Ezai 10:14 - Labib An Kreol Seselwa

¹⁴ Parey ler ou met ou lanmen dan en nik, mon'n pran larises sa bann pep. Parey ou ranmas dizef ki'n ganny abandonnen, mon'n ranmas tou sa ki lo later e personn pa ti ni bronse ni ouver son labous, ni kriye.

Ezai 10:14 ပူးပေါင်းရင်းမြစ်များ

2 Kronik 32:13

Zot pa konnen sa ki mwan ek mon zanset nou'n fer avek pep lezot pei? Eski bann bondye sa bann nasyon ti kapab delivre zot pei dan mon lanmen?

Liv Zob 31:25

si mon lazwa in sorti dan mon gran larises, oubyen dan bann kantite lobze ki mon'n gannyen par travay;

Proverb 18:12

Avan katastrof, leker en zonm i ranpli avek lorgey; me limilite i vin avan loner.

Ezai 14:6

ki ti bat bann pep avek vyolans e san pitye; ki ti domin zot avek lakoler e persekit zot kontinyelman.

Ezai 37:25

Mon'n fouy bann pwi e bwar delo. Mon'n fer sek avek mon lipye tou bann larivyer dan Lezip.

Ezai 5:8

Maler bann ki azout lakaz! Ki pran en morso later apre lot, ziska ki pei antye i zis pour zot.

Zeremi 49:16

Ou larogans i fer ou krwar ki tou dimoun i per ou. Me ou tronpe. Ou reste lao lo latet montanny, dan bann trou ros; me menm si ou viv la anler parey bann leg, mon pou fer ou desann, SENYER i deklare.

Ezekyel 35:13

Ou ti dir bann parol arogan kont mwan; mwan menm mon'n tande.

Abdyas 1:4

Menm si ou fer ou demer anler parey en leg, menm si ou al viv parmi bann zetwal, mon pou fer ou desann.

Nahoum 2:9

Fer piyaz larzan, fer piyaz lor! Larises i annabondans; Lobze presye pa manke.