Ezai 10:7 - Labib An Kreol Seselwa

⁷ Me li, pa sa son lentansyon. I pa ni annan sa lide. I pe zis mazin detri e fer disparet otan nasyon posib.

Ezai 10:7 ပူးပေါင်းရင်းမြစ်များ

Zenez 50:20

Zot ti oule fer mwan ditor, me Bondye in transform tousala an byen. Konmsa, i'n sov lavi bokou dimoun parey zot war ozordi.

Ezai 10:8

Annefe, i dir: Eski tou mon bann sef pa vo bann lerwa?

Ezai 23:13

Get pei bann Kaldeen: Sa pep nepli egziste! Bann Asiriyen ti'n fer li vin en pei zannimo sovaz. Zot ti konstri bann tour pour sirveyans. Zot ti detri son bann pale. Zot in fer li vin en ta debri.

Ezai 37:19

Zot in bril zot bann bondye. An realite zot pa ti bann bondye, me travay fer par lanmen zonm avek dibwa ek ros. Alor, zot in ganny detri.

Ezekyel 29:20

Mon donn li Lezip koman rekonpans akoz i'n travay pour mwan, Senyer BONDYE i deklare.

Danyel 11:12

Avek son laviktwar lo sa gran larme, leker lerwa Sid pou ranpli avek lorgey. I pou touy plizyer milye gerye, me son laviktwar pa pou dire.

Nahoum 1:11

Sa enn ki pe fer konplo kont SENYER, in sorti kot ou. Son bann proze i destrikter.

Akt de Zapot 2:23

Sa zonm ki Bondye, par son prop volonte e konnesans, ti'n etabli davans dan son plan, i'n ganny livre dan zot lanmen. Bann zonm kriminel ti touy li e klout li lo lakrwa.

Akt de Zapot 2:24

Me Bondye ti resisit li, e delivre li dan soufrans lanmor. Annefe ti enposib pour lanmor gard li anba son pouvwar.