Ezai 1:7 - Labib An Kreol Seselwa

⁷ Ou pei in ganny devaste, ou bann lavil in brile. Bann etranze pe devor ou later lanmenm devan ou lizye. Ou bann plantasyon in ganny detri; lennmi in vir li anba lao.

Ezai 1:7 ပူးပေါင်းရင်းမြစ်များ

2 Kronik 28:5

Alor, SENYER son Bondye ti livre li dan lanmen lerwa Siri. Bann Siriyen ti bat li e pran en kantite prizonnyen ki ti ganny anmennen Damas. Akaz ti tonm osi dan lanmen lerwa Izrael ki ti donn li en bon bate.

Psonm 107:34

Akoz mesanste son bann zabitan, en later fertil in vin en laplenn disel.

Psonm 107:39

Zot ganny imilye, abese; zot ganny abize, zot dan traka ek sagrinasyon.

Psonm 109:11

Dimoun ki i dwa ava sezi tou son byen. Bann etranze ava sezi tou sa ki i annan.

Ezai 1:8

Zis Zerizalenm ki reste. I parey en kabann dan plantasyon rezen, en labri dan plantasyon kokonm, en lavil anserkle par lennmi.

Ezai 3:8

Zerizalenm in degrengole; rwayonm Zida in tonbe, akoz zot parol ek zot aksyon in kont SENYER. Zot in revolte devan son laglwar.

Ezai 34:9

Delo bann larivyer ki koule dan Edonm pou vin goudron e son later pou vin souf; sa pei pou vin parey goudron ki pe brile.

Ezai 49:19

I vre ki ou bann zabitan pou santi zot sere lo sa later ki'n ganny devaste, en landrwa dezer, en landrwa ki'n ganny detri, e bann ki ti oule devor ou ava'n fini ale.

Ezai 5:17

Bann mouton pou rod zerb dan bann debri lavil konmsi zot ti dan zot laplenn; bann pti kabri pou manz parmi larin lavil.

Ezai 5:9

La serman ki SENYER liniver ti fer rezonnen dan mon zorey: En kantite sa bann lakaz pour ganny abandonnen. Personn pa pou vin reste dan sa bann gran e zoli lakaz.

Ezai 6:11

Mon ti demande: Ziska kan, SENYER? I ti dir: Ziska ki bann lavil i ganny detri e personn pa reste dan sa bann lakaz, e pei i ganny devaste;

Ezai 60:15

Otrefwa, ou ti'n ganny abandonnen, ai, deteste, san personn pas kot ou. Me aprezan, mon pou fer ou vin gran pour touzour, en rezon selebrasyon pour bann zenerasyon pour touzour.

Ezai 62:8

SENYER in fer serman par son lanmen drwat; par son lebra pwisan i donn garanti: Mon pa pou donn ankor lennmi ou dible pour zot manze; bann etranze pou nepli bwar ou diven ki ou'n fatige pour fer.

Ezai 64:10

Ou bann lavil sen in vin en dezer; Siyon in vin en dezer; Zerizalenm in ganny devaste.

Ezai 9:18

Mesanste i alimen parey en dife ki bril bann zarbis pikan. I ravaz bann brousay dan lafore e fer en gro lafimen monte.

Ezai 9:5

Akoz tou bann bogi lennmi ki ti fer tranble later, tou bann liniform ki'n tase avek disan, in ganny servi pour fer en gran dife avek.

Zeremi 2:15

Zot kriy avek li parey bann zenn lyon ki fer tande zot lavwa. Zot in detri son pei konpletman. Personn pa reste dan bann lavil brile.

Zeremi 4:7

Destrikter bann nasyon pe vini. Parey en lyon, in sorti dan son landrwa kasyet. I pou detri zot pei. Zot bann lavil pou ganny detri e reste abandonnen.

Zeremi 44:6

Alor, parey en dife, lavyolans mon lakoler e mon lendinyasyon in bril bann lavil Zida e bann lari dan Zerizalenm. Tou i an rin, tou i zis en dezer ziska ozordi.

Zeremi 6:8

Pep Zerizalenm! Aksepte koreksyon. Sankwa, mon pou abandonn ou; mon pou fer ou vin parey en dezer, an landrwa kot personn pa pou kapab reste.

Zeremi 7:34

Dan bann lavil Zida e dan bann semen Zerizalenm, pou nepli antann dimoun riye ni war dimoun zwaye; pou nepli antann son rezouisans maryaz. Mon pou fer aret tousala e sa pei pou vin en landrwa devaste.

Lamantasyon 5:2

Nou patrimwann i dan lanmen bann etranze. Nou lakaz i aprezan pour lezot nasyon.

Ezekyel 25:4

Alor, mon pe al livre ou dan lanmen bann tribi sorti dan Les; ou pou vin zot posesyon. Zot pou etabli zot kan se ou, mont zot latant kot ou, manz ou fri e bwar ou dile.

Ezekyel 30:12

Mon pou fer sek bann brans larivyer Nil e vann pei avek bann malfeter. Mon pou servi bann nasyon etranze pour detri sa pei ek tou sa ki ladan. Mwan SENYER mon'n koze.

Oze 7:9

Bann etranze i sis son lafors, san ki i konnen. Lavyeyes in akapar li, san ki i remarke.

Oze 8:7

Zot in senm divan; zot pou rekolte tanpet. Dible ki ou plante pa pou donn ou lafarin; si i donnen, bann etranze ki pou manze.

Levitik 26:33

Mon pou dispers zot parmi bann nasyon e anvoy lager kont zot. Zot pei pou vin en dezolasyon e zot bann lavil ava vin en ta debri.

Levitik 26:34

Alor, pandan tou sa bann lannen dezolasyon, ler zot ava dan pei zot bann lennmi, zot pei ava dan repo saba. Alor, pei ava repoze e akonpli son bann saba.

Mise 5:11

Mon pou detri tou lavil dan ou pei e demoli ou bann fortres.

Mise 6:13

Pour sa rezon, mon'n konmans tap ou. Mon pe detri ou akoz ou bann pese.

Deterononm 28:33

En pep ki ou pa konnen ava manz prodwi ou later e tou prodwi ou travay; ou pou kontinyelman ganny eksplwate, kraze.

Deterononm 28:43

Bann etranze ki pe reste kot ou, ava vin pli ris e pli pwisan; me ou, ou pou vin pli pov e perdi ou pouvwar.

Deterononm 29:23

Son pei antye in ganny brile par souf ek disel, napa nanryen ki pouse, okenn boutir, okenn vezetasyon; parey dan destriksyon ki ti ariv avek Sodonm ek Gomor, Adma ek Zeboim ki SENYER ti detri dan son gran lakoler.