Ezai 1:5 - Labib An Kreol Seselwa

⁵ Akoz ou rod ganny bate ankor? Akoz ou kontinyen revolte? Ou latet i malad e ou leker i soufer.

Ezai 1:5 ပူးပေါင်းရင်းမြစ်များ

2 Rwa 1:13

Lerwa ti anvoy ankor en trwazyenm sef avek son 50 zonm. Sa trwazyenm sef 50 ti monte e tonm azenou devan Eli. I ti sipliy li, “Profet Bondye! Mon sipliy ou konsider mon lavi ek lavi ou 50 serviter koman keksoz presye.

2 Kronik 28:22

Pandan sa bann moman kritik, Akaz ti fer plis sakrilez kont SENYER.

Nehemi 9:34

Nou bann lerwa, nou bann sef, nou bann pret, e nou bann zanset, pa'n obei ou lalwa. Zot pa'n met an pratik ou bann komannman, ni pran ka avek bann lavertisman ki ou ti donn zot.

Ezai 1:23

Ou bann sef in vin rebel; zot konplis avek voler. Zot tou zot kontan pran gous. Zot tou zot kontan kado. Zot pa defann bann orfelen. Zot pa ekout ka bann vev.

Ezai 31:6

Pep Izrael! Retourn ver sa enn kont lekel ou'n komet en gran traizon.

Ezai 33:24

Personn pa pou dir: Mon malad! Bann zabitan Zerizalenm pou ganny pardonnen zot pese.

Ezai 9:13

Lepep pa retourn ver sa enn ki'n pini li, i pa tourn ver SENYER liniver.

Ezai 9:21

Manase in devor Efraim; Efraim in devor Manase. Zot ti fer konplo kont Zida. Malgre tousala, lakoler SENYER pa'n tonbe; son lanmen i ankor menasan.

Zeremi 13:23

Eski en dimoun nwanr i kapab sanz kouler son lapo? Eski en leopar i kapab tir bann tas lo li? Ou, ki abitye fer lemal, ou pou kapab fer sa ki byen?

Zeremi 17:9

Leker imen i fourb e koronpi. I pa kapab ganny geri. Lekel ki kapab konpran li?

Zeremi 2:30

Mon'n esey koriz ou bann zanfan; me sa pa'n servi dan nanryen. Parey en lyon anraze, ou'n masakre bann profet ki mon ti'n anvoy ou.

Zeremi 44:15

Tou bann zonm ki ti konnen ki zot bann fanm ti'n ofer sakrifis anver lezot bondye, tou bann fanm ki ti la, e tou lezot ki ti'n vin reste Patros dan pei Lezip, ti reponn Zeremi:

Zeremi 5:3

I vre, SENYER: Laverite ki enteres ou! Ou'n pini zot, me pa fer zot nanryen. Ou'n preski detri zot; me zot in refize aprann. Zot in fer latet; zot refize retourn kot ou.

Zeremi 5:31

Bann profet i koz manti. Bann pret i ansenny zis sa ki fer zot plezir, e mon pep i trouv sa normal. Me ki zot pou fer kan tousala i fini?

Zeremi 5:5

Mon pou al war bann sef e mon pou koz avek zot. San okenn dout, zot konn lavolonte SENYER, sa ki Bondye i demann zot fer. Me, zot tou, zot parey: Zot in revolte kont lotorite Bondye, e refize obeir li.

Zeremi 9:3

SENYER i deklare: Zot lalang i parey en fles. Mansonz in ranplas laverite dan sa pei. Mon pep i fer sa ki mal enn deryer lot. Zot refize rekonnet mwan koman zot Bondye.

Lamantasyon 5:17

La rezon akoz nou leker i malad. La rezon akoz nou pa war byen kler:

Ezekyel 24:13

Zerizalenm! Ou bann aksyon imoral in sali ou. Menm ki mon ti oule pirifye ou, ou'n reste enpir. Ou pa pou ganny pirifye tan ki mon pa satisfer mon lakoler kont ou.

Ezekyel 34:16

Mon pou rod bann ki'n perdi; fer retournen bann ki'n egare; pans bann ki'n ganny blese e fer bann ki malad repran zot lafors. Me mon pou elimin bann ki gra e for. Mon pou diriz mon troupo avek ladrwatir.

Ezekyel 34:4

Zot pa pran ka avek bann mouton feb, ni sonny sa ki malad e pans sa ki'n ganny blese. Zot pa'n fer retournen sa ki'n egare, ni rod sa ki'n perdi. Me zot in domin lo zot avek lafors e montre zot kriyel.