Ezai 10:13 - Labib An Kreol Seselwa

¹³ Annefe, sa lerwa in dir: Tou sa ki mon'n fer, se par mon lafors ek mon lasazes, akoz mon entelizan. Mon'n tir frontyer ki separ bann nasyon e mon'n sezi bann trezor. Mon'n tir bann lerwa lo zot tronn parey en toro.

Ezai 10:13 ပူးပေါင်းရင်းမြစ်များ

2 Rwa 15:29

Ti dan lepok Peka, lerwa Izrael, ki Tiglat-Pileser, lerwa Asiri, ti atak e pran sa bann lavil: Iyonn, Abel-Bet-Maaka, Yanoa, Kedes, Hasor, Galaad ek Galile, pei Neftali antye. I ti anvoy tou zabitan prizonnyen annegzil Asiri.

2 Rwa 16:8

Akaz ti pran larzan ek lor ki ti dan tanp SENYER e dan trezor pale lerwa e anvoy koman prezan pour lerwa Asiri.

2 Rwa 17:24

Lerwa Asiri ti fer tou dimoun vini sorti Babilonn, Kouta, Ava, Amat ek Sefarvaim. I ti fer zot enstal zot dan bann lavil Samari, dan plas pep Izrael, e zot ti pran posesyon Samari e reste dan son bann lavil.

2 Rwa 17:6

Nevyenm lannen renny Oze, lerwa Asiri ti pran lavil Samari e anmenn bann Izraelit annegzil Asiri. I ti fer zot reste Hala, lo Habor, larivyer Gozann e dan bann lavil Med.

2 Rwa 18:11

Lerwa Asiri ti anmenn bann Izraelit Asiri koman prizonnyen e fer zot reste kot Hala, lo larivyer Habor, larivyer Gozann e dan bann lavil Med.

2 Rwa 18:15

Ezekyas ti donn li tou larzan ki ti dan tanp SENYER e dan trezor pale lerwa.

2 Rwa 18:32

ziska ki mon vini e anmenn zot dan en pei ki parey zot prop pei, en pei kot i annan dible ek diven, en pei kot i annan dipen ek plantasyon rezen, en pei avek pye zoliv ek dimyel. Konmsa, zot ava viv, e zot pa pou mor. Pa ekout Ezekyas ler i dir: SENYER pour delivre nou.

1 Kronik 5:26

Alor, Bondye Izrael ti boulvers lespri Poul, lerwa Asiri, lespri Tilgat-Pilneser ki ti deport bann Ribenit, bann Gadit ek demi tribi Manase; i ti anmenn zot Hala, Habor, Hara pre larivyer Gozann, kot zot in reste ziska ozordi.

Proverb 28:11

Sa enn ki ris i krwar i saz; me en pov ki annan disernman i kapab demaske li.

Ezai 10:8

Annefe, i dir: Eski tou mon bann sef pa vo bann lerwa?

Ezai 5:21

Maler lo sa bann ki krwar zot saz, ki krwar zot entelizan!

Zeremi 46:8

Lezip pe monte parey larivyer Nil, parey bann larivyer ki pe deborde. Lezip ti dir: Mon pou deborde e mon pou kouver later. Mon pou detri bann lavil ek zot bann zabitan.

Zeremi 48:14

Zabitan Moab! Koman eski zot kapab dir ki zot bann ero e bann vayan gerye?

Ezekyel 25:3

Dir zot ekout parol Senyer BONDYE: La sa ki Senyer BONDYE i deklare: Ou ti byen riye kan mon sanktyer ti ganny profannen, kan pei Izrael ti ganny devaste e pep Zida ti ganny deporte.

Ezekyel 26:2

Ou ki en imen, ekoute sa ki zabitan Tir in dir kont Zerizalenm: Laport kot tou pep i pase in kase; i'n ouver pour mwan; i mon tour pour mwan vin ris, la ki i'n ganny detri.

Ezekyel 29:3

Dir li: La sa ki Senyer BONDYE i deklare: Mon kont ou, Faraon, lerwa Lezip. Ou parey sa gran krokodil ki dormi dan milye larivyer. I dir: Sa i mon Nil, mon larivyer, mon'n fer li pour mwan.

Ezekyel 35:13

Ou ti dir bann parol arogan kont mwan; mwan menm mon'n tande.

Danyel 4:27

Mazeste! Aksepte mon konsey: Ranplas ou bann pese par lazistis e ou bann fot par konpasyon anver bann pov. Petet sa ava prolonz ou trankilite.”

Danyel 4:30

I ti dir: La sa gran Babilonn ki mon'n konstri pour mon rezidans! Mon'n fer li par mon lafors, par mon pwisans, pour mon loner e mon laglwar!

Amos 5:27

mon pou anvoy zot annegzil lo lot kote Damas. Mwan, SENYER, Bondye liniver ki deklare: Sa i mon non.

Amos 6:13

Zot selebre akoz zot laviktwar lo lavil Lodabar, savedir: Pa vo nanryen. Zot dir: Nou ase for pour pran Karnaim, lavil ki reprezant lafors.

Habakouk 1:11

Alor, zot pase parey en gro divan e kontiny zot semen. Sa ki enportan pour zot, se zot lafors. Zot pran lafors pour zot bondye.

Habakouk 1:16

Pour sa rezon, zot ofer en sakrifis an loner zot lasenn e bril lansan devan zot karle. Annefe, akoz sa, ki zot in atrap bokou pwason, e manz bann bon repa.

Habakouk 2:6

Me dimoun pou fer li vin en fars, en size plezantri. Zot pou dir: Maler lo sa enn ki akimil larises ki pa pour li! Ziska kan ou pou zis akimil det!

Deterononm 8:17

Fer atansyon! Pa dir dan ou menm: Mon'n ganny mon larises par mon lafors ek mon pwisans.

Ziz 7:2

SENYER ti dir Zedeon, “Ou larme i tro nonbre pour mwan livre Madyann dan ou lanmen; Izrael ava kapab fer vantar lo mon depan e dir: Mon prop lafors ki'n sov mwan.