Ezai 10:6 - Labib An Kreol Seselwa

⁶ Mon pe anvoy li kont en nasyon enfidel. Mon pe anvoy li kont en pep ki eksit mon lakoler, pour depouy zot e sezi tou zot byen; ki pou mars lo zot konmsi labou dan semen.

Ezai 10:6 ပူးပေါင်းရင်းမြစ်များ

2 Samyel 22:43

Mon kraz zot parey lapousyer ki pe anvole dan divan. Mon mars lo zot parey labou lo semen.

2 Rwa 18:25

An plis, eski mon'n atak sa landrwa pour detri li san led SENYER? SENYER ki ti dir mwan: Al atak sa pei e detri li.”

Ezai 19:17

Later Zida pou fer per bann Ezipsyen; tou dimoun ki pou antann nonm son non pou per akoz plan ki SENYER liniver in monte kont zot.

Ezai 22:5

Annefe, sa zour, SENYER Bondye liniver in anvoy lazitasyon, konfizyon ek lafreyer. Dan Vale Vizyon, miray i ganny kraze; en lapel osekour i monte dan montanny.

Ezai 24:5

Bann zabitan in polye later akoz zot in transgres bann lalwa e vyol bann regleman. Zot in kas bann lalyans ki ti devre reste pour touzour.

Ezai 29:13

La sa ki SENYER i deklare: Sa i parey ler sa pep i apros mwan avek son labous. I onor mwan avek zis son lalev, me son leker i lwen avek mwan; respe ki i annan pour mwan, i zis en komannman zonm ki i'n aprann.

Ezai 32:6

Akoz bann fou i koz parol ki pa fer okenn sans e zot lespri i mazin fer sa ki mal. Zot fer bann aksyon degoutan, zot parol i ensilte SENYER; zot pa donn manze sa ki pe mor lafen e refiz delo sa enn ki swaf.

Ezai 33:1

Maler lo ou ki detri tou me ki pa'n ganny detri! Ki trai lezot me ki pa'n ganny trai! Ler ou ava'n fini detri, ou osi, ou pou ganny detri. Ler ou ava'n fini trai, ou pou ganny trai.

Ezai 33:14

Dan Siyon, bann ki koupab i dan lafreyer. Bann ki napa respe pour Bondye pe tranble: Lekel parmi nou ki kapab reste obor en dife ki devore? Lekel parmi nou ki kapab reste pre avek laflanm eternel?

Ezai 41:25

Mon'n apel en zonm sorti dan Nor; i'n arive sorti Les. In ganny apele par son non. I pou kraz bann dirizan parey labou; parey en potye i kraz larzil.

Ezai 49:17

Ou bann zanfan pe depese pour vin konstri; sa bann ki ti detri e kraz ou, pe kit pei.

Ezai 49:25

La sa ki SENYER i deklare: Menm prizonnyen en diktater pou ganny libere, pou ganny arase avek en tiran. Annefe, mon pou atak bann ki atak ou e mon pou sov ou bann zanfan.

Ezai 5:25

Pour sa rezon, SENYER i ankoler kont son pep. In lev son lanmen e i'n pini li. Montanny ti tranble, kadav ti fannen dan lari parey salte. Malgre sa, son lakoler pa ti tonbe, i pa bes son lebra.

Ezai 5:29

Zot kriy parey en lyon, zot gronnyen parey en pti lyon; zot anmenn zot viktim dan bann landrwa sir, kot personn pa kapab vin pran.

Ezai 5:5

Aprezan, les mwan dir zot ki mon pou fer avek mon plantasyon rezen: Mon pou tir bann klotir e les li ganny devore. Mon pou kas son bann miray e les li ganny kraze anba lipye.

Ezai 63:3

Mon ti tousel pour kraz rezen dan preswar, personn parmi lepep pa'n vin avek mwan. Dan mon lakoler, mon'n pil lo zot; mon'n kraz zot avek lakoler. Zot disan in fann partou lo mwan; tou mon lenz in tase.

Ezai 63:6

Dan mon lakoler, mon'n kraz bann nasyon anba mon lipye; mon'n kraz zot dan mon lakoler; mon'n fer koule zot disan.

Ezai 7:17

SENYER pou anvoy lo ou, lo ou pep e lo ou bann desandan, bann zour ki pa'n zanmen deza arive depi lepok ki rwayonm Izrael ti separ li avek rwayonm Zida, lerwa Asiri.

Ezai 8:4

akoz avan ki sa zanfan pou konn dir papa oubyen manman, tou larises Damas e tou byen ki Samari ti vole pou'n ganny pran par lerwa Asiri.

Ezai 8:8

I pou balye rwayonm Zida; i pou deborde parey en linondasyon; i pou kouver pei e monte ziska kot son likou. I pou kouver pei antye avek son lezel gran ouver. Bondye i avek nou!

Ezai 9:17

Pour sa rezon, SENYER pa pou toler zot bann zennzan, ni pran konpasyon pour zot bann orfelen ek zot bann vev. Annefe, zot in dezobeisan anver Bondye, e zot in fer sa ki mal; dan zot labous, zis move keksoz ki sorti. Malgre tousala, lakoler SENYER pa kalme; son lanmen i reste touzour menasan.

Ezai 9:19

Akoz lakoler SENYER liniver, pei in ganny brile; son prop pep in pran dife; personn pa pe pran pitye pour son prosen.

Zeremi 25:9

mon pou anvoy tou bann zabitan sorti dan Nor avek zot sef, mon serviter, Naboukodonozor, lerwa Babilonn ki fer sa ki mon oule. Mon pou fer zot lager kont Zida, kont son bann zabitan ek tou bann nasyon vwazen. Mon pou detri sa nasyon ek son bann vwazen. Mon pou fer li vin en ta larin pour touzour, en keksoz terib e sokan ki pa pou ditou gou pour war.

Zeremi 3:10

Apre tousala, Zida, sa ser Izrael, sa tret, ti fer sanblan ki i ti pe retourn ver mwan. I pa ti senser,” SENYER i deklare.

Zeremi 34:22

Mon pou donn lord ki zot retournen e atak sa lavil, SENYER i deklare. Enn fwa ki zot kaptir sa lavil, zot pou met dife ladan. Mon pou devaste bann lavil dan Zida e fer zot vin parey en landrwa devaste, san zabitan.

Zeremi 4:14

Zabitan Zerizalenm! Si zot oule ganny delivre, lav zot leker avek tou son bann mesanste. Kan eski zot pou debaras zot avek zot bann move panse?

Ezekyel 29:20

Mon donn li Lezip koman rekonpans akoz i'n travay pour mwan, Senyer BONDYE i deklare.

Ezekyel 38:12

Ou ava depouy zot e sezi bann larises. Ou ava atak bann zabitan ki reste dan bann landrwa ki ti'n deza ganny detri. Zot en pep ki'n rasanble sorti parmi bann nasyon etranze. Zot in ganny bokou troupo ek lezot larises, zot reste dan milye lemonn.

Ezekyel 38:13

Zabitan Saba ek Dedann, marsan Tarsis ek son bann vilaz otour li pou demann ou: Eski ou'n vin zis pour depouy nou avek nou bann larises? Ou'n rasanble ou troup pour depouy nou, pour pran nou lor ek nou larzan, nou bann troupo ek tou nou byen pour anmenn en gran kantite depouy lager avek ou?

Mise 7:10

Mon lennmi pou war sa e i pou ganny kouver avek laont. Sa enn ki ti abitye demande: Oli SENYER, ou Bondye, pou vin en spektak. I pou ganny kraze anba lipye, parey labou dan semen.

Habakouk 1:12

SENYER, mon Bondye, mon Sen! Ou ki SENYER, depi touzour. Ou pa pou mor. SENYER! Ou'n swazir bann Babilonyen pour egzekit ou zizman. Mon Ros protekter! Ou'n etabli zot pour pini nou.

Zakari 10:5

Ansanm, zot pou parey bann konbatan dan lager. Lo semen, zot pou kraz lennmi dan labou; zot pou konbat, akoz SENYER pou avek zot e zot pou imilye bann kavalye.

Matye 15:7

Bann ipokrit! Ezai ti annan rezon profetiz lo zot, kan i ti dir: