Ezai 10:34 - Labib An Kreol Seselwa

³⁴ Avek en lars, i pou koupay bann zarbis dan lafore e bann zoli pye sed Liban pou ganny zet ater.

Ezai 10:34 ပူးပေါင်းရင်းမြစ်များ

Psonm 103:20

Loue SENYER, zot bann lanz! Zot ki pwisan, fer son lavolonte, e obei tou son parol!

Ezai 10:18

SENYER pou detri bann lafore konpletman ek bann plantasyon fri. Zot pou parey en malad ki deperi.

Ezai 2:13

I pou azir kont bann gran pye sed Liban e bann pye dibwa Basann;

Ezai 31:8

Alor, bann Asiriyen pou tonbe anba kou lepe ki pa sorti kot zonm. Lepe ki pou detri zot pa'n ganny fer par zonm. Zot ava sove devan sa lepe e son bann zennzan pou ganny met anba travoforse.

Ezai 33:9

Pei i an dey, i pe langir; Liban i ganny kouver avek laont, i pe deperi; Laplenn Saronn in vin parey en dezer; Bann pye dibwa lo montanny Basann ek Karmel in perdi zot fey.

Ezai 37:24

Par lentermedyer ou bann serviter, ou'n ensilte SENYER e ou'n dir: Avek mon bann kales lager mon'n mont menm lo latet montanny, ziska landrwa pli retire dan Liban. Mon'n koup bann pli gran pye sed ek bann pli zoli pye dibwa. Mon'n penetre dan son bann montanny pli o e dan fon son lafore.

Ezai 37:36

Sa menm swar, lanz SENYER sorti e touy 185,000 zonm dan kan bann Asiriyen. Ler lizour ti fer, ti annan zis dimoun mor.

Zeremi 22:7

Mon pou anvoy bann zonm detri ou. Sakenn avek son zouti, pou koup ou bann pli zoli pye sed, e zet zot dan dife.

Zeremi 48:2

Moab in perdi son repitasyon. Depi Hesbonn, lennmi in fer konplo kont li: Vini, annou al detri sa lavil parmi bann nasyon! Ou osi, Madmen, ou pour ganny detri; lepe pour pourswiv ou.

Ezekyel 31:3

Ou gran parey en pye sed Liban, avek bann zoli brans ki donn lonbraz, e son leker i mont ziska dan nyaz.

Danyel 4:23

Apre, lerwa ti war en lanz, en sen, sorti dan lesyel ki ti dir: Koup sa pye dibwa e detri li, me gard son tron ek son bann rasin dan later, dan milye laplenn; antour li avek en lasenn an fer e an bronz. Pandan set an, i ava ganny mouye avek laroze lesyel e viv parmi bann zannimo.

Nahoum 1:12

La sa ki SENYER i deklare: Menm si zot for e nonbre, zot pou disparet. Si mon'n fer zot lapenn, mon pa pou fer li ankor.

2 Tesalonisyen 1:7

Zot ki ti pe soufer, e nou osi, i pou donn nou repo. Sa pou arive, kan Senyer Zezi pou aparet dan lesyel avek son bann lanz pwisan.

2 Pyer 2:11

Menm bann lanz ki pourtan bokou pli for e pli pwisan, pa fer okenn lakizasyon ensiltan kont bann kreatir glorye devan Senyer.

Revelasyon 10:1

Alor, mon ti war sorti dan lesyel en lot lanz pwisan, anvlope avek en nyaz e avek en larkansyel otour son latet. Son figir ti koman soley, e son lazanm koman de kolonn dife.

Revelasyon 18:21

Alor, en lanz pwisan ti pran en gro ros ki i ti zet dan lanmer. I ti dir: La ki mannyer sa gran lavil Babilonn pou ganny zete avek menm vyolans. Personn pa pou trouv li ankor.