Ezai 10:16 - Labib An Kreol Seselwa

¹⁶ Pour sa rezon, Senyer BONDYE liniver pou fer deperi bann gro gerye. En pti labrez pou bril zot laglwar parey en gro dife.

Ezai 10:16 ပူးပေါင်းရင်းမြစ်များ

2 Kronik 32:21

SENYER ti anvoy en lanz ki ti detri tou bann vayan gerye ek bann komandan dan kan lerwa Asiriyen. Alor, lerwa Asiriyen, kouver avek laont, ti retourn dan son pei. Plitar, ler i ti antre dan tanp son bondye, serten son bann prop garson ti touy li avek lepe.

Psonm 106:15

I ti donn zot sa ki zot ti demande. Apre, i ti anvoy lo zot en maladi ki fer deperi.

Psonm 78:31

lakoler Bondye ti mont kont zot. I ti touy bann ki ti pli for parmi zot e fer tonbe bann meyer zennzan dan Izrael.

Ezai 10:18

SENYER pou detri bann lafore konpletman ek bann plantasyon fri. Zot pou parey en malad ki deperi.

Ezai 17:4

Sa zour, Izrael pou perdi son pwa e i pou deperi.

Ezai 26:11

SENYER! Ou lanmen in leve, me zot pa war. Kan zot ava war sa gran pasyon ki ou annan pour ou pep, zot ava kanmi. Dife ki'n ganny alimen pour bann lennmi ava bril zot.

Ezai 31:9

Son protekter pou sove dan lafreyer; son bann sef pou sove e abandonn zot paviyon. SENYER ki annan en laflanm dan Siyon en fournez dan Zerizalenm ki deklare.

Ezai 37:29

Ou'n pran lakoler kont mwan e ou bann parol larogans in ariv ziska mon zorey. Mon pou met en lanmson dan ou nennen e en mor dan ou labous e mon pou fer ou retourn kot ou sorti.

Ezai 37:36

Sa menm swar, lanz SENYER sorti e touy 185,000 zonm dan kan bann Asiriyen. Ler lizour ti fer, ti annan zis dimoun mor.

Ezai 5:17

Bann mouton pou rod zerb dan bann debri lavil konmsi zot ti dan zot laplenn; bann pti kabri pou manz parmi larin lavil.

Ezai 8:7

SENYER pou fer monte kont li sa gro kouran delo ki sorti dan larivyer Efrat. Se lerwa Asiri ek son laglwar ki pou monte e deborde partou.

Ezai 9:4

Akoz ou'n tir sa fardo ki ti peze lo ledo ou pep, baton bann diktater ki ti pe bles zot zepol, sa mayos ki zot ti pe ganny bise avek, ozordi, ou'n kas tousala, parey zour ou ti bat bann Madyanit.

Ezai 9:5

Akoz tou bann bogi lennmi ki ti fer tranble later, tou bann liniform ki'n tase avek disan, in ganny servi pour fer en gran dife avek.

Zeremi 21:14

Mon pou fer ou rann kont, dapre ou bann aksyon, SENYER i deklare. Mon pou met dife avek ou lafore; sa dife pou bril tou sa ki dan zalantour.

Zeremi 48:14

Zabitan Moab! Koman eski zot kapab dir ki zot bann ero e bann vayan gerye?

Ezekyel 34:16

Mon pou rod bann ki'n perdi; fer retournen bann ki'n egare; pans bann ki'n ganny blese e fer bann ki malad repran zot lafors. Me mon pou elimin bann ki gra e for. Mon pou diriz mon troupo avek ladrwatir.

Nahoum 1:12

La sa ki SENYER i deklare: Menm si zot for e nonbre, zot pou disparet. Si mon'n fer zot lapenn, mon pa pou fer li ankor.

Sofoni 2:13

SENYER pou lev son lanmen kont bann zabitan dan Nor e fer disparet Asiri. I pou fer Niniv vin en landrwa devaste, sek parey dezer.

Zakari 7:4

Alor, SENYER liniver ti koz avek mwan. I ti dir mwan:

Akt de Zapot 12:23

Me dan sa menm moman, en lanz Senyer ti frap Herod, akoz i pa ti rann Bondye loner ki i merite. Lever ti devor li e i ti mor.