoyakim, lerwa Zida, dan lanmen Naboukodonozor, avek serten bann istansil tanp Bondye. Naboukodonozor ti anmenn sa bann istansil dan pei Sinear e met zot dan lasal trezor son bann bondye.

Danyel 11:18

Apre i pou tourn ver bann rezyon lakot e i pou kaptir bokou pei. Me en sef pou fer arete son larogans san ki i fer parey.

Danyel 8:2

Dan sa vizyon, mon ti war mwan dan lavil Siz, ki dan provens Elanm, obor larivyer Oulai.

Oze 1:11

Pep Zida ek pep Izrael pou rasanble ansanm. Zot pou swazir en sel sef. Zot pou pran posesyon zot pei; sa pou en gran zour pour Zizreel.

Oze 11:10

Zot pou swiv SENYER ki pou kriye parey en lyon. Kan i kriye, son bann zanfan pou taye sorti dan Was an tranblan.

Oze 11:11

Zot pou arive an tranblan parey zwazo sorti Lezip, parey en group tourtrel sorti Asiri. Mon pou fer zot retourn se zot. SENYER ki'n deklare.

Mise 7:12

Sa zour, i annan ki pou vin kot ou sorti Asiri ek bann lavil Lezip, depi Lezip ziska kot larivyer Zourden, depi en lanmer ziska lot, e depi en montanny ziska lot.

Sofoni 2:11

SENYER pou azir dan en fason terib kont zot. I pou detri tou bann bondye lo later. Bann nasyon dan bann zil lwenten, pou prosternen devan li.

Zakari 5:11

I ti reponn, “Dan pei Babilonn, kot en sanktyer ava ganny konstri pour li. Kan sa sanktyer ava'n pare, zot ava plas sa pannyen lo son pyedestal.”

Zakari 8:7

La sa ki SENYER liniver i deklare: Mon pou sov mon pep ki dan bann pei Les e dan bann pei Was.

Zakari 9:2

Hamat osi, ki pros avek Hadrak, Tir ek Sidon avek tou son lasazes.

Romen 11:15

Annefe, kan zot ti'n ganny rezete, lemonn ti ganny rekonsilye avek Bondye. Ki pou arive alor, kan zot ava ganny aksepte a nouvo? Sa i ava en vre rezireksyon!

Romen 11:26

Konmsa ki pep Izrael antye pou ganny sove, parey Lekritir i deklare: Liberater pou sorti Siyon. I pou elimin revolt dan bann desandan Zakob.

2 Korentyen 3:16

Sa vwal i tonbe zis kan en dimoun i tourn ver Senyer.

Deterononm 9:29

Pa oubliye ki sa pep i pour ou e ki ou ki ti fer li sorti Lezip, par ou pwisans ek ou lafors.